ចម្រៀងកម្សត់ក្នុងរឿង "Furious 7” ចេញ MV រំឭកអនុស្សាវរីយ Paul Walker

2015-04-07 16:31:20
ចំនួនមតិ 0 | ចំនួនចែករំលែក 0

ចន្លោះមិនឃើញ

បទ "See You Again” របស់តារាចម្រៀងរ៉េប Wiz Khalifa ដែលជាបទក្នុងខ្សែភាពយន្ត "Furious 7" បានចេញជាវីដេអូផ្លូវការហើយ។ វីដេអូនេះត្រូវបានរៀបចំឡើងដើម្បីរំឭកអនុស្សាវរីយតារាសម្ដែង Paul Walker ដែលបានស្លាប់ដោយសារគ្រោះថ្នាក់ផ្ទុះរថយន្តកាលពីខែវិច្ឆិកា ឆ្នាំ២០១៣ ក្នុងអាយុ ៤០ឆ្នាំ។

វីដេអូនេះ បានបង្ហាញពីឈុតសម្ដែងរបស់ Walker ក្នុងរឿង "Furious 7” និងខ្សែភាពយន្ត "Fast & Furious” ទាំង ៦ភាគមុន ដែលបញ្ជាក់ឲ្យឃើញពីស្នាដៃ និងមិត្តភាពជ្រាលជ្រៅរបស់គេជាមួយមិត្តសម្ដែងរួមគ្នា ក្នុងស៊េរីខ្សែភាពយន្តនេះរយៈពេល ១៤ឆ្នាំកន្លងមក។ តារាចម្រៀង Charlie Puth ដែលច្រៀងជាមួយ Wiz Khalifa ក្នុងបទនេះ ក៏បានបង្ហាញមុខក្នុងវីដេអូនេះដែរ។

វីដេអូចម្រៀងបទ "See You Again” បានចេញ រយៈពេល ៣ថ្ងៃបន្ទាប់ពីខ្សែភាពយន្ត "Furious 7” ចាប់ផ្ដើមបញ្ចាំងនៅរោងភាពយន្ត ដោយទទួលបានចំណូល ១៤៣លានដុល្លារ ពីការបញ្ចាំងនៅអាមេរិកក្នុងរយៈពេល ៣ថ្ងៃនេះ។

ទស្សនាវីដេអូចម្រៀងបទ "See You Again” ខាងក្រោមនេះ៖