៦ ចំណុចដែលភរិយាល្អមិនធ្វើដាច់ខាត

2015-04-14 14:45:35
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រួសារមានសុភមង្គល អាស្រ័យមានស្វាមីល្អជាគូនឹងភរិយាគ្រប់លក្ខណ៍ដែលចេះស្រលាញ់ស្វាមី កូនចៅ ញាតិផៅសន្ដាន និងទុកដាក់ទ្រព្យសម្បត្តិ មិននាំភ្លើងក្រៅចូលក្នុងផ្ទះ ឬនិយាយហែកកេរ្តិ៍គ្រួសារខ្លួនឯង។

អ៊ីចឹងទំព័រនេះ Sabay នឹងបង្ហាញពីចំណុច ៦ យ៉ាងដែលភរិយាល្អគេមិនធ្វើជាដាច់ខាត ដើម្បីសុភមង្គលគ្រួសារ៖

១. ទុកខ្លួនជាចៅហ្វាយ

ស្ត្រីដែលមានចំណេះ ចេះគិតយល់ចិត្តដឹងសុខទុក្ខប្ដី គាត់មិនឲ្យប្ដីរង់ចាំនៅក្រៅផ្សាររាប់ម៉ោងនោះទេ។ បើដឹងថា គាត់ចូលទៅយូរ មុខតែឲ្យប្ដីវិលទៅផ្ទះមុន ព្រោះគិតពីទឹកចិត្ត គិតពីការខ្ជះខ្ជាយពេល និងគិតពីសុខទុក្ខប្ដីរបស់ខ្លួន។

២. តាំងខ្លួនជាភាគីឈ្នះ

នៅនឹងមុខអ្នកក្រៅ មនុស្សស្រីបែបនេះរមែងស្រែកដាក់បញ្ជារឺតមាត់ឮៗជាមួយប្ដីបង្ហាញគេពីភាពចង់ចាញ់ឈ្នះ ក្រែងមានអ្នកសរសើរថាខ្លួនត្រួតត្រាប្ដីបាន។ ពេលប្ដីកាន់តែមិនមាត់មិនកព្រោះមិនចង់ខ្មាសគេច្រើនជាងនេះ នាងបែរជាយល់ថាប្ដីខ្វះខ្លួនមិនបាន។

៣. ដើរតាមគ្រប់ជំហាន

ទាំងស្រីទាំងប្រុសមានពិភពផ្ទាល់របស់ខ្លួន បុរសដែលទៅអង្គុយតត្រុកចាំប្រពន្ធក្នុងហាងសាឡន ហើយភរិយាដែលដើរតត្រុកទៅឃ្លាំសូម្បីតែពេលប្ដីលេងកីឡា ឬផឹកស៊ីជាមួយមិត្តប្រុសៗ មិនអាចរកភាពរីកចម្រើនបានឡើយដោយសារម្នាក់ៗមករវល់ម្នាក់ទៀត ចោលចានចោលឆ្នាំ មិនធ្វើការដែលចំណេញពេល ចំណេញធន ចំណេញដល់ចំណេះជំនាញ។ ឧទាហរណ៍ ពេលប្រពន្ធទៅសាឡន ប្ដីអាចទៅរៀនអង់គ្លេស ពេលប្ដីទៅកីឡា ប្រពន្ធគួរនៅផ្ទះរៀបចំម្ហូបចំណី។

៤. នាំភ្លើងក្រៅចូលក្នុង

មនុស្សស្រីបែបនេះមាត់ច្រើន មានទំនាស់នឹងគេឯងច្រើន នាំរឿងមកផ្ទះទូលពិតប្តីឲ្យស្មុគបន្ថែមពីលើការងារហត់នឿយ នាំពាក្យពីប្ដីទៅនិយាយប្រាប់អ្នកក្រៅ នាំរឿងមិនចេះឈប់ឈររស់នៅនឹងគ្នាមានតែអំពល់ខ្វល់មិនស្រាក ស្រមៃថ្ងៃមួយប្ដីលែងស្រណោះអស់ចិត្តស្រលាញ់ក៏តាំងស្រែកថា ខ្លួនមិនមានខុសអ្វី?

៥. ភ្លើតភ្លើនគិតពីសប្បាយ

មនុស្សស្រីបែបនេះ មានប្ដីមានធុរៈ នៅតែធ្វើខ្លួនជាក្រមុំនិយមដើរលេងគ្មានលោះពេល មិនផ្ចង់លើការសន្សំប្រាក់រកស៊ី គិតគូរផ្ទះសម្បែងក្រែងកញ្ជើមានធ្លុះត្រង់ណាក៏ទេ ពោលគឺតាំងពីបានមកជាគ្នាក៏មិនដែលបានជួយអ្វី មានតែតឹងចិត្តតឹងទ្រូងឡើងៗជាហូរហែ។

៦. និយាយស្ដីឥតទទួលខុសត្រូវ

មនុស្សស្រីបែបនេះប្រើពាក្យលែងគ្នា ដោយផុយត្បិតឃើញខាងប្រុសមិនមាត់មិនក។ លុះដល់ថ្ងៃណាមួយ គេទ្រាំអស់ចិត្ត គេលែងមែន ក៏តាំងទឹកភ្នែករត់រកគ្រូហ្ម រំអុកឪពុកម្ដាយដាក់កំហុសប្ដី៕

អានអត្ថបទ៖ ៥យ៉ាងអោយបុរសអាណិតទៅណាមិនរួច

ដោយ៖ សុផាត