ជោគជតារាសីឆ្នាំទាំង១២ តាមមហាសង្រ្កាន្ត
- 2015-04-12 17:44:15
- ចំនួនមតិ 0 | ចំនួនចែករំលែក 0
ជោគជតារាសីឆ្នាំទាំង១២ តាមមហាសង្រ្កាន្ត
ចន្លោះមិនឃើញ
សៀវភៅមហាសង្ក្រាន្តឆ្នាំថ្មីឆ្នាំ ដែលរៀបរៀងដោយលោក អ៊ឹម បុរិន្ទ បានទស្សន៍ទាយជោគជតារាសីឆ្នាំទាំង១២។ ចង់ដឹងថា តើរាសីអ្នកក្នុងឆ្នាំមមែ សប្ដស័ក ពស ២៥៥៩ ឡើង ឫចុះ ? សូមតាមដានជាមួយ Sabay ទាំងអស់គ្នា !!
ឆ្នាំជូត
មនុស្ស ប្រុស៖ ក្នុងឆ្នាំនេះអ្នកតោងកែកុនប្រើសេចក្ដីពិនិត្យពិច័យអោយល្អិតល្អន់បន្តិចសូម្បីតែអ្នក ដែលធ្លាប់រាប់រកអ្នកយ៉ាងណា ឬ អ្នកធ្វើការរួមនឹងគេ អ្នកកុំសង្ឃឹមឡើយថានឹង បានកម្រៃផលពីវង់ការបែបនោះអោយសោះ ពុំនោះនឹងបណ្ដាលហេតុពីក្នុងក្រុមគ្រួសារ មានភ័យព្រួយឈឺថ្កាត់ឬក៏មានរឿងទំនាស់ពី មនុស្សបម្រើការក្នុងលំនៅដ្ឋាន ជតារាសីអ្នក ក្នុងឆ្នាំនេះពុំប្រសើរទេ ជាគ្រោះកម្មកាចសាហាវណាស់ ការងារប្រចាំជីវិតរបស់អ្នកឬសេចក្ដីស្និទ្ធស្នាលរបស់លោកអ្នក និងផ្ដល់ផលជាអសារឥតការដល់អ្នកវិញ បើអ្នកចង់បន្ធូរបន្ថយការអាប់បែបនេះ អ្នកត្រូវខំខ្នះខ្នែងដោយប្រើសេចក្ដីឆ្លៀវឆ្លាតនិងសេចក្ដីអង់ អាចអោយគ្រប់កម្លាំង ទើបអ្នកបានប្រាសចាកវិបត្តិទាំងនេះទៅខ្លះ។
មនុស្ស ស្រី៖ នៅក្នុងឆ្នាំនេះ ជាឆ្នាំដែលជោគលាភមុខជានឹងមានដល់លោកអ្នកហើយបើលោកអ្នកចង់ ធ្វើអ្វី នឹងបានសម្រេចជាដរាប មិត្តភក្តិឬចៅហ្វាយនាយជាធំប្រុងទំនុកបម្រុងដល់អ្នក តែថារឿងដែលអ្នកត្រូវប្រិតប្រៀបខ្លួនបន្តិចគឺ កុំបេះបួយនាំរឿងពី ឯណេះទៅ និន្ទា អោយអ្នកឯនោះលឺឬ ដឹងបើអ្នកបានតមប្រាកដក្នុងហេតុភេទនេះឈ្មោះថាខ្លួនបាន ដោះស្រាយពីការបែកបាក់រវាងមេត្រីភាព។
ឆ្នាំឆ្លូវ
មនុស្ស ប្រុស៖ ក្នុងឆ្នាំនេះ ការរៀបមង្គលការរបស់អ្នកនឹងបានផលសម្រេចបំណងមែនពិតប្រកបទៅ ដោយសេចក្ដីសុខ ប៉ុន្តែអ្នកនៅមានទំនាស់នឹងមេបារបស់អ្នកបន្តិចបន្តួច រួចពីហេតុបែបនេះទៅ នឹងបានល្អឡើងវិញ បើអ្នកធ្វើការការងារកាន់មុខតំណែងមានមុខនាទី អ្នកនឹងត្រូវបានឡើងតំណែងនាទីជាមិនខាន ការដែលអ្នកត្រូវប្រុងប្រយ័ត្នជាទីបំផុត គឺចោរកម្មនិងអគ្គិភ័យបំផ្លាញ បើមានជំងឺច្រើនតែផ្ដាសាយ។
មនុស្ស ស្រី៖ ក្នុងឆ្នាំនេះអ្នកនឹងមានគ្រោះថ្នាក់អាសន្នអាក្រក់ណាស់ ដួងជាតាត្រូវខាតបង់ឬ ត្រូវមានធុរៈជំងឺឈឺថ្កាត់ប៉ុន្តែអ្នកត្រូវបានមិត្តជិតស្និទ្ធ ជួយឈឺឆ្អាលយ៉ាងពេញទំហឹង។ បើអ្នកចង់ធ្វើអ្វីត្រូវពិចារណាមុខក្រោយអោយល្អិតល្អន់មែនទែន បើកាលណាភ្លាត់ការអ្នកមុខជាត្រូវរង អំពើសង្កត់សង្កិន។ ចូរកុំគប្បីបញ្ចេញឈ្មោះ បោះសំឡេងជាត្លុកកំប្លែងលលេងជាមួយគេញយៗ ពេក ចូរខំបំពេញខ្លួនឱ្យគេឃើញថាយើងជាមនុស្សមានរបៀបសុភាពរៀបរយ ចូរធ្វើសេចក្ដីល្អតបតជាមួយសត្រូវនោះទើបគ្រោះ របស់អ្នកនឹងត្រូវបន្ធូរបន្ថយទៅខ្លះៗបាន ហើយពេលក្រោយមានគេជួយឱ្យបាន ទ្រព្យនឹងបានស្ដុកស្ដម្ភ។
ឆ្នាំខាល
មនុស្ស ប្រុស៖ ក្នុងឆ្នាំនេះអ្នកនឹងមានគ្រោះថ្នាក់អាសន្នអាក្រក់ណាស់ ដួងជាតាត្រូវខាតបង់ឬ ត្រូវមានធុរៈជំងឺឈឺថ្កាត់ប៉ុន្តែអ្នកត្រូវបានមិត្តជិតស្និទ្ធ ជួយឈឺឆ្អាលយ៉ាងពេញទំហឹង។ បើអ្នកចង់ធ្វើអ្វីត្រូវពិចារណាមុខក្រោយឱ្យល្អិតល្អន់មែនទែន បើកាលណាភ្លាត់ការអ្នកមុខជាត្រូវរង អំពើសង្កត់សង្កិន។ ចូរកុំគប្បីបញ្ចេញឈ្មោះ បោះសំឡេងជាត្លុកកំប្លែងលលេងជាមួយគេញយៗ ពេក ចូរខំបំពេញខ្លួនឱ្យគេឃើញថាយើងជាមនុស្សមានរបៀបសុភាពរៀបរយ ចូរធ្វើសេចក្ដីល្អតបតជាមួយសត្រូវនោះទើបគ្រោះ របស់អ្នកនឹងត្រូវបន្ធូរបន្ថយទៅខ្លះៗបានហើយ ពេលក្រោយមានគេជួយឱ្យបាន ទ្រព្យនឹងបានស្ដុកស្ដម្ភ។ មនុស្ស ស្រី៖ ក្នុងឆ្នាំនេះ ការរៀបមង្គលការរបស់អ្នកនឹងបានផលសម្រេចបំណងមែនពិតប្រកបទៅ ដោយសេចក្ដីសុខ ប៉ុន្តែអ្នកនៅមានទំនាស់នឹងមេបារបស់អ្នកបន្តិចបន្តួច រួចពីហេតុបែបនេះទៅ នឹងបានល្អឡើងវិញ បើអ្នកធ្វើការការងារកាន់មុខតំណែងមានមុខនាទី អ្នកនឹងត្រូវបានឡើងតំណែងនាទីជាមិនខាន ការដែលអ្នកត្រូវប្រុងប្រយ័ត្នជាទីបំផុត គឺចោរកម្មនិងអគ្គិភ័យបំផ្លាញ បើមានជំងឺច្រើនតែផ្ដាសាយ។
ឆ្នាំថោះ
មនុស្ស ប្រុស៖ នៅក្នុងឆ្នាំនេះ ជាឆ្នាំដែលជោគលាភមុខជានឹងមានដល់លោកអ្នកហើយបើលោកអ្នកចង់ ធ្វើអ្វី នឹងបានសម្រេចជាដរាប មិត្តភក្តិឬចៅហ្វាយនាយជាធំប្រុងទំនុកបម្រុងដល់អ្នក តែថារឿងដែលអ្នកត្រូវប្រិតប្រៀបខ្លួនបន្តិចគឺ កុំបេះបួយនាំរឿងពី ឯណេះទៅ និន្ទា អោយអ្នកឯនោះលឺឬ ដឹងបើអ្នកបានតមប្រាកដក្នុងហេតុភេទនេះឈ្មោះថា អ្នកបាដោះស្រាយពីការបែកបាក់រវាងមេត្រីភាព។
មនុស្ស ស្រី៖ ក្នុងឆ្នាំនេះអ្នកតោងកែកុនប្រើសេចក្ដីពិនិត្យពិច័យអោយល្អិត ល្អន់បន្តិចសូម្បីតែអ្នក ដែលធ្លាប់រាប់យកយ៉ាងណា ឬ អ្នកធ្វើការរួមនឹងគេ អ្នកកុំសង្ឃឹមឡើយថានឹង បានកម្រៃផលពីវង់ការបែបនោះអោយសោះ ពុំនោះនឹងបណ្ដាលហេតុពីក្នុងក្រុមគ្រួសារ មានភ័យព្រួយឈឺថ្កាត់ឬក៏មានរឿងទំនាស់ពី មនុស្សបម្រើការក្នុងលំនៅដ្ឋាន ជតារាសីអ្នក ក្នុងឆ្នាំនេះពុំប្រសើរទេ ជាគ្រោះកម្មកាចសាហាវណាស់ ការងារប្រចាំជីវិតរបស់អ្នកឬសេចក្ដីស្និទ្ធស្នាលរបស់លោកអ្នក និងផ្ដល់ផលជាអសារឥតការដល់អ្នកវិញ បើអ្នកចង់បន្ធូរបន្ថយការអាប់បែបនេះ អ្នកត្រូវខំខ្នះខ្នែងដោយប្រើសេចក្ដីឆ្លៀវឆ្លាតនិងសេចក្ដីអង់ អាចអោយគ្រប់កម្លាំង ទើបអ្នកបានប្រាសចាកវិបត្តិទាំងនេះទៅខ្លះ។
ឆ្នាំរោង
មនុស្ស ប្រុស៖ ក្នុងឆ្នាំនេះជាឆ្នាំសម្រេចលាភផលជូនដល់ដៃយើងហើយទោះសត្រូវកាច ប៉ុនប៉ងប្រទូស្តសារាយយ៉ាងណាក៏ដោយ ខ្លួនអ្នកត្រូវបានជោគជ័យគ្រប់ប្រការហើយនឹង បានទទួលការលើកតម្កើងពីមនុស្សទូទៅ ប្រសិនបើអ្នកបានរៀបមង្គលការក្នុងឆ្នាំនេះ រាប់ថាល្អផ្ដាច់ហើយ ប៉ុន្តែឧបសគ្គរបស់អ្នក ក៏មិនសោះសូន្យដែរ ចំពោះក្រុមញាតិព័ន្ធុនឹងផ្ដល់សេចក្ដីរំខានដល់អ្នកខ្លះៗក្នុង ឆ្នាំនេះ។
មនុស្ស ស្រី៖ នៅក្នុងឆ្នាំនេះអ្នកនឹងបានមុខការងារធ្វើជាលក្ខណដ្ឋាន បើសិនជាការរៀបចំមង្គលការផ្ទាល់ខ្លួនមុខជាបានសម្រេចដូច សេចក្ដីប្រាថ្នា ជួបលាភផលយ៉ាងបន្ទាន់ តែបើទោះជាយ៉ាងនោះក៏ដោយ ក៏គង់នៅតែមានមនុស្សឫស្យាចំពោះលទ្ធផលរបស់អ្នកជានិច្ច នៅក្នុងរឿងនេះអ្នកកុំគប្បីខ្លាចឱ្យសោះព្រោះមានគេរង់ចាំជួយ ពេញទំហឹង ខាងមុខនៃការដូចពោលនេះ ចូរអ្នកប្រយ័ត្នមនុស្សមានទុក្ខទោសគ្របសង្កត់ណាមួយមកបញ្ចុះ បញ្ចូល បញ្ជោរលើកជើងអ្នក ឱ្យចូលមកចូលរួមការងារជាមួយគេ ទោះបីការងារនោះមានសភាពយ៉ាងណាក៏ដោយសុទ្ធតែមិនបរិសុទ្ធទាំងអស់។ ហើយមិនគួរលីសែងរែកពុនលើក ដាក់របស់ធ្ងន់ៗពេកទេ ក្រែងថ្លោះចង្កេះឬគ្រេចឆ្អឹងខ្នង។
ឆ្នាំម្សាញ់
មនុស្ស ប្រុស៖នៅក្នុងឆ្នាំនេះជាឆ្នាំដែលអ្នកនឹងមានចិត្តខ្វល់ខ្វាយ ច្រើនអនេក មិត្តភក្ដិជាទីស្រឡាញ់ឬញាតិសន្ដានដែលមានគុណបំណាច់លើរូបអ្នក ត្រូវនិរាសគ្នា មិនតែប៉ុណ្ណោះអ្នកត្រូវខូចខាតផលប្រយោជន៍ខ្លះទៀតផង តែអ្នកមិនត្រូវរងទុក្ខក្ដៅពេកនោះទេព្រោះមានគេចាំជួយឧបត្ថម្ភ គាំទ្រអ្នកឱ្យបានសេចក្ដីសុខចម្រើន បើទុកជាមានឧបសគ្គក្នុងការងារក៏គង់សាបរលាបទៅវិញបានដោយសារពេល នេះអ្នកមានមិត្តភក្ដិជួយទប់ទល់យ៉ាងស្វិតស្វាញ ជួនកាលឆ្នាំនេះអ្នកត្រូវរុះរើផ្ទះសម្បែង ឬ ធ្វើថ្មីផង។
មនុស្ស ស្រី៖ ឆ្នាំនេះជាឆ្នាំដែលលោកអ្នកមានសេចក្ដីសុខសម្រាន្តយ៉ាងលើសលុប ហើយបានគាប់ចិត្តគ្រប់យ៉ាង មានគេនាំកំណល់រង្វាន់ មកឱ្យដល់ទីកន្លែង ក្នុងឆ្នាំនេះជោគជាតារាសី របស់អ្នកល្អជាទីបំផុត បើអ្នកមានបំណងធ្វើអ្វីមុខជានឹងបានសម្រេចផល។ ប៉ុន្តែអ្នកគួរកុំផ្ដេកផ្ដួលនឹងការឈឺឆ្អាលពីគេឯទៀតខ្លាំងពេក នៅក្នុងការរាប់អានស្រឡាញ់ទុកចិត្ត គួរតែប្រយ័ត្នឱ្យមែនទែន ហើយខំស្ទាបស្ទង់បន្តិចផង បើសិនជាវៀរមិនផុត។ បើចៀសផុតពីការនេះបាននោះនៅក្នុងបន្ទុកក្រុមគ្រួសារមានសេចក្ដី សុខក្រៃលែង។
ឆ្នាំមមី
មនុស្ស ប្រុស៖ ឆ្នាំនេះជាឆ្នាំដែលអ្នកមិនសូវរីករាយសោះឡើយ មិត្តភក្ដិរបស់អ្នកឬ មនុស្សធ្វើការជាមួយអ្នក គេជាមនុស្សអាប់ជោគថោករាសីមកដឹកនាំអ្នកឱ្យខូច ខាតទុនក្នុងរយៈឆ្នាំនេះ អ្នកមិនគួរធ្វើដំណើរផ្លូវឆ្ងាយពេកទេ សូម្បីតែបើកហាងប្រកបរបរថ្មី ចូរកុំធ្វេសប្រហែសឱ្យសោះ ហើយមិនគួរពឹងឱ្យគេជួយទុក្ខធុរៈខ្លួនដាច់ខាត។ ទោះបីជាយ៉ាងនេះក៏ដោយ អ្នកគង់បានសម្រេចផលខ្លះក្នុងការដែលអ្នកបានខិតខំផ្ដាច់ប្ដូរ។
មនុស្ស ស្រី៖ ឆ្នាំនេះជាឆ្នាំដែលអ្នកត្រូវឃ្លាតពី ទីកន្លែងបើសិនជាមិនដូច្នោះទេអ្នកមុខជាត្រូវនឿយណាយធុញទ្រាន់ នឹងកន្លែងចាស់ឬ ត្រូវផ្លាស់ប្ដូរទីលំនៅផងក៏មាន ពុំនោះសោតនាទីការពាររបស់អ្នកនឹងត្រូវរុះរើជាថ្មី បើមានការលក់ដូរជំនួញជួញព្រែ នឹងបណ្ដាលឱ្យមានសេចក្ដីតឹងចង្អៀតខ្លះៗដំណទៅពេលខាងមុខនាឆ្នាំនេះ អ្នកនឹងមានស្កៀបរមាស់រង្គោះរង្គើរ ដល់ក្រុមហ៊ុនបើមានជើងឈ្នួលក្នុងបន្ទុកវានឹងធ្វើមោះ មិនគាប់ឱ្យអ្នក មានសេចក្ដីសៅហ្មងជារឿយៗ មួយវិញទៀត ញាតិឬមិត្តភក្ដិនឹងកើតជាក្ដីរង្គោះរង្គើដល់អ្នកដោយបំពានលើ ផលល្អសេចក្ដីចម្រើនរបស់អ្នក ហេតុការទាំងនេះ អ្នកកុំភ្លេចស្មារតីឱ្យសោះបើយ៉ាងហោចណាស់ក៏នឹងមានវិបត្តិ ឈឺថ្កាត់មិនខានឡើយ។
ឆ្នាំមមែ
មនុស្ស ប្រុស៖ ក្នុងឆ្នាំនេះអ្នកមិនសូវបានស្រួលបួលទេគឺថាអ្នកត្រូវតែជួប ប្រទះ នឹងឧបសគ្គជាញឹកញយក្នុងដំណើរការធម្មតារបស់អ្នក ប៉ុន្តែអ្នកត្រូវខំតាំងចិត្តធ្វើការ ឬ កិច្ចការណាដោយសេចក្ដីឧស្សាហ៍ និងស្វាហាប់ ទីចុងបំផុតអ្នកខំបំពេញអោយបានអង់អាចជានិច្ច។ បើអ្នកធ្វើ យ៉ាងនេះបានទើបអ្នកជោគជ័យគ្រាន់បើឡើងវិញរវាងឆ្នាំនេះ។
មនុស្សស្រី៖ ក្នុងឆ្នាំនេះនឹងមានផលល្អប្រសើរណាស់បានលាភធំ តែមុននឹងកើតលាភផលត្រូវបាត់បង់ទ្រព្យរបស់ជាមុនសិន ហេតុនេះត្រូវប្រុងប្រយ័ត្នខ្លួនបន្តិចដោយត្រូវចោរកម្ម វាបំណងទុក បន្ទាប់ពីនោះ អ្នកត្រូវទទួលបានមុខដំណែងថ្មី មាននាទី ទទួលខុសត្រូវខ្ពស់ឯជោគលាភដែលត្រូវបាននោះនឹងបានមកពី ទីឆ្ងាយតែត្រូវខំរក្សាកាយឱ្យល្អក្រែង មានជំងឺតម្កាត់ខ្លះផង។ព្រោះជាឆ្នាំដែលហៅថា «ទុក្ខលាភ» បានទុក្ខហើយមានលាភជាក្រោយ។
ឆ្នាំវក
មនុស្ស ប្រុស៖ ក្នុងឆ្នាំនេះជាឆ្នាំដែលអ្នកមានផលល្អប្រសើរណាស់ បានលាភធំតែមុននឹងកើតលាភផល ក្នុងឆ្នាំនេះនឹងមានផលត្រូវ បាត់បង់ទ្រព្យរបស់ជាមុនសិន ហេតុនេះត្រូវប្រុងប្រយ័ត្នខ្លួន បន្តិចដោយសារចោរកម្មវាមានបំណងទុក បន្ទាប់ពីនោះ អ្នកត្រូវទទួលបានមុខដំណែងថ្មី មាននាទី ទទួលខុសត្រូវខ្ពស់ឯជោគលាភដែលត្រូវបាននោះនឹងមកពី ទីឆ្ងាយតែត្រូវខំរក្សាកាយឱ្យលុ្អក្រែងមានជំងឺតម្កាត់ខ្លះផង។ព្រោះជាឆ្នាំដែលហៅថា «ទុក្ខលាភ» បានទុក្ខហើយមានលាភជាក្រោយ។
មនុស្ស ស្រី៖ ឆ្នាំនេះជាឆ្នាំដែលអ្នកត្រូវឃ្លាតពី ទីកន្លែងបើសិនជាមិនដូច្នោះទេអ្នកមុខជាត្រូវនឿយណាយធុញទ្រាន់ នឹងកន្លែងចាស់ឬ ត្រូវផ្លាស់ប្ដូរទីលំនៅផងក៏មាន ពុំនោះសោត នាទីការពាររបស់អ្នកនឹងត្រូវរុះរើជាថ្មី បើមានការលក់ដូរជំនួញជួញព្រែ នឹងបណ្ដាលឱ្យមានសេចក្ដីតឹងចង្អៀត ខ្លះៗដំណទៅពេលខាងមុខនាឆ្នាំនេះ អ្នកនឹងមានស្កៀបរមាស់រង្គោះរង្គើ ដល់ក្រុមហ៊ុនបើមានជើងឈ្នួលក្នុងបន្ទុកវានឹងធ្វើមោះ មិនគាប់ឱ្យអ្នក មានសេចក្ដីសៅហ្មងជារឿយៗ មួយវិញទៀត ញាតិឬមិត្តភក្ដិនឹងកើតជាក្ដីរង្គោះរង្គើដល់អ្នកដោយបំពានលើ ផលល្អសេចក្ដីចម្រើនរបស់អ្នក ហេតុការទាំងនេះ អ្នកកុំភ្លេចស្មារតីឱ្យសោះបើយ៉ាងហោចណាស់ក៏នឹងមានវិបត្តិ ឈឺថ្កាត់មិនខានឡើយ។
ឆ្នាំរកា
បើជាមនុស្សប្រុស៖ ទំនាយទាយថា ឆ្នាំនេះជាឆ្នាំដែលអ្នកត្រូវឃ្លាតពីទីកន្លែង បើមិនដូច្នេះទេ អ្នកមុខជាត្រូវនឿយណាយធុញទ្រាន់នឹងកន្លែងចាស់ឬត្រូវផ្លាស់ប្តូរលំនៅឋានផងក៏មាន ពុំនោះសោតនាទី ការពាររបស់អ្នកនឹងត្រូវរុះរើជាថ្មី បើមានការលក់ដូរជំនួញជួញប្រែជាអាជីពការនេះ នឹងបណ្ដាលជាហេតុឱ្យមានសេចក្ដីតឹងចង្អៀតខ្លះៗ តំណទៅពេលខាងមុខ ក្នុងឆ្នាំនេះអ្នកនឹងមានស្កៀបរមាស់រង្គោះរង្គើដល់ក្រុមហ៊ុន បើមានជើងឈ្នួលក្នុងបន្ទុកវានឹងធ្វើឱ្យមោះ មិនគាប់ឱ្យលោកមានសេចក្ដីមួរហ្មងរឿយៗ មួយវិញទៀតញាតិ ឬ មិត្តភ័ក្ដិនឹងកើតជាក្ដីរង្កៀសឫស្សាដល់អ្នក ដោយបំពានលើផលល្អសេចក្ដីចម្រើនរបស់អ្នក ហេតុការណ៍ទាំងអស់នេះអ្នកកុំភ្លេចស្មារតីឱ្យសោះ បើយ៉ាងហោចណាស់ក៏នឹងមានវិបត្តិ ឈឺថ្កាត់មិនខានឡើយ។
បើជាមនុស្សស្រី៖ នៅក្នុងឆ្នាំនេះ ជាឆ្នាំដែលអ្នកមិនសូវរីករាយសោះឡើយ មិត្តភ័ក្ដិ របស់អ្នកឬមនុស្សធ្វើការងារជាមួយអ្នក គេជាមនុស្សរាប់ជោគថោករាសីមកដឹកនាំអ្នកឱ្យខូចខាតទុក ក្នុងរយៈឆ្នាំនេះអ្នកមិនគួរធ្វើដំណើរផ្លូវឆ្ងាយពេកទេសូម្បីតែបើកហាងលក់ដូរឥវ៉ាន់ថ្មី ឬប្រកបការងារយ៉ាងណាក៏ដោយ អ្នកកុំធ្វេសប្រហែសឱ្យសោះហើយមិនគួរពឹងឱ្យគេជួយធុរៈខ្លួនជាដាច់ខាត។ ទោះបីជាយ៉ាងនេះក៏ដោយអ្នកគង់បានសម្រេចលទ្ធផលខ្លះៗ ក្នុងការដែលអ្នកបានខិតខំតាំងចិត្តទុកដាក់យ៉ាងប្ដូរផ្ដាច់។
ឆ្នាំចរ
មនុស្ស ប្រុស៖ ឆ្នាំនេះជាឆ្នាំដែលលោកអ្នកមានសេចក្ដីសុខសម្រាន្តយ៉ាងលើសលុប ហើយបានគាប់ចិត្តគ្រប់យ៉ាង មានគេនាំកំណល់រង្វាន់ មកឱ្យដល់ទីកន្លែង ក្នុងឆ្នាំនេះជោគជាតារាសី របស់អ្នកល្អជាទីបំផុត បើអ្នកមានបំណងធ្វើអ្វីមុខជានឹងបានសម្រេចផល។ ប៉ុន្តែអ្នកគួរកុំផ្ដេកផ្ដួលនឹងការឈឺឆ្អាលពីគេឯទៀតខ្លាំងពេក នៅក្នុងការរាប់អានស្រឡាញ់ទុកចិត្ត គួរតែប្រយ័ត្ន ឱ្យមែនទែន ហើយខំស្ទាបស្ទង់បន្តិចផង បើសិនជាវៀរមិនផុត។ បើចៀសផុតពីការនេះបាននោះនៅក្នុងបន្ទុកក្រុមគ្រួសារមានសេចក្ដី សុខក្រៃលែង។
មនុស្ស ស្រី៖ នៅក្នុងឆ្នាំនេះជាឆ្នាំដែលអ្នកនឹងមានចិត្តខ្វល់ខ្វាយច្រើន អនេក មិត្តភក្ដិជាទីស្រឡាញ់ឬញាតិសន្ដានដែលមានគុណបំណាច់លើរូបអ្នក ត្រូវនិរាសគ្នា មិនតែប៉ុណ្ណោះអ្នកត្រូវខូចខាតផលប្រយោជន៍ខ្លះទៀតផង តែអ្នកមិនត្រូវរងទុក្ខក្ដៅពេកនោះទេព្រោះមានគេចាំជួយឧបត្ថម្ភ គាំទ្រអ្នកឱ្យបានសេចក្ដីសុខចម្រើន បើទុកជាមានឧបសគ្គក្នុងការងារក៏គង់សាបរលាបទៅវិញបានដោយសារពេល នេះអ្នកមានមិត្តភក្ដិជួយទប់ទល់យ៉ាងស្វិតស្វាញ ជួនកាលឆ្នាំនេះអ្នកត្រូវរុះរើផ្ទះសម្បែង ឬ ធ្វើថ្មីផង។
ឆ្នាំកុរ
មនុស្ស ប្រុស៖ នៅក្នុងឆ្នាំនេះអ្នកនឹងបានមុខការងារធ្វើជាលក្ខណដ្ឋាន បើសិនជាការរៀបចំមង្គលការផ្ទាល់ខ្លួនមុខជាបានសម្រេចដូច សេចក្ដីប្រាថ្នា ជួបលាភផលយ៉ាងបន្ទាន់ តែបើទោះជាយ៉ាងនោះក៏ដោយ ក៏គង់នៅតែមានមនុស្សឫស្យាចំពោះលទ្ធផលរបស់អ្នកជានិច្ច នៅក្នុងរឿងនេះអ្នកកុំគប្បីខ្លាចឱ្យសោះព្រោះមានគេរង់ចាំជួយ ពេញទំហឹង ខាងមុខនៃការដូចពោលនេះ ចូរអ្នកប្រយ័ត្នមនុស្សមានទុក្ខទោសគ្របសង្កត់ណាមួយមកបញ្ចុះ បញ្ចូល បញ្ជោរលើកជើងអ្នក ឱ្យចូលមកចូលរួមការងារជាមួយគេ ទោះបីការងារនោះមានសភាពយ៉ាងណាក៏ដោយសុទ្ធតែមិនបរិសុទ្ធទាំង អស់។ ហើយមិនគួរលីសែងរែកពុនលើក ដាក់របស់ធ្ងន់ៗពេកទេ ក្រែងថ្លោះចង្កេះឬគ្រេចឆ្អឹងខ្នង។
មនុស្ស ស្រី៖ ក្នុងឆ្នាំនេះជាឆ្នាំសម្រេចលាភផលជូនដល់ដៃយើងហើយទោះសត្រូវកាច ប៉ុនប៉ងប្រទូស្តសារាយយ៉ាងណាក៏ដោយ ខ្លួនអ្នកត្រូវបានជោគជ័យគ្រប់ប្រការហើយនឹង បានទទួលការលើកតម្កើងពីមនុស្សទូទៅ ប្រសិនបើអ្នកបានរៀបមង្គលការក្នុងឆ្នាំនេះ រាប់ថាល្អផ្ដាច់ហើយ ប៉ុន្តែឧបសគ្គរបស់អ្នក ក៏មិនសោះសូន្យដែរ ចំពោះក្រុមញាតិព័ន្ធុនឹងផ្ដល់សេចក្ដីរំខានដល់អ្នកខ្លះៗក្នុង ឆ្នាំនេះ៕
អានអត្ថបទ៖ ឪពុក-ម្ដាយកើតឆ្នាំមមែគួរយកកូនប្រុសស្រីឆ្នាំណាល្អ?
អានអត្ថបទ៖ ជោគជតារាសីអ្នកកើតឆ្នាំមមែ និងទំនាយមហាសង្ក្រាន្តឆ្នាំថ្មី
អត្ថបទ៖គង់ ច័ន្ទវ៉ាន់ណេង