នារីម្នាក់សុខចិត្តប្ដូរខ្លួនឲ្យគេឱប ដើម្បីយកប្រាក់ព្យាបាលជំងឺមិត្តប្រុស

2015-04-17 18:00:22
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងដ៏គួរឲ្យភ្ញាក់ផ្អើលមួយទៀតហើយ បានធ្វើឲ្យប្រព័ន្ធផ្សព្វផ្សាយ និងអ្នកលេងអ៊ីនធឺណិតមានការចាប់អារម្មណ៍យ៉ាងខ្លាំង ដោយសារតែខាងស្រីសុខចិត្តលះបង់កាយឲ្យគេឱបដើម្បីជួយមិត្តប្រុស ដែលត្រូវការប្រាក់ដើម្បីបង់ថ្លៃការវះកាត់ព្យាបាលជំងឺ។

ស្ត្រីវ័យក្មេងម្នាក់ដែលរស់នៅខេត្ត ហឺប៉ី ប្រទេសចិន ត្រូវគេថតរូបបានខណៈពេលដែលរូបនាងកំពុងតែព្យាយាមរកប្រាក់ដោយផ្ដល់សេវាកម្មឲ្យគេ "ឱប" ម្ដងបានប្រាក់ ១០ យ័ន (១,៦១ដុល្លារ) ដើម្បីប្ដូរយកប្រាក់ ក្នុងយុទ្ធនាការរៃអង្គាសប្រាក់សម្រាប់យកទៅចំណាយថ្លៃវះកាត់ដ៏សំខាន់មួយ របស់មិត្តប្រុសខ្លួន។ ស្ត្រីនោះត្រូវបានគេស្គាល់ឈ្មោះថា Yuanyuan បានបង្ហាញខ្លួននៅតាមផ្លូវនៃទីក្រុង Sanhe កាលពីថ្ងៃអង្គារ ជាមួយនឹងក្រដាសមួយផ្ទាំងធំដោយសរសេរថា "ដើម្បីព្យាបាលមិត្តប្រុសខ្ញុំ ខ្ញុំចង់ឲ្យអ្នកឱប ដោយចំណាយតែ១០យ័នប៉ុណ្ណោះ"។ Yuanyuan បានប្រាប់អ្នកយកព័ត៌មានថា មិត្តប្រុសខ្លួនឈ្មោះ Jia ត្រូវការវះកាត់ប្ដូរខួរឆ្អឹងខ្នង និងត្រូវចំណាយប្រាក់ជាង ៤០៣៥៩ ដុល្លារ។

នៅពេល Jia បានឮថា Yuanyuan បានធ្វើបែបនេះលោកបានមកដល់កន្លែងដើម្បីបញ្ឈប់នាង។ សាក្សីបាននិយាយថា អ្នកទាំងពីរបានអង្គុយ និងឱបគ្នា៕