ទោះបិទភ្នែកជិតក៏អាចចំណាំម្ដាយបានព្រោះក្ដីស្រលាញ់ពិត

2015-04-22 17:12:58
ចំនួនមតិ 0 | ចំនួនចែករំលែក 0

ចន្លោះមិនឃើញ

យល់ចិត្ត អាណិត ស្រលាញ់ មេត្តា សុទ្ធតែកើតឡើងពីទឹកចិត្តស្មោះពិតរបស់ម្ដាយគ្រប់រូប។ គ្មាននរណាអាចស្គាល់អ្នកច្បាស់ជាងម្ដាយទេ ហើយក៏គ្មាននរណាអាចផ្ដល់ភាពកក់ក្ដៅច្រើនជាងម្ដាយដែរ។ ចុះចំណែកកូនវិញ អាចស្គាល់ម្ដាយច្បាស់ឬទេ? ដើម្បីបញ្ជាក់ការពិត គេបានរៀបចំឲ្យក្មេង ៦នាក់បិទភ្នែកជិត ប្រើតែដៃ និងអារម្មណ៍សម្គាល់ម្ដាយខ្លួនឯង។

ម្ដាយ ៦រូប ឈររៀងគ្នា ឯកូនវិញ ត្រូវបិទភ្នែកជិត ទើបអនុញ្ញាតឲ្យដើរទៅរកម្ដាយខ្លួន។ ស្ទាប ថើប ស្រង់ក្លិន និងប្រើអារម្មណ៍ដែលម្ដាយធ្លាប់មានចំពោះកូន ពិតជាធ្វើឲ្យក្មេងទាំងអស់ចំណាំម្ដាយខ្លួនបានដោយគ្មានការភ័ន្តច្រឡំឡើយ។

ក្មេងៗដែលមានអាយុចន្លោះពី ៣ ទៅ ៩ឆ្នាំ បានឱបម្ដាយខ្លួន ពោរពេញដោយទឹកចិត្តសប្បាយរីករាយពេលចំណាំបាន។ មើលឃើញពីទិដ្ឋភាពដ៏កក់ក្ដៅនេះ ម្ដាយម្នាក់ថែមទាំងសម្រក់ទឹកភ្នែកទៀតផង ព្រោះរំភើបចិត្តពេក...។

ទស្សនាវីដេអូដ៏គួរឲ្យរំភើបចិត្តនេះ៖