នាយ កុយ បញ្ជាក់ពីវត្តមានរបស់នាយ ក្រឹម យប់មិញ

2015-04-22 20:30:53
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយ កុយ មានការសប្បាយចិត្តព្រោះវត្តមានអ្នកសិល្បករជាច្រើន បានចូលរួមក្នុងពិធីបុណ្យឧទ្ទិសកុសលថ្វាយយាយម៉ៅកាលពីយប់មិញនេះ។ ជាពិសេសវត្តមានរបស់នាយ ក្រឹម ដែលពីមុនមកមិនធ្លាប់ចូលរួមនោះទេ។

“បានគាត់ទៅចូលរួមជួយច្រៀង ជួយសម្ដែងធ្វើឱ្យកម្មវិធីកាន់តែសប្បាយរីករាយសម្រាប់បងប្អូនអ្នកភូមិទាំងអស់កាលពីយប់មិញ"។ នាយបញ្ជាក់មកកាន់ Sabayមុននេះ។ តារាកំប្លែងខាងលើបន្ថែមទៀតថា កន្លងមកនាយ ក្រឹម មិនចូលរួម ព្រោះមិនដែលបានអញ្ជើញ ហើយខ្លាចប៉ះពាល់ដល់ប្រយោជន៍ឯកជន ខណៈបុណ្យនេះអ្នកសិល្បៈទៅដោយស្ម័គ្រចិត្ត មិនបានទទួលកម្រៃនោះទេ។

គណៈកម្មការ Cambodia's Got Talent ខាងលើបានឱ្យដឹងម្យ៉ាងទៀតថា តាំងពីបែកក្រុមរៀងខ្លួនមក អ្នកទាំងពីរត្រូវចំណាយពេលពង្រឹងក្រុម និងមមាញឹកដើរសម្ដែងនៅតាមកម្មវិធីនានា ដូច្នេះមិនសូវមានពេលវេលាប្រាស្រ័យទាក់ទងគ្នានោះទេ។ នាយថា សូម្បីកម្មវិធីបុណ្យនេះក្នុងឆ្នាំកន្លងមក ក៏មិនហ៊ានហៅនាយ ក្រឹម ចូលរួមដែរ យោងតាមមូលហេតុបញ្ជាក់ខាងដើម។

ដោយឃើញវត្តមានរបស់អតីតគូកនកំប្លែងខាងលើ បានទៅចូលរួមជាមួយសិល្បករជាច្រើនទៀតតបតាមការអញ្ជើញ ធ្វើឱ្យអ្នកផ្ដួចផ្ដើមកម្មវិធីខាងលើកាន់តែមានការសប្បាយចិត្ត។ ទោះបីមុនកម្មវិធី ១ ថ្ងៃ រថយន្តដឹកសម្ភារៈបើកបរ ដោយនាយ កយ ជាកូនប្រុសបានជ្រុលទៅប៉ះពីក្រោយរថយន្តមន្ត្រីយោធាហើយបញ្ចប់រឿងដោយទូទាត់សំណងក្ដី ក៏មិនបានធ្វើ អសទ្ធាដែរ។ តារាកំប្លែងរូបនេះអះអាងថា នឹងបន្តធ្វើបុណ្យនេះជារៀងរាល់ឆ្នាំ និង ដើម្បីប្រមូលបច្ច័យកសាងវត្តពេជ្រនិល៕

អានអត្ថបទ៖ Laura Mam ល្បីអីចឹង ដឹងឈ្មោះខ្មែរក្នុងបញ្ជីជាតិ អ្វីអត់?

អានអត្ថបទ៖ ព្រះកាយ ច័ន្ទ ឈ្នះរង្វាន់រថយន្តទំនើបមួយគ្រឿងមានតម្លៃជាង ៤ម៉ឺនដុល្លារអាមេរិក