G.E.M Tang ត្រូវអ្នកគាំទ្រគប់ដបទឹកសុទ្ធដាក់ ពេលកំពុងច្រៀង

2015-04-23 18:26:51
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងហុងកុង G.E.M. Tang បានទៅច្រៀង Concert ក្នុងទីក្រុង Changsha ប្រទេសចិន ដែលមានអ្នកទស្សនាប្រមាណ ១ ម៉ឺននាក់ ប៉ុន្តែតារាស្រីរូបនេះ ត្រូវអ្នកគាំទ្រមួយក្ដាប់តូច មិនពេញចិត្ត និងគប់ដបទឹកសុទ្ធដាក់ កាលពីពេលថ្មីៗនេះ។

G.E.M. ត្រូវអ្នកគាំទ្រមួយចំនួនតូចនោះ ធ្វើឱ្យភ្ញាក់ផ្អើល ពេលនាងសម្ដែងនៅលើឆាកតន្ត្រី។ ពួកគេបានស្រែកទាំងកម្រោល មកលើនាងថា "ចុះពីលើឆាកទៅ...G.E.M. Tang អ្នកឯងមិនមែនជាតារាចម្រៀងទេ!”។

ក្រោយពីស្រែកស្ដីបន្ទោស ពួកគេបានគប់ទឹកសុទ្ធដាក់នាង ហើយភ្លាមៗនោះ ក្រុមសន្តិសុខ ក៏បានចេញទៅបំបែក ដើម្បីកុំឱ្យមានអំពើហិង្សាកើតឡើង។

ប្រភពមួយបង្ហើបថា ភ្នាក់ងាររបស់ G.E.M. បានបដិសេធមិនឱ្យ G.E.M. ច្រៀង កាលពីបីថ្ងៃមុនមកម្ល៉េះ ប៉ុន្តែដោយសារមានការចរចាច្រើនដង រវាងអ្នករៀបចំ និងភ្នាក់ងាររបស់នាង ហើយចុងក្រោយក៏ត្រូវគ្នារឿងតម្លៃ។ មិនតែប៉ុណ្ណោះ អ្នករៀបចំកម្មវិធី ក៏យល់ព្រមឱ្យថ្លៃឈ្នួលមុនដែរ។

ទោះបីជាយ៉ាងណាក្ដី ភ្នាក់ងារ G.E.M. បានឈប់ឱ្យនាងច្រៀងម្ដងទៀត ព្រោះតែអ្នកឧបត្ថម មិនបានសុំការអនុញ្ញាត ចំពោះការប្រើរូបរបស់ G.E.M. ហើយវាច្បាស់ណាស់ថា ជារឿងរំលោភសិទ្ធិ។

ក្រោយមកដោយមើលឃើញថា មានទស្សនិកជនប្រមាណជា ១ម៉ឺននាក់ ច្រើនដែរនៅទីនោះ ភ្នាក់ងារក៏ព្រមឱ្យ G.E.M. ច្រៀងវិញ៕