ទិនហ្វី ប្ដឹងក្រុមហ៊ុនភាពយន្ត Huayi Brothers រឿងលុយកាក់

2015-04-17 22:06:30
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លុកកំប្លែង ទិនហ្វី បានប្ដឹងក្រុមហ៊ុនភាពយន្ត Huayi Brothers ដើម្បីទាមទារភាគហ៊ុន (share) ដែលរកបានពីរឿង "Journey To The West II: Conquering the Demons”។

ទិនហ្វី កំពុងចោទប្រកាន់ក្រុមហ៊ុនមួយនេះថា ភាពយន្តខាងលើ រកចំណូលសរុបបាន ១,២៤៨ពាន់លានយ័ន (ជាង២០១លានដុល្លារ) ខណៈលោកទទួលបានតែ ១៧៧លានយ័ន(ជាង២៨,៥លានដុល្លារ) ប៉ុណ្ណោះ បានន័យថាក្រុមហ៊ុននៅជំពាក់លោក ៨៦,១លានយ័នទៀត។ អ្វីទាំងនេះគឺផ្អែកតាមកិច្ចព្រមព្រៀងជាលាយលក្ខណ៍អក្សរមួយចំនួន រវាងទិនហ្វី និងក្រុមហ៊ុន Huayi។ រីឯការយល់ព្រមផ្ទាល់មាត់ទៀតសោតគឺថា បើភាពយន្តនេះ ចំណេញលើស ៥០០លានយ័ន ទិនហ្វី នឹងទទួលប្រាក់លើកទឹកចិត្តបន្ថែមផ្សេងទៀត។

ចំណែកក្រុមហ៊ុន Huayi បានតបវិញថា ការព្រមព្រៀងអី ដែលទិនហ្វីបានលើកឡើង គឺពុំដែលបានចុះហត្ថលេខា និងអនុវត្តនោះទេ ដូច្នេះវាពុំស្របតាមផ្លូវច្បាប់ឡើយ។ ក្រុមហ៊ុនបានលើកឡើងថា បើទោះកិច្ចព្រមព្រៀងនោះស្របច្បាប់ទៅចុះ ឲ្យរកប្រាក់ចំណូលបានពីភាពយន្តឯណាដល់ទៅ ១,២៤៨ពាន់លានយ័ន បើប្រាក់ចំណេញឥឡូវក៏មិនដល់ ៥០០លានយ័នផងហ្នឹង។ ដូច្នេះ ទិនហ្វី ពុំត្រូវបានចុះឈ្មោះឲ្យទទួលបានប្រាក់លើកទឹកចិត្តបន្ថែមអ្វីដែរ។

ជុំវិញបញ្ហានេះ តុលាការបានសម្រេចរក្សាសំណុំរឿងទុក ហើយនឹងកាត់ក្ដីនៅពេលក្រោយ៕

ទិនហ្វី ត្រូវតារាស្រីរូបស្អាត សរសើរមិនដាច់ពីមាត់

រឿងពាក់ព័ន្ធរវាងត្រចៀកកាំ និងទិនហ្វី ដែលអ្នកមិនធ្លាប់ដឹង ប្រែសម្រួល៖ អ៊ុំ សុភក្តិ ប្រភព៖ jaynestars