ចិនស្នើប្រជាជនឲ្យឈប់ជួលនារីសិចស៊ីរាំកំដរបុណ្យសព

2015-04-24 18:56:49
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងប្រទេសចិន គ្រួសារសពបានកើតគំនិតជួលនារីសិចស៊ីឲ្យរាំកំដរក្នុងពិធីបុណ្យ ដើម្បីទាក់ទាញមនុស្សឲ្យចូលរួមផង និងចាត់ទុកថាជាការកម្សាន្តលើកចុងក្រោយរបស់អ្នកស្លាប់ផង។ ពេលនេះ ក្រសួងវប្បធម៌បានស្នើឲ្យប្រជាជនទាំងអស់ បញ្ឈប់ការសម្ដែងភាពស្រើបស្រាលបែបនេះទៀត ព្រោះវាធ្វើឲ្យប៉ះពាល់ដល់សណ្ដាប់ធ្នាប់សាធារណៈ។

បើតាមសេចក្ដីថ្លែងការណ៍ របស់ក្រសួងវប្បធម៌ចិនកាលពីថ្ងៃព្រហស្បតិ៍ម្សិលមិញ រដ្ឋាភិបាលមានគម្រោងធ្វើការយ៉ាងដិតដល់ជាមួយមន្ត្រីប៉ូលិស ដើម្បីលុបបំបាត់ការសម្ដែងពីនារីសិចស៊ីនៅក្នុងពិធីបុណ្យសពនានា។ នៅក្នុងឱកាសនោះដែរ ក្រសួងវប្បធម៌ក៏បានលើកឡើងពីការសម្ដែង "អាសគ្រាម"(ការសម្ដែងដ៏គួរឲ្យខ្មាសអៀន) នៅភាគខាងកើតប្រទេសចិនក្នុងខេត្ត Jiangsu ព្រមទាំងក្រុង Handan ដោយសន្យាថានឹងបង្ក្រាបចំពោះសកម្មភាពដែលបង្ហាញពីចំណង់ផ្លូវភេទបែបនេះ ប្រសិនបើកើតឡើងទៀត។

រូបភាពជាច្រើនសន្លឹកនៃពិធីបុណ្យសពក្នុងក្រុង Handan ភាគខាងជើងខេត្ត Hebei ប្រទេសចិន ដែលប្រារព្ធឡើងកាលពីខែមុន បានបង្ហាញពីនារីសិចស៊ីរាំដោះអាវទ្រនាប់ ក្នុងចំណោមមនុស្សមានទាំងកុមារផង។ រូបទាំងនោះ បានចែកចាយពាសពេញបណ្ដាញអ៊ីនធឺណិត ធ្វើឲ្យអ្នកចូលរួមទាំងអស់រងភាពអាម៉ាស់យ៉ាងខ្លាំង។

នៅក្រុង Handan ដដែលកាលពីដើមខែនេះ ក្រសួងបានបញ្ជាក់ថា មាននារីសម្ដែង ៦នាក់បានមកដល់កន្លែង និងផ្ដល់ជូនសេវាកម្មរាំស្រើបស្រាលនៅក្នុងពិធីបុណ្យសពមនុស្សចាស់ម្នាក់។ ក្រុមអ្នកស៊ើបអង្កេត ត្រូវគេបញ្ជូនទៅដល់កន្លែងប្រារព្ធពិធី និងរកឃើញថាការសម្ដែងនោះល្មើសជាមួយបទបញ្ញត្តិសន្តិសុខសាធារណៈ។ អ្នកទទួលខុសត្រូវចំពោះការសម្ដែងនេះ ត្រូវឃាត់ខ្លួនដើម្បីធ្វើការសាកសួរអស់រយៈពេល ១៥ថ្ងៃ ព្រមទាំងពិន័យជាប្រាក់ ៧០០០០យាន់ (ប្រហែល ១១៣០០ដុល្លារ)៕

វីដេអូប្រពន្ធស្លៀកពាក់ឈុតក្នុងរាំជុំវិញសពប្ដី ដែលបង្កការភ្ញាក់ផ្អើលយ៉ាងខ្លាំងកាលពីប៉ុន្មានថ្ងៃមុន៖