Selena Gomez សម្ពោធរឿងថ្មី ស្លៀកឈុតខ្លី បញ្ចេញដើមទ្រូងស្ទើរទាំងស្រុង

2014-10-09 18:30:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងនិងសម្ដែងអាមេរិក Selena Gomez បានស្លៀករ៉ូបក្រហមខ្លីយ៉ាងសិចស៊ី នៅពេលចូលរួមពិធីសម្ពោធខ្សែភាពយន្តថ្មីរបស់ខ្លួនរឿង "Rudderless” នៅទីក្រុង Los Angelesកាលពីថ្ងៃអង្គារ ទី៧ ខែតុលា កន្លងទៅ។

នៅមុខអ្នកកាសែត និងទស្សនិកជនជាច្រើន តារាវ័យ ២២ឆ្នាំរូបនេះពិតជាធ្វើឲ្យគេចាប់អារម្មណ៍ច្រើនជាងគេ តាមរយៈការបង្ហាញនូវរូបរាងដ៏សិចស៊ី ក្នុងរ៉ូបខ្លីពណ៌ក្រហម ដែលមានកជ្រៅបង្ហាញដើមទ្រូងស្ទើរតែទាំងស្រុង ខណៈការធ្វើសក់ និងផាត់មុខរបស់នាងមានលក្ខណៈស្រគត់ស្រគំធម្មតា។

ក្នុងភាពយន្តបែបមនោសញ្ចេតនាមួយនេះ Selena បានដើរតួជា Katie Ann Lucas ដែលសង្សាររបស់នាងត្រូវគេបាញ់សម្លាប់ក្នុងការវាយប្រហារដ៏ធំមួយ។ នេះគឺជាស្នាដៃដឹកនាំទីមួយរបស់លោក William H. Macy និងមានការចូលរួមសម្ដែងដោយតារាល្បីផ្សេងៗទៀតដូចជា Billy Crudup, Anton Yelchin, Felicity Huffman និងតារាជាច្រើនទៀត។ "Rudderless" នឹងចេញបញ្ចាំងនៅអាមេរិក នៅថ្ងៃទី១៧ ខែតុលា ខាងមុខនេះ។

បើទោះជាមិនទាន់បានចេញបទចម្រៀងថ្មី ប៉ុន្តែមួយរយៈចុងក្រោយនេះ Selena បានចេញភាពយន្តបន្តបន្ទាប់គ្នា ដូចជារឿង "Spring Breakers” , “Getaway”, និង "Behaving Badly” ជាដើម។

អានអត្ថបទ៖ ក្រោយ Unfollow មិត្តប្រុសលើ Twitter ឥលូវ Selena ត្រឡប់មកផ្អែមជាថ្មី