តារាហ្វីលីពីនរបូតអាវទ្រនាប់ ពេលកំពុងសម្ដែងលើឆាក

2015-04-27 21:41:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រីមិនតិចទេ ដែលធ្លាប់ជួបប្រទះបញ្ហារបូត ឬរហែកសំលៀកបំពាក់ ពេលកំពុងសម្ដែងនៅលើឆាកតន្ត្រី។ ស្រដៀងគ្នានេះដែរ នាង Alex Gonzaga តារាចម្រៀងសញ្ជាតិហ្វីលីន ក៏បានរបូតអាវទ្រនាប់ដែរ ពេលច្រៀងក្នុងកម្មវិធី “AG From The East: The Unexpected Concert” កាលពីថ្ងៃសៅរ៍សប្តាហ៍មុន។

អាវទ្រនាប់របស់ Alex ស្រាប់តែរបូត ខណៈពេលកំពុងច្រៀងបទចម្រៀងមួយ ក្នុងអាល់ប៊ុមរបស់នាង “I Am Alex G” ហើយភ្លាមៗនោះបុគ្គលិករបស់នាងផ្ទាល់ ក៏បានឡើងលើឆាក និងជួយកិបឱ្យដូចដើមវិញ។

ចំពោះបញ្ហានេះធ្វើឱ្យតារាៗ ដែលជាភ្ញៀវកិត្តិយស ចូលរួមក្នុងកម្មវិធីភ្ញាក់ផ្អើល ហើយយកបញ្ហានេះញ៉ាំងបរិយាកាសឲ្យកាន់តែសប្បាយរីករាយទៀតផង។ តារាខ្លះបានលើកឡើងទាំងកំប្លែងថា មានវ័យ២៧ឆ្នាំហើយ Alex នៅតែពាក់អាវកូនង៉ែតទៀត។

ឆ្លើយតបនឹងការនិយាយលេងសើច របស់តារាកិត្តិយស តារាចម្រៀងកើតនៅឆ្នាំ១៩៨៨ Alex តបទាំងកំប្លែងវិញថា "នោះមិនមែន ជាបញ្ហាលើអាវទ្រនាប់ទេ គឺខ្នងខ្ញុំមានបញ្ហាទេតើ"។

នាង Catherine "Cathy" Cruz Gonzaga ត្រូវគេស្គាល់ថា Alex Gonzaga កើតនៅថ្ងៃទី ១៦ ខែមករា ឆ្នាំ១៩៨៨។ បច្ចុប្បន្ននាងជា តារាចម្រៀង អ្នកនិពន្ធ តារាកំប្លែង និងជាពិធីការិនីទូរទស្សន៍៕