“Avengers 2” បើកឆាកភ្លាមរកបាន ៦២៧លានដុល្លារ

2015-05-04 16:53:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តប្រជុំវីរបុរស "Avengers: Age of Ultron” អាចរកចំណូលបាន ៦២៧លានដុល្លារ ហើយបន្ទាប់ពីចេញបញ្ចាំងនៅទូទាំងពិភពលោករយៈពេល ១២ថ្ងៃកន្លងមកនេះ។ បើតាមការរំពឹងទុកខ្សែភាពយន្តនេះ នឹងអាចរកចំណូលបាន ១ពាន់លានដុល្លារ បន្ទាប់ពីចាប់ផ្ដើមបញ្ចាំងនៅប្រទេសចិនមួយទៀត នៅថ្ងៃទី១២ ខែឧសភា ខាងមុខ។

រយៈពេលចុងសប្ដាហ៍កន្លងទៅ "Avengers: Age of Ultron” អាចរកបាន ១៨៧លានដុល្លារ ពីការបញ្ចាំងនៅសហរដ្ឋអាមេរិក និងប្រទេសកាណាដា ដែលធ្វើឲ្យខ្សែភាពយន្តនេះក្លាយជាភាពយន្តរកចំណូលបានច្រើនបំផុតសម្រាប់សប្ដាហ៍ដំបូង លំដាប់ទីពីរក្នុងប្រវត្តិសាស្ត្របន្ទាប់ពីខ្សែភាពយន្ត "Avengers” វគ្គដំបូង ដែលចេញកាលពីឆ្នាំ២០១២ រកបាន ២០៧លានដុល្លារនាសប្ដាហ៍ដំបូង។

"Avengers: Age of Ultron” ជាខ្សែភាពយន្តថ្មីមួយដែលផ្ដុំទៅដោយ Super Hero ជាច្រើនដូចជា Iron Man , Captain America, Thor, The Incredible Hulk, Black Widow និង Hawkeye ដែលទទួលបេសកកម្មរួមគ្នា ដើម្បីការពារពិភពលោកទាំងមូលពីការឈ្លានពានពី Ultron ដែលចង់ជាអ្នកបំផ្លាញផែនដី។ ចំណាយដើមទុនផលិតអស់ជិត ២៨០លានដុល្លារ ខ្សែភាពយន្តនេះគឺជាស្នាដៃនិពន្ធនិងដឹកនាំដោយលោក Joss Whedon ដូចជាវគ្គមួយដែរ។

ខាងក្រោមនេះគឺជាចំណាត់ថ្នាក់កំពូលទាំង ១០លើតារាងចំណូលភាពយន្ត Box Office អាមេរិកសប្ដាហ៍នេះ៖

ល.រ	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	Avengers: Age of Ultron	១៨៧,៦លានដុល្លារ	១៨៧,៦លានដុល្លារ	១
២	The Age of Adaline	៦,២៥លានដុល្លារ	២៣,៤២លានដុល្លារ	២
៣	Furious 7	៦,១១លានដុល្លារ	៣៣០,៥លានដុល្លារ	៥
៤	Paul Blart: Mall Cop 2	៥,៥៥លានដុល្លារ	៥១,១៨លានដុល្លារ	៣
៥	Home (2015)	៣,៣លានដុល្លារ	១៥៨,១លានដុល្លារ	៦
៦	Cinderella (2015)	២,៣៥លានដុល្លារ	១៩៣,៦លានដុល្លារ	៨
៧	Ex Machina	២,២៣លានដុល្លារ	១០,៨៦លានដុល្លារ	៤
៨	Unfriended	១,៩៨លានដុល្លារ	២៨,៥៣លានដុល្លារ	៣
៩	The Longest Ride	១,៧លានដុល្លារ	៣៣,២៤លានដុល្លារ	៤
១០	Woman in Gold	១,៦៨លានដុល្លារ	២៤,៥៨លានដុល្លារ	៥