អៃយ៉ា! មានអ្នកប្រជែងធ្វើប្រធាន FIFA ជាមួយ Blatter ហើយតើ!

2014-09-16 16:19:59
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិបារាំង Jerome Champagne បានចេញមុខបញ្ជាក់ថាលោកគ្រោងឈរឈ្មោះជាបេក្ខភាពប្រជែងលោក Sepp Blatter ក្នុងការបោះឆ្នោតជ្រើសរើសប្រធានសហព័ន្ធកីឡាបាល់ទាត់អន្តរជាតិ FIFA អាណត្តិថ្មីដែលនឹងធ្វើឡើងក្នុងមហាសន្និបាត FIFA នាខែមិថុនាឆ្នាំ២០១៥។ ការបញ្ជាក់នេះកើតឡើងមួយសប្ដាហ៍ក្រោយពីមេធំ FIFA បច្ចុប្បន្នលោក Blatter ប្រកាសពីបំណងកាន់តំណែងជាលើកទី៥របស់ខ្លួន។

អតីតឯកអគ្គរដ្ឋទូតបារាំងវ័យ៥៦ឆ្នាំលោក Champagne ដែលធ្លាប់បម្រើការងារជាមន្ត្រីប្រតិបត្តិម្នាក់របស់ FIFA ពីឆ្នាំ១៩៩៩ដល់២០១០ និយាយថា៖ “ខ្ញុំបានសរសេរលិខិតមួយផ្ញើទៅកាន់គណៈកម្មាធិការបោះឆ្នោតរបស់ FIFA ដើម្បីបញ្ជាក់ពីបំណងរបស់ខ្ញុំក្នុងការឈរឈ្មោះធ្វើជាបេក្ខភាពប្រធាន FIFA។ យើងត្រូវតែគិតឱ្យច្បាស់ថាតើយើងចង់បន្តឱ្យមានការបែកខ្ញែកផ្នែកសេដ្ឋកិច្ចដូចបច្ចុប្បន្នដែលបណ្ដាលឱ្យកើតអតុល្យភាពកីឡាជាបន្តទៀត ឬសម្រួចឆន្ទៈជួយឱ្យការប្រកួតមានតុល្យភាពឡើងវិញក្នុងសកលភាវូបនីយកម្មសតវត្សទី២១របស់យើងនេះ? ១០ឆ្នាំខាងមុខគឺជារយៈពេលដ៏សំខាន់ចំពោះបាល់ទាត់ ជាពិសេសគឺសម្រាប់ FIFA តែម្ដង ដែលស្ថិតនៅលើផ្លូវបំបែក ហើយតម្រូវឱ្យមានការផ្លាស់ប្ដូរជាចាំបាច់”។