បុរសរងគ្រោះដែលនារីបីនាក់រំលោភ រៀបរាប់ហេតុការណ៍លម្អិត

2015-05-12 17:26:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីប៉ុន្មានថ្ងៃមុន ព័ត៌មានស្ទើរមិនគួរឲ្យជឿមួយបានលេចឡើងនៅអាហ្វ្រិកខាងត្បូង ខណៈបុរសម្នាក់ត្រូវនារីបីនាក់រំលោភប្លន់យកមេជីវិត ធ្វើឲ្យអ្នកអានជាច្រើនហួសចិត្តគ្រប់គ្នា។ ពេលនេះ បុរសរងគ្រោះបានចេញមករៀបរាប់ហេតុការណ៍លម្អិតប្រាប់សារព័ត៌មាន Dailymail ទាំងខ្លួនមានភាពញ័ររន្ធត់ មិនទាន់អស់អារម្មណ៍ភ័យខ្លាចនៅឡើយ។

បុរសរងគ្រោះត្រូវនារីទាំងបីនាក់ចាប់បញ្ចូលទៅក្នុងឡានម៉ាក BMW

បុរសរងគ្រោះសុំមិនបញ្ចេញឈ្មោះ មានអាយុ ៣៣ឆ្នាំ ជាជនជាតិហ្ស៊ីមបាវ៉េ។ បន្ទាប់ពីមាននារីបីនាក់ចាប់រំលោភនៅប្រទេសអាហ្វ្រិកខាងត្បូងកាលពីមួយសប្ដាហ៍មុន រូបគេមិនហ៊ានចាកចេញទៅណាឡើយ ហើយនៅសំងំតែក្នុងផ្ទះ ព្រោះមានការភ័យខ្លាចយ៉ាងខ្លាំង។

មុនហេតុការណ៍អាក្រក់កើតឡើង បុរសដែលលាក់អត្តសញ្ញាណ កំពុងដើរតាមដងផ្លូវក្នុងទីប្រជុំជន Kwazakhele ជាយក្រុង Port Elizabeth នៅវេលាប្រហែលមុនម៉ោង ៨ព្រឹក។ ពេលនោះស្រាប់តែមាននារីបីនាក់ ឈប់ឡានម៉ាក BMW ជិតខ្លួន និងសួររកផ្លូវ។ ខណៈបុរសរងគ្រោះចាប់ផ្ដើមនិយាយ នារីម្នាក់ក្នុងចំណោមនោះបានទាញកាំភ្លើងមកភ្ជង់ និងបង្ខំឲ្យរូបគេឡើងឡាន។

បុរសរងគ្រោះបានរៀបរាប់ប្រាប់សារព័ត៌មាន Dailymail ទាំងអួលដើមក និងស្រក់ទឹកភ្នែកជាញឹកញាប់ថា ក្រោយពេលឡើងឡានហើយ នារីទាំងបីនាក់នោះបាននាំលោកទៅកាន់កន្លែងស្ងាត់ និងចាប់ផ្ដើមប្រព្រឹត្តសកម្មភាព ដែលពួកគេចង់ធ្វើមកលើរូបលោក។

“ពួកគេប្រាប់ខ្ញុំថា មិនចង់បានលុយខ្ញុំ ឬធ្វើបាបខ្ញុំទេ... គ្រាន់តែនិយាយថា (យើងចង់បានទឹកកាមរបស់លោក)។ ខ្ញុំមិនយល់ពីអ្វីដែលពួកគេកំពុងនិយាយមកកាន់ខ្ញុំទេ គឺអត់យល់សោះតែម្ដង"។ បុរសរងគ្រោះនិយាយប្រាប់អ្នកយកព័ត៌មានទាំងអារម្មណ៍នៅភ័យខ្លាច។

លោកបានបន្តទៀតថា "បន្ទាប់មកទើបខ្ញុំដឹងពីបំណងអាក្រក់របស់គេ ហើយខ្ញុំមានអារម្មណ៍ថាខ្លាចយ៉ាងខ្លាំង... មិនអាចធ្វើអ្វីតាមដែលគេចង់បានទេ។ ស្រីម្នាក់ក្មេងជាងគេនោះ ចាប់ផ្ដើមខឹង ស្រែក និងសម្លុតខ្ញុំ... តែម្នាក់ទៀតឃាត់ ប្រាប់ថាឈប់ធ្វើឲ្យខ្ញុំភ័យ... មិនអ៊ីចឹងប្រដាប់ប្រដារបស់ខ្ញុំ ពិតជាមិនឡើងរឹងទេ បើនៅតែខ្លាចនោះ"។

ជនរងគ្រោះបាននិយាយទាំងអួលដើមកទៀតថា “ពេលខ្ញុំធ្វើអ្វីមិនកើតតាមការបញ្ជា ពួកគេបានយកម្សៅខ្លះចេញពីកាបូប និងចាក់ចូលទៅក្នុងដបទឹក... ខ្ញុំផឹកទៅដូចជាគ្មានរសជាតិអីទេ... ពួកគេឲ្យខ្ញុំផឹកទឹកនោះ ៥ដង ហើយសរុបទៅខ្ញុំនៅជាមួយពួកគេប្រហែល ៤០នាទី។

លោកបានពន្យល់ទៀតថា "ក្រោយពេលប្រតិបត្តិការសម្រេច ពួកគេបានប្រមូលទឹកកាមពីខ្ញុំ ហើយច្រកចូលក្នុងថង់ និងដាក់ចូលធុងទឹកកក។ បន្ទាប់មក ស្រែកដាក់ខ្ញុំឲ្យចេញពីឡាន និងបើកទៅយ៉ាងលឿនបាត់ស្រមោល... ពេលនោះខ្ញុំឈឺចាប់ និងភ័យខ្លាំង មកដល់ឥឡូវក៏នៅតែអ៊ីចឹង"។

រហូតមកដល់ពេលនេះ មន្ត្រីប៉ូលិសនៅមិនទាន់រកឃើញពីមូលហេតុ ដែលនារីទាំងបីនាក់នោះប្លន់យកមេជីវិតនៅឡើយទេ។ ចំណែកឯបុរសរងគ្រោះវិញ បានបញ្ជាក់ថារឿងនេះខ្លួនបានប្រាប់តែប៉ូលិសប៉ុណ្ណោះ មិនហ៊ាននិយាយប្រាប់អ្នកផ្សេងឡើយ។ បើទោះបីមានការភ័យខ្លាចមិនទាន់បាត់ និងមិនហ៊ានចេញពីផ្ទះក៏ដោយ ក៏បុរសរងគ្រោះនិយាយថាខ្លួនឯងមានសំណាង ព្រោះអាចនៅរស់រានមានជីវិត។

បុរសរងគ្រោះ ជាមនុស្សស្ងៀមស្ងាត់ ពាក្យសម្ដីប្រកបដោយការចេះដឹង ឯសំលៀកបំពាក់វិញសុភាពរម្យទម និងមិនទាន់ឆ្លងកាត់ជីវិតអាពាហ៍ពិពាហ៍នៅឡើយទេ។ រូបគេមានមុខរបរជាអ្នកលក់អំបោស និងសម្ភារៈប្រើប្រាស់ក្នុងផ្ទះជាច្រើនទៀតនៅប្រទេសអាហ្វ្រិកខាងត្បូង ដើម្បីរកប្រាក់កម្រៃ ផ្ញើទៅឲ្យឪពុកម្ដាយ និងបងប្អូន នៅប្រទេសហ្ស៊ីមបាវ៉េ៕

ចុចអាន៖ នារី៣នាក់ ចាប់រំលោភបុរសម្នាក់ប្លន់យកមេជីវិត

ប្រែសម្រួល៖ គង់ វិសាល ប្រភព៖ Dailymail