Jennifer Lawrence ទទួលតម្លៃខ្លួនខ្ពស់ក្រោយតវ៉ាជាមួយក្រុមផលិតករ

2015-05-12 21:54:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តួស្រីក្នុងស៊េរីរឿង "Hunger Games" នាង Jennifer Lawrence ក្លាយជាតារាស្រីមួយរូប ហ៊ាននិយាយតវ៉ា លើតម្លៃខ្លួនតារាស្រីក្នុងខ្សែភាពយន្ត ដែលភាគច្រើនពួកគេទទួលប្រាក់កម្រៃតិចជាងបុរស។

ពេលខ្លះភាពលំអៀងលើយេនឌ័រ តែងកើតមានក្នុងពិភពហូលីវូដ ដោយតួប្រុសៗទទួលបានតម្លៃខ្លួនខ្ពស់ បើធៀបនឹងតារាសម្ដែងស្រី ។ បើទោះបីក្នុងរឿងមួយ តួស្រីចេញមុខច្រើនក្ដី តែតួខ្លះមិនពេញចិត្ត ចំពោះតម្លៃប្រាក់ដែលគេផ្ដល់ឱ្យនោះទេ ហើយពួកគេមួយចំនួន ក៏បាននិយាយលើកឡើងពីបញ្ហានេះ។

ក្នុងចំណោមស្ត្រីដែលបញ្ចេញមតិ ប្រឆាំងនឹងការរើសអើងភេទទាំងនោះ ក៏មានតារាសម្ដែងល្បីឈ្មោះ Lawrence មួយរូបដែរ។ ទីបំផុតតារាស្រីរូបនេះ ក៏ទទួលជោគជ័យ ហើយបើតាមការរបាយការណ៍មួយ ចុះផ្សាយលើគេហទំព័រ Metro នាង Lawrence នឹងត្រូវបានគេផ្ដល់តម្លៃខ្លួន ២០លានដុល្លារអាមេរិក ក្នុងខ្សែភាពយន្តថ្មី មានចំណងជើងថា "Passengers"។ ទឹកប្រាក់នេះ គឺច្រើនជាងពីរដង បើធៀបនឹងតម្លៃខ្លួនរបស់តារាសម្ដែងប្រុសជាមួយគ្នាក្នុងរឿងនេះ ឈ្មោះ Chris Patt។

តារាកើតក្នុងទីក្រុង Louisville សហរដ្ឋអាមេរិកខាងលើ បានក្លាយជាបុគ្គលជាទីចាប់អារម្មណ៍ របស់អ្នកសារព័ត៌មានបំផុត ក្រោយនាងហ៊ានបញ្ចេញមតិ ប្រឆាំងជាសាធារណៈ។ បញ្ហានេះដែរត្រូវបានគេ ដឹងឮ និងលើកមកនិយាយ បន្ទាប់ពី Mail សន្ទនារវាង Lawrence និងក្រុមផលិតករភាពយន្តបែកធ្លាយ។ គួរបញ្ជាក់ថា ពេលសម្ដែងខ្សែភាពយន្ត "American Hustle” តារាសញ្ជាតិអាមេរិកវ័យ២៤ឆ្នាំ មានតម្លៃខ្លួនទាប តែប្រភពមិនបញ្ជាក់ថា ប៉ុន្មាននោះទេ ចំណែករឿង "Hunger Games" នាងទទួលបាន១លានដុល្លារអាមេរិក៕

Jennifer Lawrence អាវជ្រៅពេកភ្លេចខ្លួនលេចដើមទ្រូងកណ្ដាលវាល

“Hunger Games” ចេញ trailer វគ្គ៣ តែ១ថ្ងៃមានអ្នកចូលមើល៣លានដង

ប្រែសម្រួល៖ អ៊ុំ សុភក្តិ ប្រភព៖ Chinatopix