ទង្វើ៦យ៉ាងបង្ហាញថា មិត្តប្រុសអ្នកចេញក្រឡាបោកតាំងពីដំបូង

2015-05-13 19:21:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលស្រលាញ់គ្នាអ្វីៗក៏ល្អ អ្វីៗក៏ផ្អែមដែរ។ ប៉ុន្តែមាននារីជាច្រើនមកហើយដែលត្រូវចាញ់បោកមិត្តប្រុសព្រោះតែទង្វើលាក់ពុតរបស់គេ ហើយតែងតែលាក់បាំងធ្វើដូចជាស្រលាញ់នាងណាស់អ៊ីចឹង។ មិត្តនារី ពេលនេះអ្នកអាចមកពិនិត្យសកម្មភាពរបស់មិត្តប្រុសអ្នកផ្ទៀងផ្ទាត់នឹងចំណុចខាងក្រោម ដើម្បីឱ្យដឹងថាគេជាមនុស្សបោកប្រាស់ឬក៏អត់។

១. គេតែងលាក់បាំងអ្នក ជាពិសេសមិនឱ្យអ្នកមើលទូរសព្ទរបស់គេ៖

បើមនុស្សស្រលាញ់គ្នា គឺពិតណាស់គ្មានអ្វីត្រូវលាក់បាំងគ្នាឡើយ។ ពួកគេនឹងបើកចំហឱ្យគ្នាទៅវិញទៅមក។ ដូចនេះបើមិត្តប្រុសរបស់អ្នក សូម្បីតែទូរសព្ទក៏ដាក់ Silent រាល់ពេលនៅក្បែរអ្នក ឬពេលមានគេតេមក មិនហ៊ានលើកនៅមុខអ្នក ឬមិនឱ្យអ្នកកាន់ទូរសព្ទគេនោះ ច្បាស់ជាមិនមែនជាមនុស្សត្រង់នឹងអ្នកទេ។

២. គេមិនហ៊ាននិយាយជាមួយអ្នកផ្អែមល្ហែមនៅមុខគេឯង៖

បើគេពិតជាស្រលាញ់អ្នកស្មោះមែន គេនឹងមិនខ្លាចហៅអ្នកក្នុងភាសាផ្អែមល្ហែមនៅចំពោះមុខអ្នកដទៃទេ ព្រោះមនុស្សប្រុសពេលមានស្នេហាតែងតែចង់បង្ហាញឱ្យគេឯងដឹង។ តែបើគេមិនហ៊ានហៅអ្នកថា អូន ឬស្និទ្ធស្នាលនឹងអ្នកនៅទីសាធារណៈផង បានន័យថាគេខ្លាចមានអ្នកដឹងរឿងគេហើយយកទៅប្រាប់នារីណាផ្សេងក៏មិនដឹង។

៣. គេមិនដែលនាំអ្នកទៅជួបពួកម៉ាកគេ៖ ថាទៅជួបក្រុមគ្រួសារចុះដែលត្រូវការពេលវេលាយល់ចិត្តគ្នាយូរ សឹមណែនាំឱ្យស្គាល់ចាស់ៗ តែបើសូម្បីតែមិត្តភ័ក្ដិរបស់គេ ក៏អ្នកមិនដែលមានឱកាសបានជួបផង តើពាក្យស្រលាញ់ដែលគេតែងនិយាយអាចចាត់ទុកជាការពិតបានឬអត់?

៤. គេមិនសូវយល់ពីអារម្មណ៍របស់អ្នក៖ គេតែងតែធ្វើឱ្យអ្នកខឹងដោយសារការនិយាយកុហក ឬភ្លេចថ្ងៃសំខាន់ជាដើម។ ជំនួសមកវិញ គេបានត្រឹមនិយាយពាក្យថាសុំទោស ហើយមកលួងលោមអ្នកឱ្យទន់ចិត្ត និងអត់ឱនឱ្យគេ តែលើកក្រោយគេនៅតែធ្វើបែបនោះទៀត។

៥. គេច្រើនតែទទួលអ្វីពីអ្នក ជាជាងធ្វើអ្វីមួយដើម្បីអ្នក៖ ជាធម្មតា មនុស្សប្រុសដែលស្រលាញ់អ្នកស្មោះតែងតែធ្វើអ្វីគ្រប់យ៉ាងដើម្បីឱ្យអ្នកសប្បាយចិត្ត តែបុរសប្រភេទនេះវិញតែងតែទាមទារអ្វីពីអ្នក ឬធ្វើខ្លួនគួរឱ្យអាណិតនៅចំពោះមុខអ្នកដើម្បីបានអ្វីម្យ៉ាងពីអ្នកទៅវិញ។

៦. គេព្យាយាមលួងលោមអ្នកឱ្យនៅកន្លែងស្ងាត់ៗតែពីរនាក់៖ គេតែងលួងលោមអ្នក ឬនាំអ្នកទៅកន្លែងស្ងាត់ដើម្បីធ្វើអ្វីផ្ដេសផ្ដាសលើអ្នក។ សម្រាប់មនុស្សប្រុសប្រភេទបោកប្រាស់បែបនេះ បើគេបានខ្លួនប្រាណអ្នកហើយ គេនឹងមិនចោលអ្នកទេ តែគេមិនបានចាត់ទុកអ្នកដូចរបស់មានតម្លៃទៀតទេ គេគ្រាន់តែទុកអ្នកដើម្បីកំដរអារម្មណ៍របស់គេប៉ុណ្ណោះ។ តើមានសុភាពនារីណាដែលធ្លាប់ជួបបុរសដូចចំណុចទាំង៦ខាងលើនេះឬអត់? បើមែន គេប្រហែលមិនមែនជាបុរសល្អសម្រាប់អនាគតអ្នកទេ!

៧ចំណុចបង្ហាញថា មិត្តរបស់អ្នកកំពុងលួចស្រលាញ់អ្នក

ប្រែសម្រួល៖ សុគន្ធី ប្រភព៖ likelovequote