Jay Chou មានជំងឺឈឺឆ្អឹងខ្នងធ្ងន់ធ្ងរ

2015-05-14 17:15:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រជាច្រើន បានសម្ដែងក្ដីព្រួយបារម្ភ ក្រោយដឹងថានិមិត្តរូបរបស់ពួកគេ Jay Chou មានជំងឺឈឺឆ្អឹងខ្នងធ្ងន់ធ្ងរ។

មិត្តភ័ក្ដិជិតស្និទ្ធរបស់តារាចម្រៀងរូបនេះ ដែលមានឈ្មោះថាលោក Will Liu បាននិយាយនៅក្នុងពេលថតកម្មវិធីទូរទស្សន៍មួយថា៖ "គាត់ដេកមិនស្រួល ដូចមនុស្សធម្មតាទេ ម៉្លោះហើយគាត់ត្រូវតែដេកអង្គុយ។ ពេលខ្លះពេលខ្ញុំគោះទ្វារបន្ទប់ គាត់ត្រូវចំណាយពេល យ៉ាងហោចណាស់១០នាទី ទើបដើរដល់។ នេះមិនមែនមកពីផ្ទះគាត់ធំពេកទេ មកពីគាត់ដើរយឺត ព្រោះពិបាកដើរ"។

Will បន្ថែមទៀតថា៖ “ពេលជំងឺរើឡើង គាត់មិនអាចសម្ដែងបាន ដូចគាត់ធ្វើដូចសព្វដងទេ។ គាត់ត្រូវការថ្នាំបំបាត់ការឈឺចាប់ ដើម្បីអាចសម្ដែងឱ្យចប់ចុងចប់ដើមបាន"។

ដោយសារតែ Will ជាអ្នកចេះធ្វើសរសៃ លោកបានប្រើតិចនិកមួយចំនួន ជួយសម្រួលឱ្យ Jay ដែលអាចឱ្យតារារូបនេះ បានធូរស្រាលខ្លះៗ។

ក្រោយដឹងពីអាការៈជំងឺរបស់ Jay ក្រុមអ្នកគាំទ្របានបង្ហាញការសោកស្ដាយ និងអាណិតអាសូរដល់ Jay។ ទោះជាយ៉ាងនេះក្ដី ពួកគេថាវាមិនសមសោះ ដែល Will ទម្លាយរឿងបុគ្គលរបស់ Jay ឱ្យគេដឹងជាសាធារណៈយ៉ាងដូច្នេះ៕

Jay Chou មុនបានច្រៀង គ្មានផ្ទះនៅ ហូបតែបាយសល់ពីគេ

ប្រែសម្រួល៖ អ៊ុំ សុភក្តិ ប្រភព៖ jaynestars