ស្ទើរមិនគួរឲ្យជឿ! បង្កើតក្រុមហ៊ុនជាមួយដើមទុន ត្រឹមម៉ូតូល្អមួយគ្រឿង

2014-10-10 16:28:39
ចំនួនមតិ 0 | ចំនួនចែករំលែក 0

ចន្លោះមិនឃើញ

សេវាកម្មទទួលបកប្រែមួយ ដែលមានទីតាំងស្ថិតនៅម្ដុំទួលស្វាយព្រៃ I ក្នុងខណ្ឌចំការមន រាជធានីភ្នំពេញត្រូវបានបង្កើតឡើងជាមួយនឹងដើមទុនចំនួន ២ពាន់ដុល្លារ ស្មើនឹងម៉ូតូល្អមួយគ្រឿងប៉ុណ្ណោះអាចដំណើរការបាន។ លោក ស៊ុំ ស៊ីថែន គឺជាម្ចាស់អាជីវកម្ម ក្នុងទីតាំងខាងលើ។

លោកថា ទម្រាំក្រុមហ៊ុននេះលេចចេញជារូបរាងបានដូចសព្វថ្ងៃ លោកត្រូវពុះពារឧបសគ្គតូចធំសព្វបែបយ៉ាង។ ប៉ុន្តែដំបូងឡើយ លោក ស៊ីថែនបានសហការគ្នាជាមួយមិត្តភ័ក្ដិ ដែលមិត្តរបស់លោកជាអ្នកចេញដើមទុន ដូចជាផ្ទះសម្រាប់បង្កើត Office ព្រមទាំងសម្ភារៈមួយចំនួន ឯលោកចេញធនធានជាអ្នកចាត់ចែងការងារបុគ្គលិក មើលការខុសត្រូវក្នុងការិយាល័យ និងស្វែងរកអតិថិជន។

លោក ស៊ីថែន បានបង្ហើបគន្លឹះសំខាន់ថា៖ ” មានមនុស្សមិនតិចទេដែលឆ្ងល់ថា ខ្ញុំអត់មានដើមទុនសូម្បីបន្តិចហេតុអ្វីមិត្តភ័ក្ដិខ្ញុំព្រម ចូលហ៊ុនរកស៊ីបង្កើតជាមួយ។ គាត់ធ្លាប់ប្រាប់ខ្ញុំថា ខ្ញុំជាមនុស្សមានសមត្ថភាព មានអត្តចរិតអាចទុកចិត្តបាន ម៉្យាងចូលហ៊ុនជាមួយគាត់ ខ្ញុំត្រូវប្រើប្រាស់ធនធានកម្លាំងប្រាជ្ញា។ ចំពោះមុខរបរធំៗត្រូវការលុយតម្កល់ដើម្បីទុកចិត្តគ្នា តែមុខរបរនេះពឹងលើដៃគូ មិត្តខ្ញុំអត់មានជំនាញខាងនេះឡើយ តែខ្ញុំមានហើយដៃគូខ្ញុំរវល់មិនសូវមានពេលវេលាគ្រប់គ្រាន់ក្នុងការមើល ការខុសត្រូវ Office ដូច្នេះគេផ្ដល់ទីកន្លែង និងធនធានខ្លះៗ តែការចែកភាគរយមិនស្មើគ្នាដែរ ព្រោះខ្ញុំអត់មានដើមទុនហើយប្រើប្រាស់ធនធានរបស់គេមួយចំនួន។ ទោះជាយ៉ាងណា ខ្ញុំខំប្រឹងប្រែងធ្វើឲ្យក្រុមហ៊ុននេះឆ្ពោះទៅមុខ និងសហការយ៉ាងរីករាយជាមួយដៃគូរបស់ខ្ញុំ”។

បើកដំណើរការ ក្រុមហ៊ុនដំបូង មិនសូវមានអតិថិជនទេ ព្រោះគេមិនទាន់ស្គាល់។ ក្រោយមកលោកចាប់ផ្ដើមផ្សព្វផ្សាយតាម Yellow Page និងប្រាប់អ្នកស្គាល់តៗគ្នា ម្ល៉ោះហើយក៏ចេះតែមានអតិថិជនកាន់តែច្រើនឡើងៗ។ លុះដល់ ឆ្នាំ២០០៩ លោកបែកគំនិតព្រោះលោកចង់មានភាពឯករាជ្យលើអាជីវកម្មមួយពិតប្រាកដ ។ លោកនិយាយ៖ “ខ្ញុំជឿថា ខ្ញុំអាចធ្វើបានដោយសារខ្ញុំមានបទពិសោធន៍ខាងបកប្រែ ហើយកាលដើមឡើយខ្ញុំចាប់ផ្ដើមដោយគ្មានលុយសោះ តែឥលូវខ្ញុំមានដើមទុនតិចតួចល្មមអាចបង្កើតវាបាន ដូចនេះខ្ញុំគួរតែសាកល្បងធ្វើវាឡើង”។

ដូចពាក្យគេតែងពោលថា គ្មានអ្វីកើតឡើងដោយងាយស្រួលឡើយ។ ស៊ីថែនស្ទើរតែអស់លុយពីខ្លួនសម្រាប់មុខរបរមួយនេះ។ ដើមទុនត្រឹមពីរពាន់ដុល្លារ ត្រូវចំណាយលើថ្លៃជួលការិយាល័យ ដែលមានទីតាំងច្បាស់លាស់នៅសង្កាត់ ទួលស្វាយព្រៃ I ខណ្ឌចំការមន ភ្នំពេញ រួមទាំងសម្ភារៈទឹកភ្លើង និងបុគ្គលិកផងដែរ។

ម៉ូយដំបូងរបស់ក្រុមហ៊ុនទើប បង្កើតឡើងនេះ សុទ្ធតែជាមិត្តដែលធ្លាប់ស្គាល់គ្នាពីមុនមករបស់ស៊ីថែន។ ពេលទៅណាមកណា លោក ស៊ីថែនតែងប្រាប់គេឯងថា បើសិនជាត្រូវការបកប្រែអាចទាក់ទងលោកបាន ព្រោះលោកបានបើកក្រុមហ៊ុន ដែលមានបកប្រែភាសាដូចជាភាសាបារាំង អង់គ្លេស ថៃ វៀតណាម ចិន ជប៉ុន កូរ៉េ ម៉ាឡេស៊ី និងឡាវ។ តែពួកគេនិយាយវិញថា ក្រុមហ៊ុនអី គេអត់ដែលស្គាល់ផងគេស្គាល់តែក្រុមហ៊ុនល្បីៗប៉ុណ្ណោះ ហើយលោកស៊ីថែនបានប្រាប់ទៅវិញថា ក្រុមហ៊ុនលោកក៏មានលទ្ធភាពអាចបកប្រែល្អដូចគេបានដែរ។

ក្រៅពីវិបត្តិទាំងនេះ ឧបសគ្គប៉ិនភ្នំភ្លើងផ្សេងទៀត គឺស៊ីថែនត្រូវប្រឈមជាមួយការស្វែងរកអតិថិជន និងសេចក្ដីទុកចិត្តម្ដងទៀត។ ដោយលោកមើលឃើញថា ការរកស៊ីតែងមានការប្រកួតប្រជែង ហើយក្រុមហ៊ុនលោកទើបបង្កើត ដូចនេះលោកបានយកឈ្មោះក្រុមហ៊ុនទៅដាក់បញ្ជីនៅក្រសួងដើម្បីឲ្យ អតិថិជនមានទំនុកចិត្ត ដែលក្រុមហ៊ុននេះមានឈ្មោះថា Diya Translation ព្រមទាំងបង្កើតគេហទំព័រ www.diyatranslation.com ក្នុងគោលបំណងឲ្យគេស្គាល់បានទូលំទូលាយ ។ លើសពីនេះ លោកមានសេវាកម្ម Promotion ពិសេស ដូចជាFree មួយទំព័រដើម្បីឲ្យភ្ញៀវដឹងពីស្នាដៃ និងតម្លៃ ព្រោះបើក្រុមហ៊ុនថ្មី តែតម្លៃដូចគេ មិនមានភាពទាក់ទាញឡើយ ដូចនេះលោកព្យាយាមបញ្ចុះតម្លៃទាបជាងក្រុមហ៊ុនបកប្រែដទៃ ។

លោក បញ្ជាក់៖ “ខ្ញុំចាប់ផ្ដើមគិតថា ប្រសិនបើខ្ញុំស្វែងរក Freelancers ឬបុគ្គលិកបណ្ដែតណាដែលមិនមែនជាបុគ្គលិកពេញម៉ោង ហើយសុខចិត្តចំណេញក្បាលកាក់ពីលើ ប្រហែលល្អ ។ បន្ទាប់មក ខ្ញុំក៏ទៅទាក់ទងជាមួយមិត្តណាដែលខ្ញុំយល់ថា គេអាចមានពេលសម្រាប់ការងារនេះបាន ដោយចរចាជាមួយប្រាក់កម្រៃ។ ដល់និយាយត្រូវរ៉ូវគ្នា ខ្ញុំចាប់ផ្ដើមអនុវត្ត ហើយភ្ញៀវមិនដែលក្នក់ក្នាញ់ចិត្ត អីទេ។ លើសពីនេះគេសរសើរថា ក្រុមហ៊ុនខ្ញុំមានសេវាកម្មបកប្រែល្អ រហ័សទាន់ចិត្ត និងមានតម្លៃសមរម្យ។ ដោយសារតែលឺពាក្យទាំងអស់នេះហើយ ទើបខ្ញុំមានកម្លាំងចិត្តចេះតែបន្តវារហូតមក វាប្រៀបដូចជាឱសថទិព្វមកពីណាមិនដឹងទេ មានពេលខ្លះខ្ញុំញញឹមតែហូរទឹកភ្នែក ព្រោះតែពាក្យទាំងនោះ”៕

អានអត្ថបទ៖ តួឯកក្នុងវីដេអូគ្លីបផ្ទុះសំណើចពេញបណ្តាញសង្គម ហាន គីមហាំ មានប្រវត្តិតស៊ូយ៉ាងណា? សូមចុចត្រង់នេះ

អត្ថបទ៖ សុនា

ពាក្យទាក់ទង

ជីវិតជោគជ័យ

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York