បុរសម្នាក់ប្រកាសលក់ខ្លួនជិតមួយលានដុល្លារ

2015-05-19 15:43:39
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មាន Shanghaiist របស់ប្រទេសចិន បានចុះផ្សាយកាលពីថ្ងៃចន្ទម្សិលមិញនេះថា បុរសម្នាក់ដែលមានតែខោអត់អាវ បានឈរនៅលើដងផ្លូវ អមជាមួយបដាប្រកាសលក់ខ្លួនក្នុងតម្លៃ ៥លានយាន់ (ប្រហែល៨០៥០៨០០ដុល្លារ) ដល់មហាសេដ្ឋីណាដែលចាប់អារម្មណ៍។

បុរសរូបរាងធាត់ដុះក្បាលពោះ ហាក់ដូចជាគិតថាខ្លួនឯងមានមន្តស្នេហ៍ និងបានឈរនៅក្នុងប្រអប់ក្រដាសមួយ ដោយកាន់បដាស្នើឲ្យគេទិញលោកក្នុងតម្លៃដ៏ខ្ពស់កប់ពពក។ នៅក្នុងសំណេរនោះ បុរសលក់ខ្លួនបានបញ្ជាក់ថា រូបលោកជានិស្សិតថ្នាក់បណ្ឌិតនៅសាកលវិទ្យាល័យ Tsinghua។

ចំពោះមូលហេតុដែលបុរសកម្សត់នេះប្រកាសលក់ខ្លួន ដោយសារគ្រួសារជួបការលំបាក ហើយលោកមិនអាចសម្រេចក្ដីសុបិនទៅសិក្សានៅបរទេសបាន។ លោកសង្ឃឹមថាទឹកប្រាក់ដែលបានមកពីការលក់ខ្លួន អាចឲ្យលោកយកទៅបន្តក្ដីស្រមៃក្នុងការសិក្សានៅបរទេស។

តាមទម្លាប់ ការចំណាយលើអាពាហ៍ពិពាហ៍ក្នុងប្រទេសចិន ពឹងផ្អែកលើជំនូនខាងប្រុស ប៉ុន្តែបុរសម្នាក់នេះវិញហាក់ដូចជាចង់ផ្លាស់ប្ដូរប្រពៃណីចង់បានជំនូនពីខាងស្រី។ ទោះយ៉ាងណា មិនមាននារីណាម្នាក់ចាប់អារម្មណ៍ចរចាតម្លៃខ្លួនគេឡើយ៕