បក្សីក្រៀលចេញក្បាច់កុងហ៊្វូដូចក្នុងរឿង ធ្វើឲ្យខ្លាបីសុំចាញ់
- 2015-05-22 15:06:48
- ចំនួនមតិ 0 | ចំនួនចែករំលែក 0
បក្សីក្រៀលចេញក្បាច់កុងហ៊្វូដូចក្នុងរឿង ធ្វើឲ្យខ្លាបីសុំចាញ់
ចន្លោះមិនឃើញ
ធ្លាប់តែឃើញសត្វក្រៀលចេះក្បាច់កុងហ៊្វូប្រយុទ្ធជាមួយខ្លារខិនក្នុងខ្សែភាពយន្ត Kung Fu Panda តែឥលូវនេះវាបានកើតឡើងនៅពិភពខាងក្រៅហើយ។ ទោះមិនដូចក្នុងរឿងទាំងស្រុង ប៉ុន្តែបក្សីមួយក្បាលខាងក្រោមនេះ ក៏មិនធម្មតាដែរ ពោលគឺមិនចុះចាញ់ដាច់ខាត ទោះមានសត្វខ្លាដល់ទៅ៣ប៉ុនប៉ងចាប់ខ្លួនជាចំណីក៏ដោយ។
រឿងហេតុនេះបានកើតឡើងនៅសួនសត្វ Fuyang Wildlife Park នៅ Hangzhou ប្រទេសចិន។ សត្វក្រៀលនោះ បានធ្លាក់ចូលទៅក្នុងជម្រកសត្វខ្លា នៅពេលត្រូវខ្យល់ខ្លាំងពេលកំពុងហើរលើនោះ។ ដោយសារតែខ្លាបានចូលមកកៀកជាប់ ធ្វើឲ្យក្រៀលនោះមិនអាចហោះឡើងទៅលើវិញបានទេ។ ស្ថានភាពកំពុងតានតឹងនៅក្រោមក្រសែភ្នែកអ្នកទស្សនាសួនសត្វជាច្រើននាក់ផងនោះ ក្រៀលបានចេញក្បាច់ការពារខ្លួន ធ្វើឲ្យខ្លាទាំង៣មិនអាចធ្វើអ្វីបាន។
មិនត្រឹមតែចេញក្បាច់ការពារខ្លួននោះទេ ក្រៀលនោះក៏បានតបតទៅកាន់ខ្លាវិញផងដែរ។ នៅទីបំផុត ខ្លាទាំង៣បានចុះចាញ់ ហើយរត់ចូលទៅក្នុង ដោយមានការសើចចំអកពីអ្នកមើលពីមនុស្សម្នាផងដែរ ខណៈក្រៀលវិញបានទទួលសំឡេងអបអរសាទរយ៉ាងច្រើន។
ចុចអាន៖ មាន់ជល់ ៣ក្បាលលក់បានជាង ៧ម៉ឺនដុល្លារនៅថៃ
ប្រភព៖ huffingtonpost