តារាអាមេរិកស្លៀកប៊ីគីនីអង្គុយលើបដិមារងការគំរាមសម្លាប់ពីពុទ្ធសាសនិកថៃ
- 2015-05-22 18:25:15
- ចំនួនមតិ 0 | ចំនួនចែករំលែក 0
តារាអាមេរិកស្លៀកប៊ីគីនីអង្គុយលើបដិមារងការគំរាមសម្លាប់ពីពុទ្ធសាសនិកថៃ
ចន្លោះមិនឃើញ
នាង Kristen Leanne តារាបង្ហាញម៉ូដអាមេរិក និងតារាសម្រស់លើ Youtube បាននិយាយថា នាងបានបញ្ចប់ដំណើរកម្សាន្ត និងចេញពីថៃមួយរយៈ បន្ទាប់ពីនាងរងការគំរាមសម្លាប់ ពីក្រុមពុទ្ធសាសនិករបស់ប្រទេសនេះ។
ដើមចមនៃការគំរាមសម្លាប់ បានកើតឡើងនៅពេលតារាស្រីរូបនេះ ថតរូបស្លៀក Bikini អង្គុយលើបដិមាមួយអង្គ និងបង្ហោះចែកចាយលើបណ្ដាញសង្គមហ្វេសប៊ុក កាលពីថ្ងៃពុធកន្លងទៅ ដែលត្រូវបានគេចាត់ទុកថា ជាការបំពានលើសាសនា។ ក្រោយរូបមួយសន្លឹកនេះ ល្បីខ្ទរខ្ទារនិងរងព្យុះរិះគន់ពេញអ៊ីនធឺណិត នាង Kristen បានលុបរូបចោលវិញ។
ប្រភពដ៏ទុកចិត្តមួយបានឱ្យដឹងថា បដិមាមួយអង្គ ដែលតារាវ័យ២៦ឆ្នាំ រស់នៅក្នុងទីក្រុង Los Angeles ស្លៀកឈុតក្នុងអង្គុយថតលើនេះ គឺស្ថិតនៅកន្លែងស្ប៉ា (Spa)មួយកន្លែងរបស់អាមេរិក ក្នុងប្រទេសថៃ។ ទោះបីជាយ៉ាងណា ក្រោយរូបប្រមាថដល់ព្រះពុទ្ធសាសនានេះ លេចលើបណ្ដាញសង្គម ប្រជាជនថៃមួយចំនួនប្រតិកម្មមិនពេញចិត្ត និងបានធ្វើការគំរាមកំហែងសម្លាប់តែម្ដង។
ក្រោយទទួលសារគំរាមយ៉ាងដូច្នេះ តារាបង្ហាញម៉ូដដដែល បានសរសេរសារលើហ្វេសប៊ុកថា "អ្នកឯងលេងសើចជាមួយខ្ញុំមែន? ខ្ញុំបានបង្ខំចិត្តចេញពីប្រទេសថៃមួយរយៈ ព្រោះថាខ្ញុំទទួលបានរូបភាពអាក្រក់ៗជាច្រើនដូចជា រូបសាកសពកាត់តក្បាលរបស់ខ្ញុំ ដាក់លើពួកគេ។ វាគួរឱ្យខ្លាចណាស់"។
យ៉ាងណាមិញ បើមានព័ត៌មានអ្វី Update ថ្មី Sabay នឹងធ្វើការចុះផ្សាយបន្ត៕
ចុចអាន៖ បេក្ខនារី Talent Show របស់ទួរគីម្នាក់ ត្រូវខ្មាន់កាំភ្លើងលួចបាញ់កណ្ដាលក្បាល
ប្រែសម្រួល៖ អ៊ុំ សុភក្តិ ប្រភព៖ bangkok