ម្ចាស់កំណត់ត្រាឆ្កែខ្ពស់បំផុតក្នុងលោក បានបាត់បង់ជីវិតហើយ
- 2014-09-12 22:02:35
- ចំនួនមតិ 0 | ចំនួនចែករំលែក 0
ម្ចាស់កំណត់ត្រាឆ្កែខ្ពស់បំផុតក្នុងលោក បានបាត់បង់ជីវិតហើយ
ចន្លោះមិនឃើញ
សុនខមួយក្បាលដែលជាម្ចាស់កំណត់ត្រាខ្ពស់ជាងគេបំផុតលើលោក បានបាត់បង់ជីវិតកាលពីពេលថ្មីៗនេះ នៅរដ្ឋមីឈីហ្កេន សហរដ្ឋអាមេរិក មុនគម្រប់អាយុ ៦ឆ្នាំ។
បើគិតត្រឹមស្មា សុនខនេះមានកម្ពស់ ១,១២ម៉ែត្រ ប៉ុន្តែបើឈរជើងពីរវិញមានកម្ពស់ដល់ទៅ ២,២៣ម៉ែត្រ។ ចំណែកឯទម្ងន់វិញ គឺជាង ៧០គីឡូក្រាម និងត្រូវស៊ីចំណីសត្វជាង ១៣គីឡូក្រាមក្នុងមួយថ្ងៃ។
សុនខខ្ពស់ដាច់គេនេះ បានល្បីឈ្មោះតាំងពីឆ្នាំ២០១២ មក ក្រោយពីស្ថាប័ន Guinness បានចុះទៅក្នុងបញ្ជីកំណត់ត្រាពិភពលោក ថាជាសុនខខ្ពស់បំផុត។ លោក Denise Doorlag ដែលជាម្ចាស់ បាននិយាយថា ក្មេងៗតែងតែច្រឡំសុនកនេះជាសេះ ព្រោះវាមានកម្ពស់ខ្ពស់ និងមាឌធំខុសពីសុនខទូទៅ។
ការបាត់បង់ជីវិតសុនខមួយក្បាលនេះ គឺជាទុក្ខសោកយ៉ាងខ្លាំងសម្រាប់ម្ចាស់ និងមនុស្សគ្រប់គ្នាដែលធ្លាប់ឃើញវា៕