តោកំណាចបែរជាខ្លាចក្របីរហូតឡើងដើមឈើគេចខ្លួន

2015-05-26 18:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វតោត្រូវគេចាត់ទុកថាជាអធិរាជលើវាលស្មៅ ដោយសារការវាយប្រហារមិនរើសមុខ សម្លាប់ពពួកម្រឹគទាំងឡាយជាអាហារ។ យ៉ាងណាក្ដី ពេលខ្លះសត្វកំណាចនេះ បែរជាចាញ់ក្រាបសត្វដទៃ និងរត់គេចខ្លួនគួរឲ្យចាប់អារម្មណ៍។ ជាក់ស្ដែង តោដ៏ធំមួយក្បាលនៅប្រទេសកេនយ៉ា ប្រឹងតោងឡើងដើមឈើ ដើម្បីគេចខ្លួនពីហ្វូងក្របីទាំងភាពភ័យខ្លាច។

បុរសម្នាក់ដែលធ្វើដំណើរកម្សាន្តក្នុងសួនសត្វប្រទេសកេនយ៉ា បានផ្ដិតយកទិដ្ឋភាពដ៏គួរឲ្យចាប់អារម្មណ៍ គឺសត្វតោប្រឹងឡើងដើមឈើ ដើម្បីគេចពីហ្វូងក្របី ដែលធ្លាប់តែជាចំណីរបស់ខ្លួន។ ដំបូង តោកំណាចមួយក្បាលនេះ ប៉ុនប៉ងវាយប្រហារកូនក្របីទើបកើតជាអាហារ ប៉ុន្តែត្រូវហ្វូងក្របីធំៗជួយការពារ។

លោក Charles Comyn ដែលទៅលេងកម្សាន្តនៅសួនឧទ្យានជាតិ Maasai Mara ជាមួយប្រពន្ធ បាននិយាយថា តោឈ្មោលបានឡើងដើមឈើដើម្បីគេចខ្លួន បន្ទាប់ពីហ្វូងក្របីនាំគ្នាដេញប្រហារ។ បុរសវ័យ ៦៣ឆ្នាំរូបនេះ បានបន្តទៀតថា បន្ទាប់ពីហ្វូងក្របីនៅឈរចាំមិនទៅណា តោកំណាចនោះក៏ព្យាយាមលោតទម្លាក់ខ្លួនពីលើដើមឈើវិញ និងរត់គេចខ្លួនដោយសុវត្ថិភាព៕

ទស្សនារូបភាពដ៏ប្លែកភ្នែកនេះ៖