បញ្ជីឈ្មោះតារាស្រីស្ថិតក្នុងក្រសែភ្នែកអ្នកសារព័ត៌មាន!

2014-09-16 18:42:48
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាស្រី ២០ ដួង តែងតែស្ថិតក្នុងខ្សែភ្នែករបស់អ្នកសារព័ត៌មានជានិច្ច បើទោះជាតារាមួយចំនួនខ្លះបានផ្អាកពីសិល្បៈហើយយ៉ាងណាណាក៏ដោយ។

នៅលើបណ្ដាញទំព័រកាសែត វែបសាយ ទស្សនាវដ្ដី ស្ទើររៀងរាល់ថ្ងៃគេតែងសង្កេតឃើញតារាស្រីទាំង ២០ ដួង ខាងក្រោម។ ចង់ដឹងថា តារាស្រីរូបណាខ្លះ ដែលអ្នកសារព័ត៌មានចូលចិត្តតាមប្រមាញ់ពីជីវិតផ្ទាល់ខ្លួនបំផុត?

ខាងក្រោមនេះ គឺជាបញ្ជីឈ្មោះតារាស្រី ២០ ដួង ដែលអ្នកសារព័ត៌មានផ្ដោតលើវិស័យសិល្បៈចូលចិត្តតាមដានពីជីវិត ផ្ទាល់ខ្លួនរបស់ពួកគេ ក្នុងនោះរួមមាន៖

អានអត្ថបទ៖ តារាល្បីៗខ្មែរ-ថៃ ស្អាតៗអស់ទាស់ក្នុងព្រឹត្តិការណ៍សម្ពោធទូរទស្សន៍ ETV យប់មិញ!

១ ម៉េង កែវពេជ្ជតា

បញ្ហាគ្រួសារ បញ្ហាទំនាក់ទំនងនឹង លោក ស៊ុក សុភា រួមទាំងទំនាក់ទំនងជាមួយបុរសក្រៅស្រុកធ្វើឱ្យព័ត៌មានរបស់អ្នកនាង ម៉េង កែវពេជ្ជតា ហាក់មិនសូវរំលងមួយលេខណាឡើយពីសំណាក់ទស្សនាវដ្ដី កាសែត និង វែបសាយក្នុងស្រុក។ ការមិនសូវធ្វើអត្ថាធិប្បាយជាមួយអ្នកសារព័ត៌មាន ទៀតសោតក៏ធ្វើឱ្យនាងតែងតែមានវត្តមានលើបណ្ដាញសារព័ត៌មានផងដែរ។

២ ចន ច័ន្ទលក្ខិណា

ការដើរចែកផ្លូវរវាងនាង ស្វាមីលោក យុត្ថារ៉ា ឆានី ក្រោមព័ត៌មានថាមានអ្នកទីបីជាមន្ត្រីថ្នាក់ផ្កាយជាអ្នកជ្រែកស្នេហ៍បានធ្វើឱ្យកេរ្តិ៍ឈ្មោះតារាស្រីរូបនេះល្បីរន្ទឺលើទំព័រ កាសែត ទស្សនាវដ្ដី និង គេហទំព័រនានា។

បើទោះជាព័ត៌មាននៃការលែងលះគ្នាបានដាច់ស្រេចហើយក៏ដោយក្រុមអ្នកសារព័ត៌មាននៅតែចង់ដឹងពីជីវិតឯកជនតារាស្រីល្បីឈ្មោះខាងលើ។ ជាពិសេសដំណឹងថាតើនាងនឹងរៀបការប្ដីជាថ្មីឬយ៉ាងណាក្រោយពីលែងលះស្វាមីរួចមក។

អានអត្ថបទ៖ បិណ្ឌ៦ ម្សិលមិញតារាខ្មែរសម្រុកទៅវត្តដល់ក!

៣ ស៊ឹម សូលីកា

ពិធីការិនីស្ថានីយទូរទស្សន៍ បាយ័ន រូបនេះជីវិតឯកជនរបស់នាងជាទីពេញនិយមបំផុតពីសំណាក់សារព័ត៌មាន។ ពេញនិយមដោយសារតែនាងមិនដែលផ្ដល់បទសម្ភាសន៍ជាមួយអ្នកកាសែតទេ។ ពេលខ្លះនាងមិនទាំងឱ្យអ្នកកាសែតថតរូបទៀតផងនៅពេលចូលរួមកម្មវិធី ម្ដងៗ។ អ្វីដែលធ្វើឱ្យអ្នកកាសែតចាប់អារម្មណ៍ខ្លាំងបំផុត គឺរឿងរ៉ាវស្នេហារបស់នាងជាមួយ មេកើយរបស់ខ្លួនធ្វើឱ្យអ្នកមេម៉ាយរូបនេះ មានវត្តមានមិនចេះដាច់លើទំព័រព័ត៌មានក្នុងស្រុក។

៤ គង់ សុជាតិ

ពិធីការិនីឆ្នើមរូបនេះក៏មិនចាញ់តារាផ្សេងដែរ អ្នកសារព័ត៌មានតែងយកចិត្តទុកដាក់បំផុតពីជីវិតឯកជនរបស់នាង ជាពិសេសការរៀបអាពាហ៍ពិពាហ៍រួចជាមួយស្វាមីក្រោយលោក ជា វិបុល ថាតើពួកគេនឹងអាចយកកូនទៀតឬយ៉ាងណា។ ប្រការនេះធ្វើឱ្យអ្នកសារព័ត៌មាននានាតែងចូលចិត្តសួរដេញដោលពេលនាង និងស្វាមីចូលរួមកម្មវិធីសិល្បៈម្ដងៗ។

អានអត្ថបទ៖ មើលមុខមានតារាសំណព្វចិត្តអ្នកអត់ ល្បីខាងប្ដូរផលិតកម្មច្រៀង?

៥ កែវ និសា

តារាសម្ដែង និងជាពិធីការិនីរូបនេះ ក៏ជាទីចាប់អារម្មណ៍បំផុតពីសំណាក់បណ្ដាញសារព័ត៌មានក្នុងស្រុកផងដែរ។ កែវ និសា ជាតារាមួយរូបដែលអ្នកកាសែតចាត់ទុកថា ជាតារាសម្បូរទៅដោយរឿងអាស្រូវ។ ប្រការនេះហើយទើបធ្វើឱ្យអ្នកសារព័ត៌មានចូលចិត្តតាមប្រមាញ់ពី ជីវិតផ្ទាល់ខ្លួនរបស់នាងបំផុត បើទោះបីជាពេលខ្លះនាងមិនធ្វើអត្ថាធិប្បាយនឹងពួកគេក៏ដោយ។

៦ កែវ ពេជ្រពិសី

ការរកប្រាក់ដើម្បីដោះបន្ទុកបំណុល រួមទាំងមានមន្ត្រីថ្នាក់ផ្កាយជ្រែកស្នេហ៍ធ្វើឱ្យអ្នកនាង កែវ ពេជ្រពិសី លេចវត្តមានមិនចេះចប់មិនចេះហើយលើបណ្ដាញសារព័ត៌មានក្នុងស្រុក។ ទោះជាពេលខ្លះនាងបានប្រកែកពីបញ្ហាអស់ទាំងនេះយ៉ាងណាក៏ដោយ ក៏អ្នកកាសែតនៅតែតាមជជីកសួរ និងចុះផ្សាយដដែល។

៧ មាស សុខសោភា

បើទោះជារឿងអាស្រូវកន្លងមកបានស្ងប់ស្ងាត់បន្តិចហើយយ៉ាងណាក៏ ដោយ ក៏បញ្ហាស្នេហ៍របស់ មាស សុខសោភា និងគូដណ្ដឹងនៅតែជាការចាប់អារម្មណ៍របស់អ្នកសារព័ត៌មានក្នុង ស្រុកដដែល។ ទីផ្សារចម្រៀង ឡើងចុះ រួមនឹងសកម្មភាពការងារសង្គមធ្វើឱ្យតារាចម្រៀងស្រីល្បីឈ្មោះរូបនេះមានមុខលើទំព័រសារព័ត៌មានមិនចេះដាច់ឡើយ។

អានអត្ថបទ៖ មាស សុខសោភា ច្រៀង ១ថ្ងៃ ១-២ ដុល្លារ ក្លាយជាតារាចម្រៀងល្បីប្រចាំប្រទេស

៨ សុខ ពិសី

តារាចម្រៀងស្រីឈានមុខរបស់ផលិតកម្មសាន់ដេរូបនេះ ទើបតែស្ងប់ស្ងាត់រឿងអាស្រូវ ជុំវិញការយកកូនចេញស្ងាត់ៗយ៉ាងណាក៏ដោយ ប៉ុន្តែកញ្ញា សុខ ពិសី នៅតែជាគោលដៅចម្បងរបស់បណ្ដាញសារព័ត៌មានក្នុងស្រុកជុំវិញមាន អ្នកនៅឧបត្ថម្ភពីក្រោយខ្នង។

៩ អ៊ីវ៉ា

កញ្ញា អ៊ីវ៉ា ទើបតែបំបាត់ភាពសោកសៅក្នុងខ្លួនរួចបន្ទាប់ពីម្ដាយទទួលអនិច្ចកម្មរួចកាលពីពេលថ្មីៗ។ បើទោះបីជាមិនទាន់បែកធ្លាយពីព័ត៌មានស្នេហាក្រៅឆាកនឹងអ្នកណាម្នាក់យ៉ាងណាក៏ដោយ ប៉ុន្តែកាសែត និងទស្សនាវដ្ដីក្នុងស្រុកតែងចុះផ្សាយបន្តបន្ទាប់ថា កញ្ញាមានមន្ត្រីធំតាមពីក្រោយជាប់រហូត។ បញ្ហាទាំងអស់នេះហើយ ធ្វើឱ្យព័ត៌មានរបស់នាងតែងតែលេចឮលើបណ្ដាញសារព័ត៌មានក្នុងស្រុក នានា។

អានអត្ថបទ៖ វីដេអូសិច តារាខ្មែរល្បីឈ្មោះ ៥ ដួង ធ្លាប់ល្បីថាធ្លាយ!

១០ សុគន្ធ និសា

តារាចម្រៀងល្បីឈ្មោះហើរចេញពីទ្រនំហង្សមាស ចូលទៅជ្រកកោនក្នុងទ្រនំ Town ក្រោយចែកផ្លូវគ្នានឹងអតីតសង្សារកវីនិពន្ធ លោក សុខ ជំនោរ កញ្ញា សុគន្ធ និសា ជាទីចំណាប់អារម្មណ៍របស់បណ្ដាញសារព័ត៌មានក្នុងស្រុក។

ជីវិតឯកជនតារាចម្រៀងរូបនេះតែងតែលេចឡើងលើ បណ្ដាញសារព័ត៌មានអនឡាញ កាសែត និងទស្សនាវដ្ដី មិនចេះចប់មិនចេះហើយ បើទោះជាពេលខ្លះសាច់រឿងស្ងប់ស្ងាត់ហើយក៏ដោយ ក៏អ្នកសារព័ត៌មានជជីកយកមកចុះផ្សាយដដែល រួមទាំងការមិននិយាយស្ដីជាមួយអ្នកសារព័ត៌មានទៀតធ្វើឱ្យកញ្ញា កាន់តែមានឈ្មោះលើបណ្ដាញសារព័ត៌មាន។

១១ វ៉ាង ស្រីណូ

ទោះជាតារាសម្ដែង sexy រូបនេះ បានផ្អាកពីសិល្បៈមួយរយៈមិនទាន់ប្រឡូកចូលសិល្បៈឡើងវិញបែបណា ក៏ដោយ ក៏កេរ្តិ៍ឈ្មោះនាងនៅតាមបណ្ដាញសារព័ត៌មានក្នុងស្រុកមាន មិនចាញ់តារាៗ ដែលមានសកម្មភាពក្នុងពិភពសិល្បៈរាល់ថ្ងៃនេះទេ។ បញ្ហារូបសម្ផស្ស រួមទាំងមានអ្នកជួយឧបត្ថម្ភនៅពីក្រោយធ្វើឱ្យ វ៉ាង ស្រីណូ ជាទីចាប់អារម្មណ៍ពីអ្នកសារព័ត៌មាន ក្នុងការតាមប្រមាញ់។

១២ ពេជ្រ សូលីកា

កញ្ញា ពេជ្រ សូលីកា មិនដែលផ្ដល់បទសម្ភាសន៍ដល់អ្នកសារព័ត៌មានទេ ពេលខ្លះនាងក៏មិនឱ្យថតរូបដែរគឺស្រដៀងទៅនឹងកញ្ញា ស៊ឹម សូលីកា ពេលចូលរួមកម្មវិធីផ្សេង។ យ៉ាងណាក៏ដោយក្រុមអ្នកសារព័ត៌មាននៅតែរិះរកគ្រប់មធ្យោបាយដើម្បីសរសេរព័ត៌មានពីតារារូបនេះជាពិសេសរឿងរ៉ាវនាង ទាក់ទងនឹង មានមន្ត្រីថ្នាក់ផ្កាយនៅពីក្រោយចាំជួយឧបត្ថម្ភគ្រប់បែបយ៉ាង។

១៣ ឱក សុគន្ធកញ្ញា

កញ្ញា ឱក សុគន្ធកញ្ញា ជាតារាចម្រៀងល្បីឈ្មោះរបស់ផលិតកម្មរស្មីហង្សមាស ហើយក៏ជាទីពេញនិយមរបស់អ្នកសារព័ត៌មានក្នុងស្រុកផងដែរ។ ទោះជាទំនាក់ទំនងរវាងកញ្ញា និងអតីតសង្សារជាអ្នកលេងភ្លេង លោក រ៉េតធី ដូណា ត្រូវនាងអះអាងថាមិនដែលមានទំនាក់ទំនងនឹងគ្នាបែបណាក្ដី ប៉ុន្តែបញ្ហានេះ រួមនឹងព័ត៌មានដទៃទៀត នៅតែជាទីចាប់អារម្មណ៍ដោយលេចជាវត្តមាននៅលើបណ្ដាញសារព័ត៌មានក្នុងស្រុកនានាមិនចេះដាច់។

១៤ សារ៉ាយ សក្ខណា

បើទោះជារៀបការហើយស្ពាយបង្វិចទៅរស់នៅអាមេរិកជាមួយស្វាមី ហើយប្រកាសឈប់ពីសិល្បៈបែបណាក្ដី។ វត្តមានរបស់នាង សារ៉ាយ សក្ខណា លើទំព័រសារព័ត៌មានតែនៅមានជាប់ដដែល។

១៥ កុល ដាវី

បញ្ហាសម្រស់ដើមទ្រូង រួមនឹងទំនាក់ទំនងស្នេហាជាមួយតារាចម្រៀងសាន់ដេលោក សុខ រក្សា កញ្ញា កុល ដាវី តែងតែជាទីចំណាប់អារម្មណ៍ពីក្រសែភ្នែកអ្នកនិពន្ធក្នុងការផ្ដិតយករូបថតរួមនឹងការចុះផ្សាយលើទំព័រសារព័ត៌មាននានា។

១៦ តេង លក្ខិណា

បញ្ហាការផ្លាស់ប្ដូរទ្រនំពីអាជីពជាពិធីការិនីមកធ្វើជាតារាចម្រៀងធ្វើរូបនេះ ក៏ជាទីចាប់អារម្មណ៍ពីក្រុមសារព័ត៌មានមិនចាញ់តារាផ្សេងៗដទៃទៀតប៉ុន្មានទេ។ បញ្ហាការខ្ទាត់ពីតំណែងជាពិធីការិនីនៅ CTN រួមនឹងដំណឹងមានអ្នកចាំជួយឧបត្ថម្ភពីក្រោយធ្វើឱ្យនាងតែងតែមានឈ្មោះមិនចេះដាច់គ្រប់សារព័ត៌មានក្នុងស្រុក។

១៧ ពេជ្រ សេរីរ័ត្ន

ពេជ្រ សេរីរ័ត្ន ជាពិធីការិនី ដែលអ្នកសារព័ត៌មានចូលចិត្តតាមប្រមាញ់ជាទីបំផុតដោយសារតែតារា រូបនេះ មានបញ្ហារឿងអាស្រូវច្រើនមិនចាញ់ កែវ និសាឡើយ ជាពិសេសការយកកូនចេញជាមួយបុរសមានទ្រព្យបន្ទាប់ពីនាងចែកផ្លូវ គ្នានឹងអ្នកគ្រប់គ្រងកម្មវិធីទូរទស្សន៍ បាយ័ន លោក គង់ វិសាល។

១៨ យុគ ចិន្ដា

ពិធីការិនីឆ្នើមប្រចាំទូរទស្សន៍ CTN ក៏មានវត្តមានលើទំសារព័ត៌មានមិនចាញ់តារាដទៃទៀតប៉ុន្មានទេ។ បញ្ហាស្នេហាធ្វើឱ្យនាងមិនទាន់ទាន់ឈានទៅរៀបអាពាហ៍ពិពាហ៍ គឺជាគោលដៅចម្បងពីសំណាក់ក្រុមអ្នកសារព័ត៌មានតែងជជីកសួរនាំ។ មិនមែនមានតែរឿងនេះមួយប៉ុណ្ណោះទេ រឿងរ៉ាវជាច្រើនក៏ធ្វើឱ្យនាងតែងទទួលការចាប់អារម្មណ៍ពីបណ្ដាញសារព័ត៌មានក្នុងស្រុកដែរ។

១៩ លី ម៉ារីណា

អ្នកសារព័ត៌មានក្នុងស្រុកនានានៅតែផ្ដោតការយកចិត្តទុកដាក់ ទៅលើជីវិតផ្ទាល់ខ្លួននាង លី ម៉ារីណា ដដែល បើទោះជាអ្នកនាងបានរៀបការទៅរស់នៅជាមួយស្វាមីនៅអាមេរិកផ្អាក ពីពិភពសិល្បៈហើយក្ដី។ បញ្ហាដោយសារតែអ្នកនាងធ្លាប់មានរឿងអាស្រូវមានទំនាក់ទំនងនឹង មន្ត្រីថ្នាក់ផ្កាយម្នាក់រហូតដល់ប្រពន្ធដើមគំរាមសម្លាប់ទៀតផង។

ក្រុមអ្នកសារព័ត៌មាននៅតែបន្តចុះផ្សាយជាហូរហែពីតារារូបនេះថាការរៀបអាពាហ៍ពិពាហ៍រវាងនាង និងស្វាមីគ្រាន់តែជាឆាកល្ខោនបំភាន់ភ្នែកទស្សនិកជនប៉ុណ្ណោះ។

២០ ជីជី

ពិធីការិនីវ័យក្មេងរបស់ CTN កញ្ញា ជីជី ក៏ជាទីចាប់អារម្មណ៍របស់បណ្ដាអ្នកសារព័ត៌មានក្នុងស្រុកដែរ។ កត្តាធ្វើឱ្យអ្នកសារព័ត៌មានក្នុងស្រុកចូលចិត្តតាមដានពីជីវិតឯក ជនរបស់នាង ព្រោះកញ្ញាធ្លាប់មានរឿងអាស្រូវជាច្រើន រួមទាំងបញ្ហាមួយចំនួននៅក្នុងសិល្បៈ៕