រថយន្តស្ព័រ Range Rover ស៊េរី ០១៦ មានអ្វីពិសេសខ្លះ?

2015-06-02 20:41:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Range Rover Sport SVR ស៊េរី ២០១៦ ដែលបានប្រកាសកាលពីពេលកន្លងទៅ ជាប្រភេទរថយន្តស្ព័រទំនើប និងមានកម្លាំងម៉ាស៊ីនខ្លាំងរបស់ក្រុមហ៊ុនអង់គ្លេស Jaguar Land Rover។

Range Rover Sport SVR នេះត្រូវបានផលិតសម្រាប់ប្រើប្រាស់ក្នុងការធ្វើដំណើរជាលក្ខណៈគ្រួសារ ដោយមានកៅអីអង្គុយធំទូលាយចំនួន៥។ រថយន្តមួយនេះធន់នឹងការបើកបរលើផ្លូវលំបាកដូចជាថ្ម ក្រួស ខ្សាច់ ភក់ និងទឹក បានជម្រៅជិត១ម៉ែត្រ (៣៣,៥អ៊ីញ)។

SVR ស៊េរី ០១៦នេះ មានកម្លាំងម៉ាស៊ីនខ្លាំងដល់ទៅ ៥៥០សេះ បំពាក់ដោយម៉ាស៊ីន V8 ទំហំ 5.0 លីត្រ ប្រអប់លេខស្វ័យប្រវត្តិ ៨វគ្គ និងមានទម្ងន់ដល់ទៅ ២,៥តោន។ កង់មុខមានទំហំ ២៥ស.ម និងកង់ក្រោយ ២៧ស.ម ហើយតួរថយន្តមានកម្ពស់ផុតពីដី ២៣ស.ម។ ក្នុងចម្ងាយផ្លូវ១០០គ.ម Range Rover SVR ស៊ីសាំង ២០,២លីត្រ សម្រាប់ផ្លូវក្នុងទីក្រុង និង ១៤,៩លីត្រ សម្រាប់ផ្លូវឆ្ងាយ។

ចំពោះសន្ទុះល្បឿនកុងទ័ររបស់វាវិញ អាចលោតពី ០ទៅ ៦០គ.ម/ម៉ ក្នុងរយៈពេល ៤,៥វិនាទី និងមានសន្ទុះល្បឿនអតិបរមា ២៦០គ.ម/ម៉។ ចំពោះផ្នែកខាងក្រោយរបស់ SVR ស៊េរី ០១៦នេះ មានបំពង់ស៊ីម៉ាំងធំរាងមូលចំនួន ៤។ សម្ភារៈនៅកន្លែងអង្គុយខាងមុខភាគច្រើនផលិតពីសារធាតុកាបូន Fiber និងអាលុយមីញ៉ូម។ ម៉ូដែល Range Rover Sport SVR ស៊េរីឆ្នាំ២០១៦នេះ មានតម្លៃប្រហែល ១២៦ ០០០ដុល្លារ (តម្លៃនៅបរទេស)។

**សង្ខេបចំណុចសំខាន់ៗ៖

-កម្លាំងម៉ាស៊ីន៖ ៥៥០សេះ បំពាក់ដោយម៉ាស៊ីន V8 ទំហំ 5.0 លីត្រ -ប្រអប់លេខ៖ ប្រអប់លេខស្វ័យប្រវត្តិ ៨វគ្គ -ទម្ងន់៖ ២,៥តោន -ស៊ីសាំង៖ ២០,២លីត្រក្នុងចម្ងាយផ្លូវ១០០គ.ម សម្រាប់ផ្លូវក្នុងក្រុង និង១៤,៩លីត្រ សម្រាប់ផ្លូវឆ្ងាយ។ -សន្ទុះល្បឿនអតិបរមា ២៦០គ.ម/ម៉ -តម្លៃ៖ ប្រហែល ១២៦ ០០០ដុល្លារ៕