អគារទាំង១០ដែលអ្នកអាចមិនជឿថាមានពិត
- 2015-06-04 20:40:43
- ចំនួនមតិ 0 | ចំនួនចែករំលែក 0
អគារទាំង១០ដែលអ្នកអាចមិនជឿថាមានពិត
ចន្លោះមិនឃើញ
ជាធម្មតា ស្ថាបត្យករតែងច្នៃម៉ូដអគារស្អាត ប្លែកៗដើម្បីឲ្យមានភាពស្រស់ស្អាត និងទាក់ទាញ។ សម្រាប់ អគារខាងក្រោមនេះវិញ ត្រូវបានសង់ឡើងយ៉ាងចម្លែកពីគេ រហូតដល់អ្នកអាចមិនគិតថាវាជាការពិត។
១. Pallais Bulles ប្រទេសបារាំង
អគារ Pallais Bulles ត្រូវបានសង់ឡើងទល់មុខនឹងឈូងសមុទ្រCannes ដែលជាកម្មសិទ្ធរបស់Pierre Cardin។
២. Rotating Tower ឌុយបៃ អារ៉ាប់រួម
អគារ Rotating Tower នេះជាស្នាដៃរចនារបស់ David Fischer។ អគារដែលប្រែទម្រង់ហើយគ្រប់ជាន់នីមួយៗអាចមើលឃើញទេសភាពប្លែកៗពីគ្នា។
៣. អគារ Atomium ប្រទេសបែលហ្សិក
អគារ Atomium ដែលមានមូលដ្ឋានជាទម្រង់គ្រីស្តាល់ និងសង់ឡើងសម្រាប់ការបង្ហាញពិព័រណ៍នៃតំបន់អឺរ៉ុប។
៤. អគារ Dancing House សាធារណរដ្ឋឆេក
អគារនេះត្រូវបានសាងសង់ឡើងទាំងចម្រូងចម្រាស់។ ប្រធានាធិបតី Václav Havel បានរំពឹងទុកថាអគារនេះនឹងក្លាយជាមជ្ឈមណ្ឌលសម្រាប់សកម្មភាពវប្បធម៌ផ្សេងៗ។ បច្ចុប្បន្នវាមានការិយាល័យជាច្រើនរួមទាំងហាងអាហារជាច្រើននៅលើដំបូលអាគារ។
៥. អគារ Wonderworks សហរដ្ឋអាមេរិក
អគារផ្កាប់ផ្ងារមួយនេះត្រូវបានសង់ឡើងក្នុងឆ្នាំ១៩៩៨ ដែលវាមើលទៅដូចជាផ្ទះមួយដែលជួបគ្រោះធម្មជាតិអ្វីមួយ។
៦. អគារ Experience Music Project សហរដ្ឋអាមេរិក
អគារដែលជាសារមន្ទីរប្រវត្តិសាស្ត្រតន្ត្រីមួយនេះ ធ្លាប់បានកសាងឡើងដោយស្ថិតក្នុងភាពចម្រូងចម្រាស់ និងបានជាប់ជាអគារដែលរាងប្លែកបំផុតក្នុងពិភពលោក។
៧. អគារសារមន្ទីរជាតិ ប្រទេសចិន
វាមានសណ្ឋានរាងកោងដូចអេលីប ដែលមានផ្ទៃមុខកាត់១៤៩៥០០ម៉ែត្រការ៉េ។ វាត្រូវបានគេសង់ឡើងដោយប្រើកញ្ចក់កោង និងសំបករ៉ែTitanium។
៨. អគារថ្ម Stone House ប្រទេសព័រទុយហ្គាល់
ជាផ្ទះដែលសង់នៅចន្លោះដុំថ្មធំៗពីរ ដែលវាត្រូវបានគេយកសណ្ឋានពីក្នុងរឿងតុក្កតា។
៩. អគារ Kunsthaus Graz ប្រទេសអូទ្រីស
អគារនេះត្រូវបានសាងសង់ដូចផ្ទះមនុស្សភពផ្សេង ប៉ុន្តែវាគឺសម្រាប់កម្មវិធីសិល្បៈ ។
១០. អគារHouse Attack ប្រទេសអូទ្រីស
អគារHouse Attack គឺបានសង់ឡើងជារបៀបកំប្លែងដែលជាតំណាងឲ្យសិល្បៈដ៏ល្បីល្បាញ៕
ចុចអាន៖ ផ្លូវតាមចំណោតភ្នំនៅចិន គួរឲ្យខ្លាច តែគេសរសើរថាស្អាតអស់ទាស់
ដោយ៖ មាន រតនា
ប្រភព៖ storyeo