ធ្វើជ្រុះកាបូបលុយ៥ថ្ងៃ ទើបអាចរកបានមនុស្សស្មោះម្នាក់ប្រគល់ឲ្យវិញ

2015-06-04 22:52:09
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្ភារៈទំនើបៗនាពេលបច្ចុប្បន្ន បានធ្វើឲ្យមនុស្សបាត់បង់អស់ភាពស្មោះត្រង់ ប្ដូរមកវិញនូវភាពលោភលន់ចង់មានបាន ដោយមិនគិតពីអ្នកដទៃ។ ទោះយ៉ាងណា មនុស្សស្មោះត្រង់នៅតែមានជានិច្ច គ្រាន់តែពិបាករកប៉ុណ្ណោះ។ ដើម្បីបញ្ជាក់ការពិត បុរសពីរនាក់ បានរៀបចំធ្វើជាជ្រុះកាបូបលុយ និងរង់ចាំថតសកម្មភាព។

បុរសម្នាក់បានធ្វើជាជ្រុះកាបូបលុយ ចំណែកម្នាក់ទៀតជាមិត្តភ័ក្ដិនិងគ្នា រង់ចាំផ្ដិតយកសកម្មភាពដោយសំងាត់។ គោលបំណងនៃសកម្មភាពនេះ គឺដើម្បីតាមស្វែងរកមនុស្សម្នាក់ ដែលគ្មានអ្វីសោះក្នុងខ្លួន តែមានចិត្តស្មោះត្រង់។

ជនអនាថាជាច្រើន ដែលរើសបានកាបូបនោះហើយ បន្លំលាក់ទុកធ្វើជាមិនដឹង មិនប្រគល់ទៅឲ្យម្ចាស់វិញឡើយ។ ទីបំផុត អស់រយៈពេល ៥ថ្ងៃនៃការសាកល្បង ទើបមានបុរសចំណាស់ម្នាក់រើសបាន និងមានចិត្តស្មោះត្រង់ប្រគល់ឲ្យម្ចាស់ដើម។

លោកតាអនាថាម្នាក់នោះ ពុំមានអ្វីជាប់ខ្លួនឡើយ ហើយពេលប្រគល់កាបូបទៅឲ្យម្ចាស់ លោកតាបានសុំសងគុណខ្លះ ព្រោះខ្លួនគ្មានអ្វីសម្រាប់ទទួលទានឡើយ។ ដោយឃើញពីភាពស្មោះត្រង់បែបនេះ ម្ចាស់កាបូបបានរៀបរាប់ប្រាប់ពីដំណើររឿង និងប្រគល់ប្រាក់ ១០០០ដុល្លារជូនលោកតាផងដែរ...៕

ចង់ដឹងច្បាស់ សូមទស្សនាវីដេអូ៖ 