គូស្នេហ៍ផ្សងព្រេង ជិះកង់ជិត ២ម៉ឺនគីឡូម៉ែត្រពីចិនទៅអាហ្វ្រិក
- 2015-06-08 22:53:02
- ចំនួនមតិ 0 | ចំនួនចែករំលែក 0
គូស្នេហ៍ផ្សងព្រេង ជិះកង់ជិត ២ម៉ឺនគីឡូម៉ែត្រពីចិនទៅអាហ្វ្រិក
ចន្លោះមិនឃើញ
៤ខែក្រោយរៀបការរួច ប្ដីប្រពន្ធមួយគូបានធ្វើដំណើរផ្សងព្រេងតាមកង់លើចម្ងាយផ្លូវជិត ២ម៉ឺនគីឡូម៉ែត្រ។ ឆ្លងកាត់អាកាសធាតុត្រជាក់ស្ទើរកក និងរលកកម្ដៅដ៏ខ្លាំងក្លានៅតាមបណ្ដាប្រទេសទាំង១៧ ធ្វើឲ្យគូស្នេហ៍ផ្សងព្រេងនេះ ទទួលបានបទពិសោធន៍ជាច្រើនរាប់មិនអស់។
លោក Philip ដែលមានអាយុ ៣៤ឆ្នាំ និងប្រពន្ធវ័យ ៣១ឆ្នាំ Fran Johnson បានសម្រេចចិត្តបោះបង់ចោលការងារនៅទីក្រុង Perth ប្រទេសអូស្ត្រាលី រួចធ្វើដំណើរផ្សងព្រេងតាមកង់ លើចម្ងាយផ្លូវដ៏ឆ្ងាយ បន្ទាប់ពីរៀបការរួចបាន ៤ខែ។ ប្ដីប្រពន្ធនេះ បានចំណាយពេល ៣២៦ថ្ងៃ ដោយធ្វើដំណើរឆ្លងកាត់ ១៧ប្រទេស លើចម្ងាយផ្លូវជាង ១៧៧០០គីឡូម៉ែត្រ។
ដំណើរផ្សងព្រេងលើផ្លូវដ៏វែងឆ្ងាយនេះ ចាប់ផ្ដើមតាំងពីថ្ងៃទី១៥ ខែឧសភា ឆ្នាំ២០១៤ ចេញពីភាគខាងលិចប្រទេសចិន នៃទ្វីបអាស៊ី។ រយៈពេលជិត ១ឆ្នាំក្រោយមក ទើបពួកគេបានធ្វើដំណើរដល់ទីក្រុង Cape Town ប្រទេសអាហ្វ្រិកខាងត្បូង។ គូស្នេហ៍ផ្សងព្រេងទាំងពីរនាក់ បានផ្ដិតយករូបភាពពេលធ្វើដំណើរតាមប្រទេសនីមួយៗ ដែលមានប្រពៃណីវប្បធម៌ខុសៗគ្នា និងមានគម្រោងចងក្រងជាសៀវភៅផងដែរ។
ចុចអាន៖ បុរសចំណាស់ម្នាក់ជិះកង់ជុំវិញពិភពលោក ប្រើពេលអស់១៨ឆ្នាំ
ប្រែសម្រួល៖ គង់ វិសាល ប្រភព៖ dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
