Angelina Jolie ទទួលគោរមងារស្ត្រីកិត្តិយសពីម្ចាស់ក្សត្រីយ៍ Elizabeth II
- 2014-10-11 17:19:19
- ចំនួនមតិ 0 | ចំនួនចែករំលែក 0
Angelina Jolie ទទួលគោរមងារស្ត្រីកិត្តិយសពីម្ចាស់ក្សត្រីយ៍ Elizabeth II
ចន្លោះមិនឃើញ
កំពូលតារាសម្ដែងហូលីវូដ Angelina Jolie ត្រូវបានផ្ដល់កិត្តិយសឲ្យចូលគាល់ម្ចាស់ក្សត្រី Elizabeth II ក្នុងព្រះរាជវាំង Buckingham អង់គ្លេស កាលពីថ្ងៃសុក្រ ទី១០ ខែតុលា ម្សិលមិញនេះ ដើម្បីទទួលគោរមងារស្ត្រីកិត្តិយសជាផ្លូវការ។
តារាសម្ដែងវ័យ ៣៩ឆ្នាំ ដែលតែងតែសកម្មក្នុងសកម្មភាពមនុស្សធម៌រូបនេះ បានទទួលគ្រឿងឥស្សរិយយស និងគោរមងារជាស្ត្រីកិត្តិយស "Honorary Dame Grand Cross" ដែលជាងារដ៏ខ្ពង់ខ្ពស់សម្រាប់អ្នកដែលមានស្នាដៃ។ បើតាមគេហទំព័រ US Weekly ក្រុមគ្រួសាររបស់នាង រួមមានស្វាមី Brad Pitt និងកូនៗទាំង ៦នាក់ របស់នាងក៏បានចូលរួមក្នុងពិធីនេះដែរ។
Jolie បានទទួលងារនេះពីម្ចាស់ក្សត្រីអង់គ្លេស កាលពីខែមិថុនា សម្រាប់ការទទួលស្គាល់នូវស្នាដៃមនុស្សធម៌ជាច្រើនរបស់នាង ដូចជាការចូលរួមលុបបំបាត់អំពើហិង្សាផ្លូវភេទលើស្ត្រីនៅពេលសង្គ្រាម និងសកម្មភាពផ្សេងៗទៀតជាមួយអង្គការសហប្រជាជាតិ ៕
អានអត្ថបទ៖ មកមើលប្រវត្តិក្រុម One Direction មុនការសម្ដែងពួកគេមកដល់កម្ពុជា
ប្រែសម្រួល៖ វ៉ាន់ថន ប្រភព៖ usmagazine© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
