កុំកុំ របួសច្រមុះក្នុងឈុតកាប់ដាវ

2015-06-11 13:50:07
ចំនួនមតិ 0 | ចំនួនចែករំលែក 0

ចន្លោះមិនឃើញ

កុំកុំ ថ្មីៗនេះបានរងរបួសច្រមុះ ខណៈពេលសម្ដែងឈុតប្រយុទ្ធកាប់ដាវ ជាមួយតារាសម្ដែង Max Zhang។ ប្រភពឱ្យដឹងថា មុនសម្ដែងយកផ្លូវការ អ្នកទាំងពីរបានហាត់លេងឈុតដាវ សំណាងអាក្រក់ដាវរបស់ Max ក៏ខ្ទាតត្រូវខ្ទង់ច្រមុះកុំកុំហូរឈាមរហាម ដែលធ្វើឱ្យក្រុមការងារ ព្រួយបារម្ភជាខ្លាំង។

Max និយាយថា៖ «ឈុតដាវមានសភាពលឿន តែមួយវិនាទីប៉ុណ្ណោះ កាំបិតរបស់ខ្ញុំក៏ត្រូវច្រមុះគាត់។ ខ្ញុំសោកស្ដាយ និងមានអារម្មណ៍ថាធ្វើខុស ប៉ុន្តែខ្ញុំពិតជាសរសើរគាត់ណាស់។ គាត់សើចពេលរបួស...គាត់ពិតជាតារាសម្ដែងជំនាញម្នាក់មែន»។

ទោះបីរបួសយ៉ាងណា កុំកុំបានឆ្លើយតមដោយស្នាមញញឹម និងនិយាយថា វាជាលទ្ធផលរបស់អ្នកបរាជ័យ។ គ្រោះថ្នាក់តែងកើតមាននៅពេលថតភាពយន្ត ហើយលោកបារម្ភថារបួសនេះ អាចនឹងប៉ះពាល់ដល់ឈុតមុនៗ។

គួររំលឹកថា ក្នុងការថតភាពយន្ត “Ip Man 3" កន្លងមក កុំកុំក៏របួសម្រាមដៃផងដែរ ពេលសម្ដែងឈុតវាយប្រហារជាមួយ អតីតកីឡាករប្រដាល់ Mike Tyson ហើយ Tyson ក៏រងរបួសបាក់ម្រាមដៃដែរ ពេលថតជាមួយតារាក្បាច់គុន ពូកែក្បាច់ចំបាប់រូបនេះ៕