Ronaldo ជាកីឡាករដែលប្រជាជនលើពិភពលោកស្គាល់ច្រើនជាងគេ

2015-06-12 16:27:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo ជាកីឡាករអឺរ៉ុប ដែលមានគេស្គាល់ច្រើនជាងគេបំផុតនៅលើលោកនេះ ពោលគឺ៨០ភាគរយនៃប្រជាជនទាំងអស់ ស្គាល់ឈ្មោះខ្សែប្រយុទ្ធម្នាក់នេះ។ នេះបើតាមការសិក្សាស្រាវជ្រាវរបស់ Repucom Sports ដែលបង្ហាញកាលពីម្សិលមិញ។

ប្រភពខាងលើបានបង្ហាញរបាយការណ៍របស់ខ្លួនដែលសិក្សាចំពោះប្រជាប្រិយភាពកីឡាករដើមកំណើតនៅអឺរ៉ុបថា Ronaldo ឈរនៅចំណាត់ថ្នាក់លេខមួយដែលមានគេស្គាល់ច្រើនជាងគេ ពោលគឺ៨៣% នៃប្រជាជនលើលោកស្គាល់ឈ្មោះខ្សែប្រយុទ្ធក្រុម Real Madrid មួយនេះ។ បើគិតពីចំនួនបុរស និងនារីវិញ មានបុរស៨៥% និងនារី៨០% នៅលើលោកឮឈ្មោះ Ronaldo ។

ដោយសារតែប្រជាប្រិយភាពខ្លាំងបែបនេះហើយ ទើបអតីតកីឡាករ Manchester United រូបនេះទទួលបានប្រាក់ពីការថតផ្សាយពាណិជ្ជកម្មផ្សេងៗ ចាប់ពី ៣០លានអឺរ៉ូ ដល់៣៥លានអឺរ៉ូឯណោះក្នុងមួយឆ្នាំ។ ចំពោះអ្នកឈរនៅលេខ២វិញគឺកីឡាករអង់គ្លេស Wayne Rooney របស់បិសាចក្រហម ទទួល៥៤% និងអ្នកលេខ៣បានទៅលើ Andres Iniesta បានសំឡេងគាំទ្រ៤៨%។

បើគិតពីប្រជាប្រិយភាពកីឡាករទាំងអស់លើលោកវិញ Lionel Messi ដែលជាម្ចាស់ពានរង្វាន់ Ballon d'Or ៤សម័យក៏មិនអាចនៅលើប្រធានក្រុមជម្រើសជាតិព័រទុយហ្គាល់ដែរ ពោលគឺមានប្រជាជនតែ៧៤%តែប៉ុណ្ណោះដែលស្គាល់ឈ្មោះ Messi ។ នេះមានន័យថា Cr7 លេខ១ រីឯ Messi បានលេខ២ ជាកីឡាករមានគេស្គាល់ច្រើនជាងគេនៅលើលោកនេះ៕

ចុចអាន“One Touch, One Goal” ធ្វើឱ្យ Ronaldo ថ្មីរហូតមិនចេះចាស់

ប្រែសម្រួល៖ មុន្នី រម្យ ប្រភព៖ supersport