អ្នក​ជំនាញ​ផ្នែក​ឧស្សាហកម្ម​កម្សាន្ត​របស់​កូរ៉េ​​បាន​ធ្វើ​ការ​​​​បោះឆ្នោត​ដើម្បី​ជ្រើសរើស​អ្នក​ដែល​មាន​ឥទ្ធិពល​ខ្លាំង​លើ​​​​ឧស្សាហកម្ម​កម្សាន្ត​របស់​កូរ៉េ​ចំនួន​១០​រូប។

​​​លេខ​មួយ​បាន​ទៅលើ​លោក​​ Lee Soo Man ​ដែល​ជា​ស្ថាបនិក​​ ​និង​​ ​​​​ផលិតករ​ក្នុង​ផលិតកម្ម​ SM​​ ដោយ​ទទួល​បាន​សំឡេង​គាំទ្រ​ចំនួន​៦៧៨ពិន្ទុ។​ ឯ​លោក Yang Hyun Suk ជា​នាយក​​​ប្រតិបត្តិ​នៃ​​ផលិតកម្ម​​ YG​​ ​​​​ជាប់​ចំណាត់​ថ្នាក់​លេខ​ពីរ​ដោយ​មាន​ចំនួន​សំឡេង​៦៧២ពិន្ទុ។ លេខ​បី​បាន​ទៅ​ផលិតករ ​Na Young Suk មាន​ពិន្ទុ​ ៥៧១​​ គេ​ស្គាល់​បុរស​នេះ​​​តាមរយៈ​កម្មវិធី​ល្បី​ៗ​របស់​គាត់​ចំនួន​ពីរ​គឺ​ “Three Meals a Day” ​និង​ “Gramps Over Flowers”។

តារា​សម្ដែង Kim Soo Hyun

ដោយ​ឡែក​តារា​សម្ដែង​ Kim Soo Hyun ​ឈរ​នៅ​ចំណាត់​ថ្នាក់​លេខ​បួន​ដោយ​មាន​២៨៦​ពិន្ទុ​ហើយ​គាត់​ជា​តារា​សម្ដែង​តែ​ម្នាក់​គត់​ដែល​មាន​ឈ្មោះ​ក្នុង​ចំណោម​អ្នក​មាន​ឥទ្ធិពល​ទាំង​១០។​ លេខ​ប្រាំ​បាន​ទៅ​ផលិតករ ​Kim Tae Ho​ ជា​អ្នក​ផលិត​កម្មវិធី​កម្សាន្ត​ “Infinity Challenge"។​ អនុប្រធាន​នៃ​ក្រុមហ៊ុន​ផលិត​ CJ Group ​អ្នកស្រី ​Lee Mi Kyung ​ឈរ​នៅ​លេខ​ប្រាំមួយ​។

Yang Hyun Suk នាយក​​​ប្រតិបត្តិ​នៃ​​ផលិតកម្ម​​​ YG

លោក​ Kim Woo Taek ​​ប្រធាន​ក្រុមហ៊ុន​ផលិត​ខ្សែ​ភាពយន្ត​ NEW ជាប់​លេខ​ប្រាំពីរ។​ ឯ​លេខ​ប្រាំបី​បាន​ទៅ​លោក Kim Sung Soo ​ប្រធាន​ក្រុមហ៊ុន​​ ​​CJ E&M។​ លោក​ Yoo Jae Suk​ ជា​តារា​កំប្លែង​ដែល​មាន​ប្រជាប្រិយភាព​ខ្ពស់​ឈរ​នៅ​លំដាប់​ទី​ប្រាំបួន​មាន​១៧៣​ពិន្ទុ។​ ចុង​ក្រោយ​បាន​ទៅ​អ្នក​ស្រី​ Park Ji Eun​ ​​​​ជា​អ្នក​សរសេរ​រឿង។ ​

អ្នក​ដែល​អាច​មាន​ឈ្មោះ​សម្រាប់​ការ​បោះ​ឆ្នោត​ត្រូវ​មាន​តួនាទី​ជា​ផលិតករ ​ប្រធាន​ក្រុមហ៊ុន​កម្សាន្ត​​​ និង​​​​ ​​ផលិតកម្ម ​តារា​ចម្រៀង​​​ ​តារា​​​សម្ដែង​​ និង​អ្នក​និពន្ធ៕

អាន៖ ឃើញ​​ផ្ទាល់​​ភ្នែក​​អីចឹង​​ បាន​ដឹង​​ជីវិត​តារា ​​KPOP ​មិន​សូវ​ល្បី​​វេទនា​យ៉ាងណា​

ប្រែ​សម្រួល៖​ ហេង សុធារិទ្ធិ ប្រភព៖​ soompi​​​​​​​​​​​​​​​