NASA បង្ហាញផែនទីអាកាសធាតុឆ្នាំ២១០០ ដែលតំបន់ជាច្រើនអាចកើនកម្ដៅដល់ ៤៥អង្សា
- 2015-06-16 17:35:16
- ចំនួនមតិ 0 | ចំនួនចែករំលែក 0
NASA បង្ហាញផែនទីអាកាសធាតុឆ្នាំ២១០០ ដែលតំបន់ជាច្រើនអាចកើនកម្ដៅដល់ ៤៥អង្សា
ចន្លោះមិនឃើញ
សីតុណ្ហភាពបច្ចុប្បន្នកំពុងហក់ឡើងខ្ពស់ខុសពីធម្មតា ដែលធ្វើឲ្យមនុស្សជាច្រើនពិបាករស់នៅយ៉ាងខ្លាំង។ ប្រទេសឥណ្ឌាដែលរងការវាយប្រហារខ្លាំងបំផុតឆ្នាំនេះ បានបាត់បង់អាយុជីវិតប្រជាជនអស់ជាង ២៥០០នាក់ ក្រោយកើនកម្ដៅដល់ជិត ៥០អង្សានៅតំបន់ខ្លះ ចំណែកនៅកម្ពុជាកម្ដៅបានកើនឡើងដល់ជិត ៤០អង្សា។ ទោះយ៉ាងណា អង្គការ NASA របស់សហរដ្ឋអាមេរិក បានបង្ហាញផែនទីបម្រែបម្រួលអាកាសធាតុក្នុងឆ្នាំ២១០០ ខាងមុខ ដែលកម្ដៅនៅតំបន់ជាច្រើននឹងកើនឡើងដល់ ៤៥អង្សា។
ផែនទីបង្ហាញពីអាកាសធាតុឆ្នាំ២១០០
ទិន្នន័យថ្មី ដែលផ្សាយដោយអង្គការ NASA បានលាតត្រដាងពីកម្រិតទឹកភ្លៀង ព្រមទាំងកម្ដៅ ដែលនឹងផ្លាស់ប្ដូរក្នុងឆ្នាំ២១០០។ អ្វីដែលគួរឲ្យចាប់អារម្មណ៍នោះ គឺពិភពលោកទាំងមូល នឹងបិទទំព័រសតវត្សទី២១ ដោយកម្ដៅខ្លាំងបំផុតខ្ពស់ជាងពេលបច្ចុប្បន្ន។
ទិន្នន័យដែលទស្សន៍ទាយទុកជាមុននេះ ផ្អែកទៅលើកំណើននៃកម្រិតកាបូនឌីអុកស៊ីត ដែលអាចផ្លាស់ប្ដូរអាកាសធាតុនៅលើពិភពលោក។ នៅឆ្នាំ២១០០ កម្រិតកាបូនឌីអុកស៊ីតក្នុងបរិយាកាស នឹងកើនឡើងខ្ពស់គួរឲ្យកត់សម្គាល់ ដែលជាមូលហេតុនៃកំណើនសីតុណ្ហភាពខ្ពស់ខុសពីធម្មតា។
[twentytwenty]
[/twentytwenty]
ផែនទីបង្ហាញពីការផ្លាស់ប្ដូរអាកាសធាតុឆ្នាំ២០១០ និងឆ្នាំ២១០០
ប្រសិនកម្រិតកាបូនឌីអុកស៊ីតក្នុងបរិយាកាសកើនឡើងពីរដង តំបន់ជាច្រើនក្នុងទ្វីបអាហ្វ្រិក អាមេរិកឡាទីន និងឥណ្ឌា អាចមានសីតុណ្ហភាពខ្ពស់បំផុតជាមធ្យមលើសពី ៤៥អង្សា។ ក្រៅពីនេះ តំបន់មួយចំនួនទៀត ដែលធ្លាប់មានអាកាសធាតុត្រជាក់ ក៏អាចកើនកម្ដៅខុសពីធម្មតាដែរ៕
ចុចអាន៖ គ្រួសារអ្នកស្លាប់ដោយរលកកម្ដៅនៅឥណ្ឌាទារសំណងជាង ១៦០០ដុល្លារ
ប្រែសម្រួល៖ គង់ វិសាល ប្រភព៖ dailymai
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
