នាយ គ្រឿន រំលឹកពីចំណូលកាលរដូវប្រាំង ចង់ដឹងថា រកបានប៉ុន្មានអត់?

2015-06-16 17:48:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែង នាយ គ្រឿន បានឱ្យដឹងថា រូបគេអាចរកចំណូលបានជិត ១ ម៉ឺនដុល្លារ នៅរដូវប្រាំង ដែលចំណូលទាំងនោះបានពីកំប្លែង និង កាត់សក់តាមរោងការ ជាដើម។

“បើខែវស្សាអញ្ចឹងគ្មានអីរកទេ ស៊ីអំបិលហើយ។ ប៉ុន្តែចូលដល់ខែប្រាំងមុនចូលឆ្នាំ ឬចូលឆ្នាំហើយ យើងអាចរកបាន ៧.០០០ ដុល្លារ ឬ៨.០០០ ដុល្លារប៉ុណ្ណឹង!"។ នាយ គ្រឿន បញ្ជាក់មកកាន់ Sabay ថ្មីៗនេះ។

តារាកំប្លែងរូបនេះបញ្ជាក់ថា ចាប់ពីខែ តុលា តទៅរហូតដល់ខែចុងខែ ឧសភា ជារដូវកាក់កបសម្រាប់រូបគេ ដែលអាចចំណូលបានច្រើនពីការងារសិល្បៈ។ នាយបញ្ជាក់ថា ដោយសារតែចំណូលស្រុកខ្មែររកបានជិតម៉ឺនដុល្លារដែរ ទើបសម្រេចចិត្តបដិសេធ សំណើទៅសម្ដែងនៅប្រទេសបារាំង និង អាមេរិកនាពេលកន្លងមករបស់ ស្ប៉ន់ស័រ មួយចំនួន ដោយសុខចិត្តនៅថតស្រុកខ្មែរវិញ។

នាយ គ្រឿន បន្តថា៖" គេគិតថា ទៅក្រៅរកបានច្រើន តែសម្រាប់ខ្ញុំមិនលើសគ្នាប៉ុន្មានទេ។ ទៅស្រុកគេ ដូចទៅសុំគេហ្នឹង ខ្ញុំពិបាកអាសម្ដែងសុំលុយគេ ដូចខ្ជិល"។

តារាកំប្លែងរូបនេះឱ្យដឹងទៀតថា សម្រាប់រដូវវស្សានេះ រូបនាយបានចូលរួមថតចំនួន២រឿងក្នុងតម្លៃខ្លួន ៤. ០០០ ដុល្លារដូចគ្នា ខណៈការងារតាមកម្មវិធីទូរទស្សន៍មានជាប្រចាំផងដែរ។ នាយ គ្រឿន បង្ហើបថា កំពុងរៀបចំទិញផ្ទះក្នុងឆ្នាំនេះ សម្រាប់ប្រពន្ធកូនរស់នៅសមរម្យដូចតារាផ្សេងទៀតដែរ ខណៈសព្វថ្ងៃរស់នៅអាស្រ័យនាយ ពែកមី ជាបងប្រុស។ ប៉ុន្តែនាយថា នៅមិនទាន់មានលុយគ្រប់នៅឡើយទេ៕

អានអត្ថបទ៖ “ដេកជាមួយខ្ញុំអត់ ១០០០ដុល្លារ?” ធ្វើឲ្យ អេន យ៉ាដាវ ផ្ទុះកំហឹង

អានអត្ថបទ៖ គង់ ចាន់ស្រីមុំ ចង់បានកូន២ តែ គឹម សីហា ចង់បានដល់ ៤