មិនធម្មតា! តម្លៃខ្លួនថតពាណិជ្ជកម្មរបស់ Selena Gomez

2015-06-16 19:02:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ តារាចម្រៀង និងសម្ដែងអាមេរិក Selena Gomez បានក្លាយជាតារាផ្សព្វផ្សាយផលិតផលសាប៊ូកក់សក់ Pantene ដែលសម្រាប់តំណែងនេះ តារាវ័យ ២២ឆ្នាំរូបនេះអាចទទួលបានតម្លៃខ្លួនចំនួន ៣លានដុល្លារ។ នេះបើតាមសម្ដីប្រភពផ្ទៃក្នុងមួយបានប្រាប់សារព័ត៌មាន E! News។

កាលពីម្សិលមិញ តារាចម្រៀងម្ចាស់បទ "Who Says?” បានបង្ហោះរូបភាពបង្ហាញថានាងបានក្លាយជាតារាម៉ូដែលសម្រាប់ផលិតផលថែរក្សាសក់មួយនេះហើយ ដោយបានសរសេរថា "ខ្ញុំពិតជាសប្បាយរីករាយណាស់សម្រាប់ការសហការជាមួយផលិតផល Pantene! #SelenaxPantene #strongisbeautiful @pantenehair."។

“ខ្ញុំតែងតែចូលចិត្តប្រើផលិតផល Pantene ដូច្នេះសុបិនខ្ញុំបានក្លាយជាការពិតហើយ ដែលបានក្លាយជា Brand Ambassador ផលិតផលនេះ។ ខ្ញុំប្រើ Pantene មិនត្រឹមតែដោយសារវាជួយឲ្យសក់រឹងមាំ និងមានសុខភាពល្អនោះទេ ប៉ុន្តែផលិតផលនេះបានលើកទឹកចិត្តឲ្យស្ត្រីកាន់តែមានជំនឿលើខ្លួនឯង"។ Gomez បាននិយាយថែមទៀតក្នុងសេចក្ដីប្រកាសព័ត៌មានរបស់ Pantene។

ក្រៅពីការថតផ្សាយពាណិជ្ជកម្ម ថ្មីៗនេះដែរ Selena Gomez កំពុងមមាញឹកក្នុងការថតភាពយន្តថ្មីៗមួយចំនួន ដូចជារឿង "In Dubious Battle” និង "The Big Short” ៕