ប្រេស៊ីលចាញ់កូឡុំប៊ី ស្របពេល Neymar និង Bacca វាយគ្នារហូតបានកាតក្រហម

2015-06-18 16:48:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិប្រេស៊ីលចាញ់ក្រុមជម្រើសជាតិកូឡុំប៊ីដោយលទ្ធផល ១-០ ក្នុងការប្រកួតវគ្គជម្រុះតាមពូលពានរង្វាន់ Copa America ខណៈដែលក្នុងប្រកួតនោះក៏មានការប៉ះពារគ្នារហូតដល់ទទួលបានកាតក្រហមផងដែរ គឺខ្សែប្រយុទ្ធ Neymar និងខ្សែប្រយុទ្ធ Carlos Bacca ។

សង្គ្រាមលើវាលស្មៅនៅអាមេរិកខាងត្បូងរវាងក្រុមប្រេស៊ីល និងកូឡុំប៊ី ពិតជាស្វិតស្វាញមែនទែន ព្រោះថាកីឡាករក្រុមទាំងសងខាងសុទ្ធសឹងតែ ជា Super Star នៅក្លិបល្បីៗនៅអឺរ៉ុប។ ទោះជាយ៉ាងនេះក្ដី កូឡុំប៊ីបានបំបែកកំពែងប្រេស៊ីលចូលលួចពងមាន់បានតាំងពីនាទី៣៦ ដោយកីឡាករ Murillo ស៊ុតមួយជើងចូលយ៉ាងស្អាត។

បន្ទាប់ពីកូឡុំប៊ីនាំមុខ១គ្រាប់នោះមក សាំបាប្រេស៊ីលបានបើកការវាយប្រហារមិនសំចៃជើង ប៉ុន្តែមិនមានសំណាងឆ្លងផុតខ្សែការពារ និងដៃរបស់អ្នកចាំទីបានឡើយ ពោលគឺរហូតទាល់តែចប់ការប្រកួត លទ្ធផលនៅតែកូឡុំប៊ីឈ្នះ១-០ដដែល។

តែអ្វីដែលគួរឱ្យកត់សម្គាល់នោះ គឺនៅជិតចប់ការប្រកួតទៅហើយនាទី៩០+៦ មានការប៉ះទង្គិចគ្នាកើតឡើងរវាងកីឡាករ Neymar និង Carlos Bacca ពោលគឺពួកគេទាំងពីរនាក់ឈ្លោះប្រកែកគ្នា រហូតអាជ្ញាកណ្ដាលបានសម្រេចចិត្តបំបែកពួកគេដោយឱ្យកាតក្រហមបណ្ដេញចេញម្នាក់មួយផងដែរ៕