Kaka, Gerrard, Lampard នរណាមានចំណូលច្រើនជាងគេនៅ MLS?

2015-06-22 21:51:22
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាឆ្នើមជម្រើសជាតិអង់គ្លេស Steven Gerrard បានចុះកិច្ចសន្យាជាមួយក្លិប LA Galaxy ក្នុងតម្លៃ ៦,២លានដុល្លារ ខណៈដែល Frank Lampard បានទទួលបាន ៦លានដុល្លារ ពីក្លិប New York City ក្នុងរយៈពេល១ឆ្នាំ ប៉ុន្តែអតីតវីរបុរសនៅ English Premier League ទាំង២រូបនេះ ពុំមែនជាកីឡាករទទួលបានចំណូលច្រើនជាងគេបំផុតទេ។ នេះបើតាមការបង្ហាញជាផ្លូវការរបស់បញ្ជី Major League Soccer។

Frank Lampard របស់ក្លិប New York City

Steven Gerrard នឹងលេងឲ្យក្រុម LA Galaxy

កីឡាករ ដែលមានចំណូលច្រើនជាងគេបំផុតនៅលីកកំពូលបាល់ទាត់អាមេរិក MLS គឺតារាឆ្នើមប្រេស៊ីល Ricardo Kaka របស់ក្លិប Orlando City ដែលទទួលបានថ្លៃឈ្នួល ៧,១៦លានដុល្លារ រយៈពេល១ឆ្នាំ។

អ្វីដែលរឹតតែភ្ញាក់ផ្អើលទៀតនោះ គឺតារាជម្រើសជាតិអាមេរិក Clint Dempsey ដែលជាអតីតកីឡាករក្រុម Fulham, Tottenham ដែលបច្ចុប្បន្នលេងឲ្យក្រុម Seattle Sounders និងកីឡាករ Michael Bradley របស់ក្រុម Toronto FC មានចំណូលច្រើនជាង Gerrard និង Lampard ទៅទៀត ដោយទទួលបានថ្លៃឈ្នួល ៦,៧លានដុល្លារ និង ៦,៥លានដុល្លារ ក្នុង១ឆ្នាំ។

យ៉ាងណាក្ដី អតីតប្រធានក្រុម Liverpool (Gerrard) និងអតីតវីរបុរសក្រុម Chelsea (Lampard) នឹងទទួលបានលុយលើកទឹកចិត្ត (bonuses) មួយចំនួនទៀត បើពួកគេអាចជួយឲ្យក្រុមរបស់ខ្លួនលើកពាន MLS Cup, CONCACAF Champions League ឬ FIFA Club World Cup៕