កីឡាករ Jara ដែលចាក់គូទ Cavani ត្រូវពិន័យរហូតចប់ Copa America
- 2015-06-26 15:50:06
- ចំនួនមតិ 0 | ចំនួនចែករំលែក 0
កីឡាករ Jara ដែលចាក់គូទ Cavani ត្រូវពិន័យរហូតចប់ Copa America
ចន្លោះមិនឃើញ
ខ្សែការពារ Gonzalo Jara ដែលបានចាក់គូទខ្សែប្រយុទ្ធ Edinson Cavani កាលពីម្សិលមិញនោះ ត្រូវបានសហព័ន្ធកីឡាបាល់ទាត់អាមេរិកខាងត្បូងពិន័យមិនឱ្យចូលប្រកួតរហូតដល់ចប់ព្រឹត្តិការណ៍ Copa America នេះតែម្ដង។
ក្នុងការប្រកួតដែលម្ចាស់ផ្ទះឈីលីបានយកឈ្នះក្រុមអ៊ុយរុយហ្គាយ ១-០ ម្សិលមិញនេះ កីឡាករ Cavani បានទទួលកាតក្រហមបណ្ដេញចេញបន្ទាប់ពីយកដៃទៅវាសចំមុខរបស់ខ្សែការពារ Jara របស់ឈីលី។ តែជាក់ស្ដែងទៅចំពោះរឿងនេះ មិនមែនជាកំហុសរបស់ខ្សែប្រយុទ្ធក្រុមអ៊ុយរុយហ្គាយឡើយ ពោលគឺ Jara ទេ ដែលបង្កកំហុសមុនដោយយកដៃទៅចាក់គូទគេ។
បន្ទាប់ពីដឹងរឿងខាងលើនេះ សហព័ន្ធបាល់ទាត់នៅអាមេរិកខាងត្បូងបានសម្រេចពិន័យខ្សែការពារ Gonzalo Jara មិនឱ្យជួយក្រុមជម្រើសជាតិរហូតទាល់តែចប់ព្រឹត្តិការណ៍ Copa America តែម្ដង ព្រោះថាអាជ្ញាកណ្ដាលក៏បានទទួលស្គាល់ដែរថានេះជាកំហុសរបស់លោកដែលមិនបានមើលឃើញចំពោះរឿងនេះ៕
នេះជាវីដេអូភស្តុតាង Jara ចាក់គូទ Cavani ៖
ចុចអាន៖Copa America៖ ឈីលីឡើងវគ្គពាក់កណ្ដាលផ្ដាច់ព្រ័ត្រមុនគេ ក្រោយឈ្នះអ៊ុយរុយហ្គាយ
ប្រែសម្រួល៖ មុន្នី រម្យ ប្រភព៖ dailymail