ទាហានចិនប្រមូលមេដាយមាសទាំងអស់ពីការប្រកួតបាញ់ស៊ីបពិភពលោក
- 2015-06-26 16:53:02
- ចំនួនមតិ 0 | ចំនួនចែករំលែក 0
ទាហានចិនប្រមូលមេដាយមាសទាំងអស់ពីការប្រកួតបាញ់ស៊ីបពិភពលោក
ចន្លោះមិនឃើញ
ប្រទេសចិនមានប្រជាជនជាង ១ពាន់លាន ដែលអាចចម្រាញ់យកអ្នកមានសមត្ថភាពរាប់មិនអស់ ជាពិសេសគឺកម្លាំងទាហាន។ កាលពីថ្ងៃអង្គារកន្លងទៅ ទាហានចិនមួយក្រុមបានទៅចូលរួមការប្រកួតបាញ់ស៊ីបពិភពលោកលើកទី១៤ នៅប្រទេសហុងគ្រី និងប្រមូលយកមេដាយមាសទាំងអស់ មកប្រទេសកំណើតវិញ។
ការប្រកួតបាញ់ស៊ីបពិភពលោកលើកទី១៤ បានប្រារព្ធធ្វើឡើងកាលពីថ្ងៃអង្គារ នៅរដ្ឋធានីប៊ូដាប៉េស ប្រទេសហុងគ្រី។ បេក្ខជនដែលអញ្ជើញឲ្យចូលរួមកម្មវិធីប្រកួតបីថ្ងៃ មានសរុប ១៣០នាក់ មកពី ១៦ប្រទេស ទូទាំងពិភពលោក។
ប្រទេសចិន បានបញ្ជូនបេក្ខជន ២០រូប ដែលសុទ្ធតែជាអ្នកជំនាញបាញ់ស៊ីប ឲ្យទៅចូលរួមកម្មវិធីកម្រិតពិភពលោកនេះ។ អ្វីដែលគួរឲ្យចាប់អារម្មណ៍ មេដាយមាសក្នុងវិញ្ញាសារ៥ ខុសៗគ្នា ត្រូវទាហានចិន ប្រមូលយកទាំងអស់។ ក្រៅពីនេះ ប្រទេសចិនបានដណ្ដើមយកមេដាយប្រាក់៥ ព្រមទាំងមេដាយសំរឹទ្ធមួយផ្សេងទៀត៕
ចុចអាន៖ ទាហានចិនប្រឹងប្រែងហាត់ បើទោះអាកាសធាតុត្រជាក់ដល់កក
ចុចអាន៖ ទាហានប្រុសស្រស់សង្ហាជាងគេលើលោក
ប្រែសម្រួល៖ គង់ វិសាល ប្រភព៖ CCTV
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
