រឿងលុយ ១៥០ ដុល្លារ សុវណ្ណ រ៉ាផា ដាក់ពាក្យប្ដឹង សារ៉ា!
- 2015-06-27 16:26:42
- ចំនួនមតិ 0 | ចំនួនចែករំលែក 0
រឿងលុយ ១៥០ ដុល្លារ សុវណ្ណ រ៉ាផា ដាក់ពាក្យប្ដឹង សារ៉ា!
ចន្លោះមិនឃើញ
សុវណ្ណ រ៉ាផា បានដាក់ពាក្យប្ដឹង សារ៉ា ប្រធានក្រុមបង្ហាញម៉ូដ Top Model កាលពីម្សិលមិញនេះ ពីបទរំលោភលើសេចក្ដីទុកចិត្ត និងបរិហារបង្កាច់កេរ្តិ៍ តាំងពីថ្ងៃទី១១ ខែមេសា ឆ្នាំ ២០១៥ កន្លងទៅ។
តារាសម្ដែង និងបង្ហាញម៉ូដវ័យ១៧ឆ្នាំរូបនេះប្រាប់ Sabay ថា ការសម្រេចចិត្តដាក់ពាក្យបណ្ដឹងទៅកាន់ស្នងការនគរបាលរាជធានីភ្នំពេញកាលពីម្សិលមិញ ក៏ព្រោះតែរង់ចាំការដោះស្រាយក្រៅប្រព័ន្ធច្បាប់នាពេលកន្លងមកមិនបានផល។ សុវណ្ណ រ៉ាផា និយាយថា៖ "មិនមែនទេ! និយាយរួម ខ្ញុំចង់សម្រួល ចង់និយាយគ្នាធម្មតា ប៉ុន្តែគាត់នៅតែមិនព្រមសង់ គាត់នៅតែពន្យាររហូត"។
តារារូបនេះបន្តថា នាងមិនចង់ឱ្យរឿងនេះក្លាយទៅជាធំនោះទេ ប៉ុន្តែកន្លងមកប្រធានក្រុមបង្ហាញម៉ូដខាងលើមិនព្រមដោះស្រាយ និងមិនដែលផ្ដល់ចម្លើយនោះទេ។ តារារូបនេះបញ្ជាក់ថា នាងដាក់ពាក្យបណ្ដឹងទៅកាន់ស្នងការរាជធានីភ្នំពេញ រង់ចាំការចេញមុខដោះស្រាយរបស់ប្រធានក្រុមបង្ហាញម៉ូដ Top Model ដើម្បីបញ្ចប់រឿង។
សុវណ្ណ រ៉ាផា បញ្ជាក់ថា៖ “ដាក់ពាក្យបណ្ដឹងហ្នឹងរង់ចាំខាងគាត់ផ្ដល់ចម្លើយមកវិញ បើគាត់ចង់បញ្ចប់ត្រឹមហ្នឹងក៏បាន ឬក៏ចង់បន្តទៀតក៏បាន ស្រេចលើគាត់"។ នាងបន្តថា រឿងរ៉ាវនេះធ្វើឱ្យប៉ះពាល់ដល់ការងារសិល្បៈរបស់នាង៕
អានអត្ថបទ៖ ត្រួសៗ ពីតារាកូនខ្មែរ ៦ រូប មានសញ្ជាតិបរទេស
អានអត្ថបទ៖ ៤ ឈុតពី ព្រីម លីហ្សា សក្ដិសមគ្រប់កម្មវិធី
អត្ថបទ៖ សំ ជំនាញ