សួនកម្សាន្ត Disneyland នៅចិន ហាមមិនឲ្យប្រើដង selfie
- 2015-06-29 15:52:52
- ចំនួនមតិ 0 | ចំនួនចែករំលែក 0
សួនកម្សាន្ត Disneyland នៅចិន ហាមមិនឲ្យប្រើដង selfie
ចន្លោះមិនឃើញ
សួនកម្សាន្ត Disneyland នៅក្នុងទីក្រុងហុងកុង និងសៀងហៃ ប្រទេសចិន នឹងពុំអនុញ្ញាតឲ្យភ្ញៀវយកដង Selfie ចូលក្នុងបរិវេណសួនទៀតទេ។ នេះបើតាមសេចក្ដីប្រកាសរបស់ក្រុមហ៊ុន Disneyland កាលពីថ្ងៃសៅរ៍។
ដង Selfie នឹងត្រូវហាមឃាត់មិនឲ្យយកចូលក្នុងសួនកម្សាន្ត Disneyland ហុងកុង ចាប់ផ្ដើមពីថ្ងៃទី១ ខែកក្កដាតទៅ ចំណែកឯនៅទីក្រុងសៀងហៃ ក៏នឹងហាមឃាត់ដែរ ពេលបើកនៅឆ្នាំក្រោយ។ ក្រៅពីនេះ សួនកម្សាន្ត Walt Disney World រដ្ឋ Florida និងសួន Disneyland ក្នុងរដ្ឋកាលីហ្វ័រញា នឹងចាប់ផ្ដើមហាមមិនឲ្យយកដង selfie ចូលចាប់ពីថ្ងៃ២៩ ខែមិថុនានេះផងដែរ។ សារព័ត៌មាន Inquisitr បានឲ្យដឹងថាការហាមឃាត់នេះគឺធ្វើឡើងបន្ទាប់ពីមានអ្នកដែលប្រើដង selfie ក្នុងបរិវេណសួនកម្សាន្តខ្លះបានបង្កឲ្យ Roller Coasters គាំងខូច ឬអាចប៉ះពាល់ដល់សុវត្ថិភាពភ្ញៀវ។
ដោយឡែកកាលពីខែមិនាកន្លងទៅ ប្រទេសចិនក៏បានហាមឃាត់ការយកដង selfie ចូលក្នុងសារមន្ទីរផងដែរ ដោយបង្ការការធ្វើឲ្យខូចខាតទ្រព្យសម្បត្តិផ្សេងៗដោយចៃដន្យ៕
ចុចអាន៖ ប្រថុយគ្រោះថ្នាក់ឡើងអង់តែនដ៏ខ្ពស់ ដើម្បីថត selfie
ប្រែសម្រួល៖ មាន រតនា ប្រភព៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
