តារា​ចម្រៀង​ចង្វាក់ R&B Rihanna បាន​ក្លាយ​ជា​តារា​ចម្រៀង​ដំបូង​ដែល​មាន​អាល់ប៊ុម​លក់​ដាច់​​សរុប​ច្រើន​ជាង ១០០លាន​បន្ទះ។ នេះ​បើ​តាម​ការ​ឲ្យ​ដឹង​ពី​សមាគម​ផលិត​បទ​ចម្រៀង​អាមេរិក កាល​ពី​ថ្ងៃ​ពុធ។

តារា​វ័យ ២៧ឆ្នាំ Rihanna ដែល​ធ្លាប់​ទទួល​បាន​ពាន​រង្វាន់​​ច្រើន​សម្រាប់​ចំនួន​លក់​អាល់ប៊ុម បាន​នាំ​មុខ​តារា​ចម្រៀង Taylor Swift និង Katy Perry ដែល​ជាប់​លេខ​២ និង​លេខ​៣។ ចំនួន​លក់​អាល់ប៊ុម​ទាំង​នេះ គឺ​រាប់​បញ្ចូល​ទាំង​ការ​ដោនឡូត​ពី​អ៊ីនធឺណិត និង​ការ​ចាក់​ស្ដាប់​នៅ​ក្នុង​សហរដ្ឋ​អាមេរិក។

ប្រធាន​សមាគម​លោក Cary Sherman បាន​និយាយ​ក្នុង​សេចក្ដីថ្លែងការណ៍​​ថា "Rihanna មិន​ត្រឹម​តែ​អាច​លក់​អាល់ប៊ុម​លើស​ពី ១០០លាន​នោះ​ទេ ប៉ុន្តែ​នាង​គឺ​ជា​តារា​ដំបូង​គេ​តែ​ម្ដង​ដែល​អាច​ធ្វើ​បាន​ដូច​នេះ។ នេះ​គឺ​ជា​ស្នាដៃ​ជា​ប្រវត្តិសាស្ត្រ និង​​ភស្តុតាង​បញ្ជាក់​ថា អាជីព​របស់​នាង​ពិត​ជា​មិន​ធម្មតា"។

Rihanna ធ្លាប់​បាន​ឈ្នះ​ពាន​រង្វាន់ Grammy ចំនួន​៨ និង​បាន​ចេញ​អាល់ប៊ុម​ចំនួន​៧។ បទ​ចម្រៀង​ល្បី​ៗ និង​លក់​ដាច់​បំផុត​របស់​នាង​មាន​ដូច​ជា​បទ "We Found Love” , “Stay” , "Only Girl (In the World” រួម​ជាមួយ​​បទ​ចម្រៀង​​ល្បី​ៗជា​ច្រើន​ទៀត។

កាល​ពី​ព្រឹក​មិញ​នេះ​ដែរ អតីត​មិត្ត​ស្រី​តារា​ចម្រៀង Chris Brown រូប​នេះ​បាន​ចេញ​វីដេអូ​ចម្រៀង​ថ្មី​មួយ​បទ គឺ​បទ "Bitch Better Have My Money" ៕

ចុចអាន៖រ៉ូប​​​​​ ​Rihanna​​​ ​ពាក់​ចូល​កម្មវិធី​ Met Gala ​ចំណាយពេល​​​​ច្នៃ​ម៉ូដ​​ដ​ល់​ទៅ​​​២ ​ឆ្នាំ

ចុចអាន៖១២ឈុត​ដែល Rihanna មើល​ទៅ​ស្រស់​ស្អាត​បំផុត

ប្រែ​សម្រួល៖ វ៉ាន់ថន ប្រភព៖ channelnewsasia