គ្រួសារ Messi រងការវាយប្រហារជំនួបវគ្គផ្ដាច់ព្រ័ត្រ Copa America យប់មិញ

2015-07-05 18:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកគ្រួសាររបស់ប្រធានក្រុមជម្រើសជាតិអាហ្សង់ទីន Lionel Messi ត្រូវអ្នកគាំទ្រម្ចាស់ផ្ទះវាយប្រហារអំឡុងពេលការប្រកួតរវាងអាហ្សង់ទីន ទល់នឹងឈីលី ក្នុងការប្រកួតវគ្គផ្ដាច់ព្រ័ត្រ Copa America កាលពីយប់មិញ។

រឿងរ៉ាវខាងលើនេះ បានកើតឡើងនៅមុនចប់ការប្រកួតតង់ទី១ ដោយសារតែអ្នកគាំទ្ររបស់ម្ចាស់ផ្ទះ បានស្រែកជេរប្រមាថដល់គ្រួសារខ្សែប្រយុទ្ធ Messi របស់ក្លិប FC Barcelona ដែលមានឪពុកម្ដាយ Celia និង Jorge និងបងប្អូនប្រុស Rodrigo និង Matias។

បងប្រុសកីឡាករវ័យ២៨ឆ្នាំ (Messi) ឈ្មោះ Rodrigo ត្រូវអ្នកគាំទ្រក្រុមឈីលីម្នាក់គប់វត្ថុរឹងចំបន្ទាប់ពីខឹងគ្នានិងច្រឡោតទៅមក ខណៈដែលសមាជិកគ្រួសាររបស់តារាឆ្នើមពិភពលោកផ្សេងទៀត បានគេចខ្លួនទៅកន្លែងបន្ទប់ផ្សាយទូរទស្សន៍ ដើម្បីរកកន្លែងសុវត្ថិភាព។

ដោយឡែក គ្រួសាររបស់ខ្សែប្រយុទ្ធ Sergio Aguero ក៏ត្រូវបានក្រុមអ្នកគាំទ្រឈីលីជាច្រើន បានស្រែកជេរប្រមាថដូចគ្នាផងដែរ ប៉ុន្តែពុំបានឈានដល់ប្រើអំពើហិង្សាទេ។

រីឯ Messi ក៏ឈឺសាច់មិនស្ទើរដែរយប់មិញ ក្រោយពេលខ្សែការពារ Gary Medel របស់ឈីលី ទាត់ចំពោះ១ជើងពេញទំហឹង។ គ្រួសាររបស់ខ្សែប្រយុទ្ធក្រុម Barca សង្ឃឹមថានឹងឃើញកីឡាករឆ្នើមរូបនេះ ជួយឲ្យអាហ្សង់ទីនលើកពានលើកដំបូង តាំងពីឆ្នាំ១៩៩៣មក ប៉ុន្តែទីបំផុតបានត្រឹមតែជើងឯករងប៉ុណ្ណោះ៕

-ចុចអាន៖ ឈីលី បង្កើតប្រវត្តិសាស្រ្តថ្មី ១០០ ឆ្នាំលើកពាន Copa America ក្រោយឈ្នះអាហ្សង់ទីនដោយប៉េណាល់ទី

ប្រែសម្រួល៖ វិន ជីវ័ន្ត ប្រភព៖ goal