ម្ដាយរបស់គណៈកម្មការ Britian's Got Talent លោក Simon Cowell ស្លាប់

2015-07-06 16:14:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Julie ដែលត្រូវជាម្ដាយរបស់គណៈកម្មាការ Britain's Got Talent លោក Simon Cowell បានស្លាប់ក្នុងជន្មាយុ ៨៩ឆ្នាំ។ នេះបើតាមការប្រកាសរបស់គ្រួសារ Simon Cowell។

តាមសម្ដីរបស់អ្នកនាំពាក្យគ្រួសារបានចេញមកបញ្ជាក់ថា អ្នកស្រី Cowell អតីតអ្នករាំដ៏ល្បីបានទទួលមរណភាពកាលពីម្សិលមិញ។ ពួកគេក៏បានបង្ហាញភាពសោកស្ដាយថា៖ "ថ្ងៃនេះអ្នកម្ដាយជាទីស្រលាញ់ Julie បានបាត់បង់ជីវិតហើយ។ មនុស្សគ្រប់គ្នាដែលបានស្គាល់គាត់ប្រាកដជាដឹងថាគាត់ជាពិតជាពិសេសនិងជាស្ត្រីចិត្តល្អម្នាក់។ ពួកយើងមានការខូចចិត្តនិងនឹកគាត់ខ្លាំងណាស់ប៉ុន្តែពេលនេះគាត់ទៅដល់ឋានសួគ៌ហើយ។

អ្នកស្រី Julie ស្លាប់ដោយសារជំងឺដាច់សរសៃឈាមខួរក្បាលនិងបានសម្រាកព្យាបាលជាច្រើនថ្ងៃក្នុងមន្ទីរពេទ្យមួយក្នុងទីក្រុងឡុងដុងមុនពេលទទួលមរណភាព។ នេះបើតាមគ្រួសាររបស់អ្នកស្រីបានប្រាប់ The Sun។

អ្នកស្រី Cowell បានរៀបការជាមួយលោក Eric ដែលជាអតីតនាយកប្រតិបត្តិផលិតកម្ម EMI តែលោកបានស្លាប់តាំងពីឆ្នាំ១៩៩៩។ អ្នកទាំងពីរមានកូនចំនួន៤នាក់រួមមាន Nicholas, Simon, Tony និង Michael៕

អាន៖ Fan Bingbing បញ្ចេញដើមទ្រូងសិចស៊ីម្ដងទៀតក្នុងរឿងបុរាណថ្មី

ប្រែសម្រួល៖ ហេង សុធារិទ្ធិ ប្រភព៖ mirror