តារា​ចម្រៀង​អាមេរិក Justin Bieber បាន​បង្ហោះ​រូបថត​ស្រាត​មួយ​សន្លឹក​លើ​​បណ្ដាញ Instagram ដែល​បាន​ទាក់ទាញ​ចំណាប់​អារម្មណ៍​អ្នក​គាំទ្រ​ជា​ច្រើន​ កាល​ពី​ប៉ុន្មាន​នាទី​មុន​នេះ។ រយៈ​ពេល​មិន​ដល់​កន្លះ​ម៉ោង​ផង រូប​ថត​ដែល​បង្ហាញ​រាង​​ពីក្រោយ​ទាំង​អស់​របស់​តារា​វ័យ ២១ឆ្នាំ​រូប​នេះ មាន​អ្នក​ចុច​ Like ជាង​កន្លះ​លាន​នាក់។

ភ្ជាប់​ជាមួយ​រូប​ថត ម្ចាស់​បទ "Boyfriend” រូប​នេះ​បាន​សរសេរ​យ៉ាង​ខ្លី​ថា "Look (មើល​ន៏)” ដោយ​ក្នុង​រូប​គេ​បាន​ចង្អុល​ទៅ​កាន់​កោះ​ដ៏​ស្រស់​ស្អាត​មួយ។

Justin Bieber បាន​មក​វិស្សមកាល​នៅ​អូស្ត្រាលី​ជា​មួយ​មិត្តភ័ក្ដិ​របស់​គេ​តាំង​ពី​សប្ដាហ៍​មុន​ម្ល៉េះ ហើយ​កាល​ពី​ម្សិលមិញ​គេ​បាន​បង្ហោះ​រូបភាព​មិត្តភ័ក្ដិ​ម្នាក់​ឈ្មោះ Joe Termini ដែល​ត្រូវ​បាន​ត្រី​ឆ្លាម​វាយ​ប្រហារ ៕

ចុចអាន៖ធ្លាប់​ឃើញ Taylor Swift និង Justin Bieber ច្រៀង​ជាមួយ​គ្នា​ទេ?

​ប្រែ​សម្រួល៖ វ៉ាន់ថន ប្រភព៖ justjaredjr