ទីបំផុត កុំកុំ បានដើរតួក្នុងរឿងល្បីហូលីវូដ ឯតម្លៃខ្លួនវិញគឺ ...

2015-07-07 19:00:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយការរង់ចាំជាច្រើនឆ្នាំរបស់អ្នកគាំទ្រ ទីបំផុតតារាសម្ដែងហុងកុង Donnie Yen ហៅ កុំកុំ បានទទួលតំណែងជាតួសំខាន់ក្នុងខ្សែភាពយន្តធំនៅហូលីវូដហើយ ខណៈដែលកាលពីមុនតារារូបនេះធ្លាប់តែសម្ដែងតួរាយរងប៉ុណ្ណោះដូចជាក្នុងរឿង “Blade 2” និង “Shanghai Knights”។

យោងតាមសារព័ត៌មាន Apple Daily តារាក្បាច់គុនកុងហ្វូរូបនេះបានចុះកិច្ចសន្យាសម្រាប់ការចូលសម្ដែងក្នុងខ្សែភាពយន្ត “STAR WARS – EPISODE8” ដោយដើរតួជាសមាជិកក្រុម “Jedi” ជាមួយតួឯក Han Solo សម្ដែងដោយតារាអាមេរិក Harrison Ford។ តារាវ័យ ៥១ឆ្នាំរូបនេះ អាចទទួលបាន ៤លានដុល្លារ សម្រាប់ការសម្ដែងតួមួយនេះ ហើយនឹងត្រូវចេញដំណើរទៅទីក្រុងឡុងដុង ប្រទេសអង់គ្លេស នៅខែក្រោយ ដើម្បីចាប់ផ្ដើមថត។

ទោះយ៉ាងណាប្រភពបានឲ្យដឹងថា ដំបូងឡើយក្រុមផលិតករភាពយន្ត "Star Wars” មានការស្ទាក់ស្ទើរក្នុងការជ្រើសរើសរវាង កុំកុំ និង លី លានជា (Jet Li) ក៏ប៉ុន្តែដោយសារ លី លានជា ទាមទារតម្លៃខ្លួន១០លានដុល្លារ ទើបពួកគេសម្រេចចិត្តជ្រើសរើស កុំកុំ តែម្ដង។

គួរបញ្ជាក់ថា ខ្សែភាពយន្តបែបវិទ្យាសាស្ត្រ “Star Wars” ដែលបានចេញវគ្គដំបូងតាំងពីឆ្នាំ១៩៧៧ នឹងចេញវគ្គថ្មី “A Force Awaken – Episode 7” នៅថ្ងៃទី១៨ ខែធ្នូ ឆ្នាំ២០១៥នេះ ដោយមានការចូលរួមសម្ដែងពីតារាក្បាច់គុន IKO UWAIS និង YAYAN RUHIAN។ ដោយឡែកវគ្គទី១០ដែលជាវគ្គ កុំកុំ ចូលសម្ដែង នឹងអាចចេញបញ្ចាំងនៅខែឧសភា ឆ្នាំ២០១៧ ៕