តារាកូរ៉េល្បី៦នាក់ដែលធ្លាប់មានរឿងអាស្រូវពាក់ព័ន្ធគ្រឿងញៀន

2015-07-08 13:05:56
ចំនួនមតិ 0 | ចំនួនចែករំលែក 0

ចន្លោះមិនឃើញ

នាឆ្នាំកន្លងទៅ សមាជិកក្នុងក្រុម 2NE1 Park Bom ត្រូវបានគេទម្លាយរឿងអាស្រូវក្នុងការរត់ពន្ធថ្នាំញៀន ដែលទង្វើនេះពិតជាប៉ះពាល់ដល់កេរ្តិ៍ឈ្មោះឧស្សាហកម្មកម្សាន្តកូរ៉េយ៉ាងខ្លាំង។ ប៉ុន្តែ Park Bom មិនមែនជាតារាកូរ៉េដំបូងដែលមានរឿងអាស្រូវទាក់ទងនឹងគ្រឿងញៀននេះទេ គឺនៅមានតារាល្បីផ្សេងៗទៀតធ្លាប់ធ្វើរឿងខុសពីច្បាប់បែបនេះ។ ចង់ដឹងមាននរណាខ្លះសូមមើលបញ្ជីឈ្មោះខាងក្រោម៖

១. Lee Seungchul

Lee Seungchul បានក្លាយជាតារាចម្រៀងទោលជោគជ័យម្នាក់បន្ទាប់ពីក្រុមចម្រៀងរបស់គេបានបែកខ្ញែក។ ប៉ុន្តែតារាជើងចាស់នេះធ្លាប់បានជាប់បម្រាមមិនឲ្យឡើងសម្ដែងលើស្ថានីយទូរទស្សន៍ចំនួន៥ឆ្នាំដោយសារជាប់ទោសពីបទប្រើប្រាស់កញ្ឆានៅឆ្នាំ១៩៩០។

២. PSY

មនុស្សជាច្រើនប្រាកដជាស្គាល់តារាចម្រៀងមាឌធាត់ PSY តាមរយៈបទ “Gangnam Style” ប៉ុន្តែប្រហែលជាអ្នកមិនធ្លាប់ដឹងឡើយថា បុរសរូបនេះធ្លាប់មានរឿងអាក្រក់ទាក់ទងនឹងគ្រឿងញៀន។ ម្ចាស់បទ "Gentleman” ត្រូវបានប៉ូលិសចាប់ខ្លួនកាលពីឆ្នាំ២០០១ពីបទរក្សាទុកកញ្ឆា។

៣. Joo Jihoon

រឿងអាស្រូវទាក់ទងគ្រឿងញៀនរបស់តារាសម្ដែង Joo Jihoon អាចចាត់ទុកថាជាបទល្មើសធំជាងក្នុងប្រវត្តិសាស្ត្ររបស់តារាកូរ៉េ។ នៅថ្ងៃទី២៧ខែមេសាឆ្នាំ២០០៩ តារាវ័យ៣៣ឆ្នាំត្រូវបានចាប់ខ្លួនដោយជាប់សង្ស័យពីបទចែកចាយគ្រឿងញៀន Ecstasy ជាមួយនឹងជនសង្ស័យ១៥នាក់ផ្សេងទៀតក្នុងនោះក៏មានតារាសម្ដែងស្រី Yoon Seolhee ផងដែរ។ លោកបានសារភាពកំហុសខ្លួនពិតជាបានប្រើប្រាស់គ្រឿងញៀន Ecstasy និង Ketamine មែន។ ហើយតុលាការកាត់ទោសគាត់ឱ្យជាប់គុករយៈពេល៦ខែ, ព្យួរការងារមួយឆ្នាំ ឲ្យធ្វើការងារសហគមន៍រយៈពេល១២០ម៉ោងនិងពិន័យជាប្រាក់ចំនួន ៣៦០ ០០០វ៉ុន (៣១៧ដុល្លារ)។

៤. Crown J

តារាHip-hop Crown Jត្រូវប៉ូលិសអាមេរិកចាប់ខ្លួនចោទប្រកាន់ពីបទប្រើប្រាស់និងរក្សាទុកកញ្ឆានៅខែធ្នូឆ្នាំ២០១០។ តាមសេចក្ដីរាយការណ៍របស់អ្នកស៊ើបអង្កេត តារាចម្រៀងវ័យ៣៥បានសារភាពថាខ្លួនពិតជាបានប្រើប្រាស់កញ្ឆានៅក្នុងទីក្រុង Atlantaពិតមែន។

៥. G-Dragon

កាលពីរដូវក្ដៅឆ្នាំ២០១១ G-Dragonត្រូវបានប៉ូលិសចាប់ខ្លួនពីបទប្រើប្រាស់កញ្ឆានៅក្នុងក្លឹបរាត្រីជប៉ុនមួយកន្លែង។ រឿងរាវនេះបានកើតឡើងនៅក្នុងពិធីជប់លៀងរបស់ក្រុម BIGBANGក្នុងប្រទេសជប៉ុននៅពេលដែលពូកគេទៅប្រគំតន្ត្រីនៅទីនោះ។ តាមសម្ដីរបស់ GD បានបង្ហើបថា មានបុរសមិនស្គាល់អត្តសញ្ញាណម្នាក់បានឲ្យបារីគាត់មួយដើម គាត់ក៏បានទទួលយកវាដើម្បីបង្ហាញភាពគួរសម។ បន្ទាប់មកប៉ូលិសក៏បានឃាត់គាត់និងបានធ្វើតេស្តពិនិត្យទឹកនោមនិងសក់ក្បាលពិតជាបានរកឃើញថាគាត់ពិតជាប្រើប្រាស់កញ្ឆាប្រាកដមែន ហើយនៅពេលនោះម្ចាស់បទ "WHO YOU?” ក៏ត្រូវគេផ្អាកការសម្ដែងលើទូរទស្សន៍។ ទោះជាយ៉ាងណាក៏ដោយG-Dragonមិនត្រូវបានជាប់ទោសពីបទឧក្រិដ្ឋអ្វីឡើយ។

៦. Park Bom

កាលពីឆ្នាំពី២០១០ Park Bom ធ្លាប់បានរត់ពន្ធថ្នាំញៀនខុសច្បាប់ពីសហរដ្ឋអាមេរិកមកប្រទេសកូរ៉េ។ ក្រោយមកគេបានរកឃើញថា នាងបានទទួលវេជ្ជបញ្ជាពីមន្ទីរពេទ្យនៅសហរដ្ឋអាមេរិកក្នុងការប្រើថ្នាំគ្រាប់នោះដើម្បីព្យាបាលជំងឺផ្លូវចិត្ត។ ទោះយ៉ាងណាការដែលថ្នាំ៨០គ្រាប់នោះត្រូវបានលាក់ទុកនៅក្នុងកញ្ចប់ចាហួយយ៉ាងអាថ៌កំបាំង គឺនៅតែធ្វើឲ្យមហាជនមានការសង្ស័យ ហើយផលិតកម្ម YG មិនបានបកស្រាយពីបញ្ហានេះឡើយ ៕

ចុចអាន៖៧លើក ដែលអ្នកគ្រប់គ្រងតារា KPOP ចេញចរិតឈ្លើយដាក់អ្នកគាំទ្រ

ចុចអាន៖ធ្លាយរូបថតយ៉ាប់ៗ របស់សមាជិក EXO ៨រូប ល្បីថាវះកាត់កែសម្ផស្ស

ប្រែសម្រួល៖ ហេង សុធារិទ្ធិ ប្រភព៖ ttwigo