តារា​ល្បី​ឈ្មោះ​មួយ​ចំនួន​របស់​កម្ពុជា​នឹង​បង្ហាញ​ខ្លួន​នៅ​លើ​វេទិកា​ជាមួយ​នឹង​តារា​សម្ដែង​ថៃ ក្នុង​ព្រឹត្តិការណ៍​អបអរ​ការ​ចាប់​ផ្ដើម​ផ្សាយ​ដំបូង​របស់​ស្ថានីយ​ទូរទស្សន៍ PNN ។ ការ​ចាក់​ផ្សាយ​លើក​ដំបូង​របស់​ស្ថានីយ​ទូរទស្សន៍ PNN នឹង​ចាប់​ផ្ដើម​នៅ​ម៉ោង ៥:៣០​នាទី​ល្ងាច​ថ្ងៃ​សៅរ៍​ទី ១១ ខែ​កក្កដា។

ពិធី​ករ-ពិធី​ការិនី​ទូរទស្សន៍ មាន​លោក ប៉ែន ចំរ៉ុង អ្នកនាង NG និង​អ្នក​នាង​ ខាត់ សុខឃីម គឺ​ស្ថិត​ក្នុង​ចំណោម​តារា​ដែល​នឹង​បង្ហាញ​ខ្លួន​ក្នុង​កម្មវិធី​នោះ។ ចំណែក​ឯ​តារា​មក​ពី​ប្រទេស​ថៃ​វិញ រួម​មាន លោក Art Phasut Banyam (Art), កញ្ញា Patricia Tanchanok Good (Pat), កញ្ញា Joy RinlaneeSripen (Joy)និង កញ្ញា Puifai AF4។

កញ្ញា Patricia Tanchanok Good និង​លោក  ប៉ែន ចំរ៉ុង

អគ្គនាយក​ស្ថានីយ​ទូរទស្សន៍ PNN លោក Glen Felgate បាន​ថ្លែង​ថា៖ “នេះ​ជា​ឱកាស​សម្រាប់​ទូរ​ទស្សនិកជន​កម្ពុជា​បាន​ឃើញ​តារា​ល្បីៗ​បំផុត​នៅ​ក្នុង​ប្រទេស ហើយ​នេះ​ជា​ឱកាស​ដែល​ពួក​គាត់​បាន​ឃើញ​តារា​ល្បីៗ​មក​ពី​ប្រទេស​ថៃ​ផង​ដែរ”។

នៅ​ក្នុង​ការ​ផ្សាយ​ដំបូង ស្ថានីយ​ទូរទស្សន៍ PNN នឹង​បង្ហាញ​នូវ​កម្មវិធី​ចម្រុះ ​ដែល​បង្ហាញ​ពី​កម្មវិធី​ផ្សេងៗ​របស់​ខ្លួន ។ ស្ថានីយ​ទូរទស្សន៍ PNN ក៏​នឹង​បង្ហាញ​ជូន​អំពី​កម្មវិធី​ផលិត​ក្នុង​ស្រុក ​ខ្សែ​ភាពយន្ត​ភាគ និង​ព័ត៌មាន​ផង​ដែរ។ នៅ​ក្នុង​ព្រឹត្តិការណ៍​នោះ តារា​កម្ពុជា និង​ថៃ នឹង​ចូល​រួម​សម្ដែង​រួមគ្នា​នៅ​លើ​ឆាក​ថែម​ទៀត​ផង។

លោក Glen Felgate បាន​មាន​ប្រសាសន៍​បន្ត​ថា៖ “ការ​សម្ដែង​លើ​ឆាក ​និង​កម្មវិធី​កម្រាល​ព្រំ​ក្រហម​របស់​យើង នឹង​បង្ហាញ​រ៉ាយរ៉ាប់​អំពី​កម្មវិធី​ផ្សេងៗ​របស់​ស្ថានីយ។ ការ​ចាក់​ផ្សាយ​ដែល​នឹង​ចាប់​ផ្ដើម​នៅ​វេលា​ម៉ោង ៥:៣០ នាទី​ល្ងាច ថ្ងៃសៅរ៍ ១១ ខែ​កក្កដា ​នឹង​អាច​ឱ្យ​ទូរ​ទស្សនិកជន​បាន​ស្គាល់​រសជាតិ​ពិត​នៃ​ស្ថានីយ​ទូរទស្សន៍​នេះ”។

ស្ថានីយ​ទូរទស្សន៍ PNN បាន​ចំណាយ​ទុន​វិនិយោគ​ជាង ​២០លាន​ដុល្លារ​អាមេរិក​ទៅ​លើ​ការ​សាងសង់​ស្ទូឌីយ៉ូ ក៏​ដូចជា​ឧបករណ៍​ទំនើប​ៗ និង​ទឹក​ប្រាក់​រាប់​លាន​ដុល្លារ​អាមេរិក​ទៀត ​ទៅ​លើ​ការ​ផលិត​កម្មវិធី។

កាល​ពី​ពេល​ថ្មីៗ ស្ថានីយ​ទូរទស្សន៍ PNN បាន​ចុះ​ហត្ថលេខា​លើ​កិច្ចព្រមព្រៀង​មួយ​ ដែល​អនុញ្ញាត​ឱ្យ PNN អាច​ប្រើ​ប្រាស់​កម្មវិធី​ផ្សាយ​រួច​ហើយ​របស់​ទូរទស្សន៍​ប៉ុស្តិ៍​លេខ ៣ ថៃ ​ក៏​ដូចជា​ខ្សែ​ភាពយន្ត​ដែល​កំពុង​ចាក់​ផ្សាយ​បច្ចុប្បន្ន​របស់​ទូរទស្សន៍​នេះ​ផង​ដែរ។

ខ្សែ​ភាពយន្ត​ភាគ​របស់​ស្ថានីយ​ទូរទស្សន៍​ប៉ុស្តិ៍​លេខ ៣ ថៃ ដែល​នឹង​ចាក់​ផ្សាយ​លើ​កញ្ចក់​ទូរទស្សន៍ PPN សម្ដែង​ដោយ​តារា​ភាពយន្ត​ថៃ​ល្បីៗ ដូចជា Nadech Kugimiya, Urassaya Sperbund, Ken Phupom និង JanieTienphosuwan។

បច្ចុប្បន្ន ម៉ាស៊ីន​ផ្សាយ​របស់ PNN មាន​នៅ​ក្នុង​រាជធានី​ភ្នំពេញ ខេត្ត​កោះកុង ស្វាយរៀង ត្បូងឃ្មុំ កំពង់ធំ សៀមរាប បន្ទាយមានជ័យ បាត់ដំបង ប៉ៃលិន ពោធិ៍សាត់ ក្រចេះ ស្ទឹងត្រែង មណ្ឌលគិរី រតនគិរី ព្រះវិហារ ឧត្ដរមានជ័យ ព្រះសីហនុ កំពត និង តាកែវ។ ទូរទស្សន៍ PNN ផ្សាយ​នៅ​លើ​ប្រព័ន្ធ UHF ប៉ុស្តិ៍​លេខ ៥៦ និង​ជា​ប៉ុស្តិ៍​ទូរទស្សន៍​បែប​កម្សាន្ត​ទូទៅ។

-ចូល​មើល​ទំព័រ​ហ្វេសប៊ុក PNN: www.facebook.com/pnntvcambodia -ព័ត៌មាន​បន្ថែម សូម​ទាក់ទង​លោក Glen Felgate តាម​អ៊ីម៉េល glen.felgate@pnn.com.kh

អត្ថបទ៖ ពាណិជ្ជកម្ម