ដឹងថាហេតុអ្វីតុក្កតា Minion មានតែប្រុស អត់មានស្រីអីមួយអីចឹង ទេ?

2015-07-16 13:05:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តតុក្កតា "Minions” ដែលជាវគ្គថ្មីនៃស៊េរីខ្សែភាពយន្ត "Despicable Me” បានទទួលការគាំទ្រច្រើនមិនចាញ់វគ្គមុនៗឡើយ បន្ទាប់ពីចាក់បញ្ចាំងកាលពីសប្ដាហ៍មុន។ ទោះយ៉ាងណា ចំណុចមួយបានក្លាយជាចម្ងល់សម្រាប់ទស្សនិកជនដោយក្នុងខ្សែភាពយន្តទាំង ៣វគ្គ គេឃើញតុក្កតា Minion ទាំងអស់សុទ្ធតែភេទប្រុស មិនមានស្រីម្នាក់ឡើយ។

តាមសម្ដីអ្នកបង្កើតតុក្កតា Minion លោក Pierre Coffin បានឲ្យដឹងថា តួអង្គ Minion គឺជាប្រុសទាំងអស់ ហើយអ្នកបញ្ចូលសំឡេងក៏ជាប្រុសទាំងអស់ដែរ រួមទាំងលោកផង។ មូលហេតុត្រូវបានអ្នកគូររូបគំនូរជីវចលជនជាតិបារាំងរូបនេះលើកឡើងថា មនុស្សស្រីមានភាពវៃឆ្លាតក្នុងការដោះស្រាយបញ្ហា ដូច្នេះពួកគេមិនសក្ដិសមធ្វើជា Minion ឡើយ។ "ដោយសារតែ Minionសុទ្ធតែមានចរិតឡប់ៗ ល្ងីល្ងើ ដូច្នេះខ្ញុំមិនដឹងថាគួរបង្កើត Minion ស្រីបានយ៉ាងណានោះទេ"។ លោក Coffin និយាយ។

ទោះយ៉ាងណា ជួនកាលគេក៏ឃើញតួអង្គ Minion ខ្លះតុបតែងខ្លួនជាមនុស្សស្រីដែរ ដូចជានៅពេល Minion មួយធ្វើជាអ្នកសម្អាតផ្ទះក្នុងរឿង "Despicable 2” និង Minion មួយទៀតក្នុងវគ្គថ្មីបានយកផ្កាយសមុទ្រមកបិទបាំងដើមទ្រូងដូចមនុស្សស្រីដែរ។

ក្នុងវគ្គថ្មី ដែលរកបានលើសពី ១០០លានដុល្លារក្នុងសប្ដាហ៍ដំបូងនេះ ក៏មានតួអង្គមនុស្សស្រីម្នាក់ដែរ គឺ Scarlett Overkill ដែលជាតួចិត្តអាក្រក់ បញ្ចូលសំឡេងដោយតារាសម្ដែង Sandra Bullock ៕