កូនខ្មែរកាត់បារាំងមិនត្រឹមល្បីនៅHollywood ថែមទាំងជាអគ្គរដ្ឋទូតOmega!

2014-10-14 15:43:11
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងលំដាប់ពិភពលោកមានឈាមជ័រជាខ្មែរ មិនត្រឹមតែមានកេរ្តិ៍ឈ្មោះបោះសំឡេងក្នុងវិស័យភាពយន្តហូលីវូដប៉ុណ្ណោះទេ ប៉ុន្តែថែមទាំងបានក្លាយជាអគ្គរដ្ឋទូតស្លាកយីហោក្រុមហ៊ុននាឡិកាល្បីទៀតផង។

តារាសម្ដែង និងដើរម៉ូដ Berenice Marlohe អាយុ៣៥ឆ្នាំ ដែលត្រូវបានគេហទំព័របរទេសអះអាងថា បានកើតនៅទីក្រុងប៉ារីស មានឪពុកជាជនជាតិខ្មែរ និងម្ដាយជាជនជាតិបារាំង បានប្រឡូកចូលក្នុងវិស័យសិល្បៈតាំងពីឆ្នាំ២០០៧ ដោយសម្ដែងទាំងភាពយន្តមួយរឿងចប់ និងរឿងភាគជាច្រើន ប៉ុន្តែភាពយន្ត James Bond រឿង "Skyfall” បានធ្វើឲ្យនាងមានប្រជាប្រិយភាពខ្លាំងក្នុងឆ្នាំ២០១២។

-នារីខ្មែរ៥រូប ភាគច្រើនល្បីល្បាញ ក្នុងភាពយន្ត Hollywood!

ពីក្រៅការងារសម្ដែង នាងបានក្លាយជាអគ្គរដ្ឋទូតស្លាកយីហោក្រុមហ៊ុននាឡិកាល្បីរបស់ស្វីស នោះគឺ Omega។ នាងបានប្រើសម្រស់ និងសកម្មភាពរបស់នាងពេលចូលរួមកម្មវិធីល្បីៗជួយផ្សព្វផ្សាយផលិតផលរបស់ក្រុមហ៊ុននេះ តាមរយៈការបង្ហាញនាឡិកា Omega នៅលើដៃរបស់នាងដោយប្រយោល។